Грамадства11

Са скандальнага забудоўшчыка Волаха хочуць спагнаць амаль 5 мільёнаў. Калі ўдасца да яго дацягнуцца

Эканамічны суд Брэсцкай вобласці задаволіў пазоў аб прыцягненні бізнэсоўца Іллі Волаха да субсідыярнай адказнасці па абавязацельствах звязанага з ім ТАА «Генеральны падрадчык», піша Office Life.

Ілля Волах

З забудоўшчыка, які з’ехаў з Беларусі, пастаноўлена спагнаць амаль 4,8 мільёна рублёў нявыплачаных даўгоў перад крэдыторамі. Суд прыйшоў да высновы, што бізнэсмен наўмысна абцяжарваў актывы кампаніі закладамі і давёў яе да банкруцтва.

Пазоў падаў антыкрызісны кіраўнік пры падтрымцы падатковай інспекцыі Кобрынскага раёна. Суд вырашыў, што неплацежаздольнасць кампаніі наступіла выключна з віны Волаха, які фактычна кантраляваў прадпрыемства праз звязаныя з ім структуры.

У матэрыялах справы адзначаецца, што маёмасныя актывы кампаніі былі страчаныя ў выніку супрацьпраўных дзеянняў і па прамой віне былога дырэктара «Жылбудкамплекта» Волаха, а не праз звычайныя камерцыйныя рызыкі. Устаноўлена, што з мая 2016 года да канца лістапада 2020‑га бізнэсмен забяспечваў выдаткоўванне грошай, прыцягнутых для будаўніцтва аб’екта, на мэты, не звязаныя з яго ўзвядзеннем.

Як вынікае з судовага рашэння, Волах злоўжываў паўнамоцтвамі заснавальніка і службовай асобы, а таксама наўмысна стварыў умовы, пры якіх «Генеральны падрадчык» браў на сябе залогавыя рызыкі «Жылбудкамплекта», не маючы рэальнай магчымасці выканаць адпаведныя абавязацельствы.

На момант пачатку працэдуры банкруцтва ў ТАА «Генеральны падрадчык» было 25 аб’ектаў нерухомасці. Аднак яны былі абцяжараныя закладам па жыллёвых аблігацыях «Жылбудкамплекта». Пазней Следчы камітэт арыштаваў гэтую нерухомасць у межах крымінальнай справы, у выніку чаго актывы фактычна былі замарожаныя. Антыкрызісны кіраўнік не змог выставіць іх на аўкцыён і разлічыцца з бюджэтам ды іншымі крэдыторамі.

Суд прызнаў цалкам даказанай прамую прычынна-выніковую сувязь паміж дзеяннямі бізнэсмена і шкодай, нанесенай крэдыторам.

Падставай для рашэння сталі таксама высновы абвінаваўчага прысуду Ленінскага раённага суда Мінска. У маі 2024 года Іллю Волаха прызналі вінаватым у злоўжыванні ўладай і прычыненні маёмаснай шкоды. За крадзеж грошай дольшчыкаў скандальна вядомага даўгабуда «Грушаўскі пасад» — дамоў на праспекце Дзяржынскага і вуліцы Шчорса — бізнэсмена завочна асудзілі да 10 гадоў пазбаўлення волі і штрафу сумай 200 тысяч рублёў. У выніку пацярпелі больш за 400 грамадзян і сем юрыдычных асоб.

Да гэтага Волах паспеў з’ехаць у Польшчу, дзе атрымаў грамадзянства і змяніў прозвішча на Слакатовіч. Беларусі не ўдалося дамагчыся яго выдачы. Пазней з’явілася інфармацыя, што ў Польшчы ён заняўся рэстаранным бізнэсам, але пацярпеў няўдачу і судзіцца са сваімі былымі падначаленымі. Вясной гэтага года з'явілася інфармацыя, што Ілля Волах адкрыў у Варшаве школу American Elite School, але гэта таксама аказалася цёмнай справай.

Кампанію «Жылбудкомплект» ліквідавалі ў 2025 годзе. Працэдуры банкруцтва і ліквідацыі таксама прайшлі некалькі іншых бізнэс-структур, звязаных з Волахам.

Каментары1

  • Бобракурв
    23.10.2026
    Вось і ўся Польшча ў адным малюнку: крымінальніка, які нагрэў людзей на грошы, яны не выдаюць, бо грошы завёў у паньства, а простых людзей дэпартуюць направа і налева. Дэмакратыя!

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць