Вайна22

Украіна пашкодзіла пяць цэхаў на заводзе па вытворчасці кампанентаў для «Арэшніка» і іншых ракет

У Растоўскай вобласці ў выніку ўдару Узброеных сіл Украіны па Азоўскім оптыка-механічным заводзе (АОМЗ) у ноч на 26 верасня былі пашкоджаныя пяць вытворчых цэхаў. Разбурэнні зафіксаваныя на спадарожнікавых здымках, піша The Moscow Times.

Фота: t.me/V_Zelenskiy_official

У ліцейным цэху бачныя сляды пажару і значныя пашкоджанні двух будынкаў. У механічным цэху часткова абваліўся дах. Таксама сур'ёзна пацярпелі цэхі, дзе вырабляюць оптыку, зборны і гальванічны цэхі.

Служба бяспекі Украіны пацвердзіла ўдар па АОМЗ. Паводле яе інфармацыі, для атакі выкарыстоўваліся ўкраінскія крылатыя ракеты «Нептун», а таксама рэактыўныя дроны «Рута», «Паляніца» і «Барс».

Завод уваходзіць у карпарацыю «Тактычнае ракетнае ўзбраенне». Паводле расследавання Dallas Analytics, АОМЗ удзельнічае ў вытворчых ланцужках як мінімум сямі расійскіх ракетных праграм. Сярод іх — дальнабойныя ракеты «паветра — паветра» Р-37М, стратэгічныя крылатыя ракеты Х-101 і балістычная ракета «Арэшнік».

Прадпрыемства вырабляе для гэтых і іншых ракет радыёлакацыйныя і інфрачырвоныя галоўкі саманавядзення, блокі аўтаматыкі палёту, кабельныя жгуты, корпусы і камутацыйныя вузлы. Таксама завод выпускае кампаненты для кіраваных авіябомбаў і абсталяванне для аэракасмічнага комплексу.

Сярод спецыялізаванай прадукцыі АОМЗ — навігацыйны лідар «Водбліск» і блок аўтаматыкі палёту для ракеты Х-101. «Водбліск» дазваляе ракеце арыентавацца ва ўмовах падаўлення спадарожнікавага сігналу сродкамі радыёэлектроннай барацьбы, а блок аўтаматыкі кіруе сістэмамі ракеты і яе рулявымі паверхнямі.

З вясны 2022 года АОМЗ знаходзіцца пад санкцыямі ЗША. Абмежаванні супраць прадпрыемства таксама ўвялі Еўрасаюз, Вялікабрытанія, Канада, Японія, Швейцарыя, Аўстралія і Новая Зеландыя.

Каментары2

  • Захар
    28.09.2026
    Санкции, которые ввела Европа и США оказались мелочными. Самые лучшие санкции ввела сама Украина.
  • Кукарэшнік
    28.09.2026
    Галоўкі саманавялісь па плане.

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць