Аляксандр Класкоўскі. Кропкі над «і»77

Заробкі малыя, бо клопат пра народ вялікі

Еўрапейскі чыннік міжволі ўлазіць у перадвыбарную рыторыку Лукашэнкі. Піша ў сваім блогу на НН Аляксандр Класкоўскі.

Перад выбарамі ідзе ў ход звыклы папулісцкі інструментарый. Нават адставанне ад еўрапейскіх заробкаў афіцыйны кіраўнік тлумачыць… клопатам пра народ.

«Калі народ хоча атрымліваць паўтары-дзве тысячы долараў заробку, давайце дамо, але за паслугі будзеце плаціць рэальную цану, — заявіў Лукашэнка 31 ліпеня на Нарачы. — Мы можам зрабіць, як у Еўропе, але тады будзеце, як і ў іх, плаціць поўны кошт».

Натуральна, такія заявы робяцца з жалезным разлікам на тое, што просты люд жахнецца і будзе маліць: бацька родны, толькі ж не аддавай на згубу бязлітаснаму капіталізму!

Беларусы сапраўды вялікія патэрналісты. Многія падселі на фальшывы сацпакет. Гэта бачна няўзброеным вокам і пацвярджаецца сацыялогіяй. Лепей казённая сініца ў руцэ, чым ліберальна-рынкавы жораў у небе.

І ў гэтым каласальная праблема для апазіцыйных кандыдатаў. Лозунгі рэформаў, рынкавых пераўтварэнняў не грэюць, а хутчэй натапырваюць паспаліты люд. Спаборнічаць жа з дзейным кіраўніком на папулісцкім полі — тым болей глухі нумар.

Натуральна, дасведчаны адмысловец разаб’е яго рыторыку ў пух як двойчы два. Акурат у Еўропе страхавая медыцына, напрыклад, дазваляе атрымліваць якасныя паслугі практычна ўсім слаям. Еўрапейцы, маючы непараўнальна большыя даходы, могуць танней купляць многія прадукты, адзенне, тэхніку. Прычым тавар болей якасны.

Дый ўвогуле —

за чый кошт фармуецца той бясплатны сацпакет, якім казырае Лукашэнка? У дзяржавы няма іншых грошай акрамя тых, што яна забірае ў нас ці недаплачвае нам. На тых сацпакетах сядзіць плойма чыноўнікаў-пераразмеркавальнікаў, да чыіх рук прыліпае ладная доля дабротаў.

Так што сапраўды лепей даць людзям па дзве тысячы ды скараціць палову апарату. Але ж менавіта пагроза ўсеўладдзю вертыкалі і тармозіць трансфармацыю пераразмеркавальнай беларускай мадэлі.

Адно паказальна: апраўдваць яе ўсё цяжэй. І

еўрапейскі чыннік міжволі ўлазіць у парадак дня Лукашэнкі. Некалі было: я народ за цывілізаваным светам не павяду! Сёння: я вам хоць заўтра зраблю тут Еўропу, але ж вы самі не гатовыя!

«Таму, калі вам гавораць, што ў нас нешта не так, не па-еўрапейску, гэта не са мной звязана — толькі з вамі звязана», — цытуе афіцыйнага кіраўніка interfax.by. Фактычна гэта перадвыбарны дыспут Лукашэнкі з апазіцыяй. І ён мусіць апраўдвацца.

Паўзучая еўрапеізацыя масавай свядомасці чым далей, тым болей будзе падціскаць уладу.

Каментары7

Цяпер чытаюць

Ці пагражае Крыму блакада праз паралізаваны Крымскі мост?16

Ці пагражае Крыму блакада праз паралізаваны Крымскі мост?

Усе навіны →
Усе навіны

«У цябе апошні дзень». Беларускі айцішнік перабраўся на Філіпіны, а там усё жорстка13

«Настаў час крыху адступіць». Сабаленка расказала, што заставалася за кадрам яе няўдалага сезона4

Ізраіль загрузіў мільёны фотаздымкаў у сістэму распазнавання твараў Amazon, каб сачыць за палесцінцамі7

У МУС расказалі, колькі працоўных мігрантаў прыехала ў Беларусь і колькі злачынстваў яны здзейснілі1

Як у кіно. У цэнтры Гродна 19‑гадовы хлопец з аднаго ўдару паваліў слуп13

Свет на парозе фінансавага абвалу, яшчэ больш агрэсіўны Трамп і небяспека для Тайваня. The Economist даў прагноз на 2027 год13

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных6

46‑гадовага мінскага псіхолага і бізнэс-трэнера пасадзілі па палітычнай справе2

больш чытаных навін
больш лайканых навін

Ці пагражае Крыму блакада праз паралізаваны Крымскі мост?16

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць