Грамадства44

Што вядома пра арышт і зняволенне сенатара Ігара Сяргеева, дырэктара Беларускага цэментнага завода

Прапаў амаль год таму — а ніхто і не заўважыў яго знікнення.

Ігар Сяргееў. Фота: Onliner.by

У гэтым годзе быў вынесены прысуд генеральнаму дырэктару Беларускага цэментнага завода. Пра гэта паведаміў старшы пракурор Генеральнай пракуратуры Беларусі Андрэй Федаровічаў.

«Сёлета за карупцыйныя злачынствы да крымінальнай адказнасці прыцягнулі 607 чалавек, чацвёра з якіх займалі адказныя пасады. За хабарніцтва былі асуджаныя генеральныя дырэктары «Камунаркі», Беларускага цэментнага завода, Гродзенскага мясакамбіната і іншыя высокапастаўленыя службовыя асобы», — заявіў ён.

Пра пераслед кіраўніка цэментнага завода раней не было вядома. Пра каго ідзе гаворка? З 2021 года на чале прадпрыемства быў Ігар Сяргееў. Ён жа ў 2024 годзе быў абраны членам Савета Рэспублікі ад Магілёўскай вобласці.

Калі дакладна знік Сяргееў, незразумела. Гэта адбылося ў канцы 2025 года ці ў самым пачатку 2026 года.

На сайце «Голаса Касцюкоўшчыны» апошняе меркаванне ад яго імені было апублікавана 17 лістапада 2025 года, хоць звычайна Сяргеева там згадвалі штомесяц.

Новы дырэктар з’явіўся на Беларускім цэментным заводзе ў маі 2026 года. Пасаду заняў Яўген Валошчык, які раней быў галоўным тэхнолагам у «Краснасельскбудматэрыялах» — іншым цэментным прадпрыемстве, яно знаходзіцца ў Ваўкавыскім раёне. Агулам жа Валошчык адпрацаваў на тым заводзе больш за 20 гадоў.

Ігару Сяргееву 47 гадоў. Ён усю кар’еру зрабіў у Крычаве, дзе і нарадзіўся. Скончыў Беларускую сельскагаспадарчую акадэмію, трохі папрацаваў у калгасе на радзіме і ў хлебапрыёмным прадпрыемстве, а пасля на доўгі час — з 2003 да 2021 — засеў у «Крычаўцэментшыферы». Там Сяргееў прайшоў шлях ад інспектара службы кантролю да намесніка дырэктара па камерцыйных пытаннях. І адтуль яго перавялі ў Касцюковічы на Беларускі цэментны завод — дырэктарам.

Ігар Сяргееў. З сайта Савета Рэспублікі яго профіль схавалі не пазней за студзень 2026 года. Фота: Sb.by

Агулам у Беларусі ёсць тры цэментныя заводы, аб’яднаныя ў холдынг — у Касцюковічах, у Крычаве і ў Краснасельскім. У кожны з іх дзяржава ўклала сотні мільёнаў даляраў, але яны па-ранейшаму працуюць у мінус, а топ-менеджараў перыядычна саджаюць за карупцыю.

Сяргееў не стаў выключэннем. За атрыманне хабару асобай, якая займае адказнае становішча (ч. 3. арт. 430 Крымінальнага кодэкса), прадугледжваецца ад 5 да 15 гадоў калоніі. Выглядае, што першасны суд ужо адбыўся. Але невядома, былы сенатар чакае апеляцыю ці ўжо адправіўся ў калонію.

Каментары4

  • Мясніковіч
    22.10.2026
    Так это друзья отца премьера Турчина попросили устроить сына. Турчин знал, что эти люди с советских времен «промышляли». Но дал согласие на назначение.
  • Национал-капиталист Беларуси
    22.10.2026
    Я не открою секрет, если расскажу, что правоохранительная система Беларуси давно работает на заказ. Ещё надо присмотреться на тех, кто спровоцировал на дачу взятки или давал взятку. Там могут торчать уши негласных осведомителей МВД или КГБ.
  • Gorliwy Litwin
    22.10.2026
    Всего в Беларуси есть три цементных завода, объединенные в холдинг — в Костюковичах, в Кричеве и в Красносельском. В каждый из них государство вложило сотни миллионов долларов, но они по-прежнему работают в убыток, а топ-менеджеров периодически сажают за коррупцию. - нацыянальна-феадальная мадэль эканомікі. МанкуртАм ці набрыдзі ў гэтых складаных рытуальных гульнях немагчыма разабрацца, гэтай шчырасьці трэба вучыцца з калыскі і мець 10 пакаленняў шчырых продкаў без набрыдзёвасці і зманкуртаванасці.

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць