Грамадства2626

Мінчанцы, якая прасіла ў Лукашэнкі кватэру за трох народжаных дачок, пакуль падарылі трохмесную каляску

Ангеліну Камінскую з трайнятамі выпісалі з РНПЦ «Маці і дзіця» дамоў.

Ангеліна Камінская з мужам Станіславам. Тут і далей фота з яе інстаграма

Забіраў сям'ю малады бацька Станіслаў Камінскі — ён, дарэчы, старшы сяржант Дэпартамента аховы МУС.

Высокія чыноўнікі віншаваць дзёрзкую дзяўчыну ўсё ж не прыйшлі (хоць у РНПЦ усё тэрмінова рыхтавалі да іх сустрэчы) — абмежаваліся прыездам праўладных СМІ і прадстаўнікоў лукашэнкаўскай «Белай Русі».

Апошнія ўсё ж удакладнілі ў Ангеліны, які падарунак яна б хацела атрымаць на выпіску.

Маладая маці адказала, што трохмесную каляску — і ўчора ёй сапраўды ўрачыста ўручылі сертыфікат на 2000 рублёў.

А ў інстаграме «Белай Русі» намякнулі, што «дзякуючы клопату дзяржавы аб шматдзетных сем'ях неўзабаве жыллёвае пытанне вырашыцца».

На мінулым тыдні мінчанка 25‑гадовая Ангеліна Камінская стала зоркай сацсетак — яе зварот да Лукашэнкі ў інстаграме паглядзела ўжо 6,4 мільёна чалавек. 

Маладая маці казала, што, паколькі ў Год беларускай жанчыны падарыла краіне трох цудоўных жанчын, яна можа і «стаць нахабнай». Ангеліна ўставіла ў ролік відэа, у якім Лукашэнка кажа: «Дарагія жанчыны! Нарадзіце трэцяе малое і патрабуйце ад мяне што заўгодна».

Таму Ангеліна вырашыла скарыстацца прапановай. 

«У сувязі з гэтым я вельмі-вельмі хачу вас папрасіць для нашай маленькай, але такой ужо вялікай сям'і жытло ў горадзе Мінску. Таму што наша маладая сям'я, на жаль, яшчэ не паспела абзавесціся жыллём. Для таго, каб дзяўчынкі раслі ў камфорце і дастатку, гэта будзе вельмі-вельмі дарэчы». 

Зварот выклікаў вялікі рэзананс у беларускім грамадстве. Адны захапляліся смеласцю Ангеліны, іншыя палічылі гэта нахабствам.

Сама ж Ангеліна змагла добра раскруціць свой інстаграм — цяпер у яе 64 тысячы падпісчыкаў. Тыя, дарэчы, паспрабавалі злавіць дзяўчыну на хлусні — бо частка кантэнту блога прысвечана рамонту ў кватэры.

Людзі пачалі сумнявацца, што такія маштабныя перамены нехта стане рабіць у арэндным жыллі. Ангеліна ж растлумачыла: кватэра належыць яе бацькам. Але паколькі яна сама са шматдзетнай сям'і, дык не можа дазволіць сабе пакрыўдзіць сваякоў. 

Пасля звароту Ангеліны беларускі зладзілі флэшмоб у сацсетках: шматдзетныя сем'і (сярод іх былі і тыя, дзе таксама ёсць трайняты) пачалі прасіць Лукашэнку даць кватэру і ім.

Напрыклад, Настасся Багатырова, маці трайнятаў-хлопчыкаў распавяла ў відэа, што паўтара года саромелася звяртацца па дапамогу, але калі пайшоў такі трэнд, дык і яна папросіць кватэру. Жанчына падкрэслівае, што расціць унукаў ветэрана МУС. 

Каментары26

  • Молодец, Ангелина!
    18.09.2026
    Доказала, что Лукашенко - 3,14здабол
  • ды
    18.09.2026
    такім кватэру МУСіць МУСяць даваць ужо толькі за тое, што жонка МУСара ці нявестка МУСара
  • Vazok
    18.09.2026
    Słova "vazok" jość

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць