Меркаванні

Стась Карпаў назваў Пазняка «бяздушным хлусам», а Саннікава — «зларадным тролем»

«Чувак шмат гадоў, як кашчэева яйка, прасядзеў у нафталінавай скрынцы. Напэўна, ён шмат думаў пра свой стан і перспектывы. Перажываў і небеспрычынна пакутаваў. І тут. Раптам. Падзея. Ціханоўская збірае галасы за нейкія там перамовы з уладамі, — піша ў сябе ў фэйсбуку Стась Карпаў. — І што ты робіш? Пішаш задуменны пост, у якім мякка ўказваеш на несвоечасовасць ці бесперспектыўнасць гэтага занятку? Ці, можа быць, на правах больш дасведчанага дыпламата прапануеш чалавеку, які на твой асабісты адрас (як і на адрас любога апазіцыйнага беларускага палітыка) ні разу не дазволіў сабе ніякага хамства, — нейкае больш перспектыўнае прымяненне ягонаму электаральнаму рэйтынгу? Не. Ты посціш катлеткі».

Нагадаем, што катлеты ў сябе ў фэйсбуку як рэакцыю на ініцыятыву Святланы Ціханоўскай па зборы подпісаў пад зваротам да ўладаў за мірныя перамовы аб змене сістэмы запосціў экс-кандыдат у прэзідэнты Андрэй Саннікаў. Пасля крытыкі на свой адрас ён гэты пост выдаліў.

«То-бок ты са сваёй нафталінавай скрыні хочаш пры дапамозе гэтай жалю вартай фоткі не проста выскачыць, але адразу ўзяць такую, — піша Стась Карпаў, — вышыню, з якой можна пляваць Ціханоўскай на самую макаўку».

На думку Карпава, «гэта мярзотна. Сядзець на сваёй бюджэтнай канапе і сачыць за драматычнай гісторыяй падзенняў, уставанняў на калені, уздымаў, новых падзенняў, пераадолення, сталення — каб пасля праз губу намякнуць, што ўся гэтая гісторыя — гэта гісторыя чалавека, які «лепей бы ля пліты стаяў»?» — абураецца Карпаў.

«Калі ты збіраўся не так даўно быць прэзідэнтам для ўсіх, аб'яднаць нацыю і кудысьці там яе павесці, а пасля скончваеш кар'еру бессаромным, бяздушным хлусам і параноікам — як Зянон Станіслававіч, альбо пошлым і зларадным тролем — як Андрэй Алегавіч, — то ці такая ўжо несправядлівасць здарылася з табой, раз табе не далі шанца? Думаю, не, — падсумоўвае Стась Карпаў. — Ні з Саннікавым, ні з Пазняком, прынамсі ў кармічным сэнсе, не здарылася ніякай несправядлівасці».

Чытайце таксама: Стась Карпаў: Для чаго былі ўсе хаджэнні і што самае важнае далей

Ініцыятыва Святланы Ціханоўскай па зборы подпісаў пад зваротам да ўладаў за мірныя перамовы аб змене сістэмы ў краіне выклікала крытыку радыкальнай часткі апазіцыі, у тым ліку экс-кандыдата ў прэзідэнты Андрэя Саннікава і рэдактаркі «Хартыі-97» Наталлі Радзінай, якія выступаюць за больш радыкальныя дзеянні, хоць самі застаюцца за мяжою. У той жа час шырокія колы грамадскасці ідэю Ціханоўскай падтрымалі. За 4 дні зварот падпісалі больш за 670 тысяч чалавек — гэта абсалютны рэкорд для падобнага роду палітычных зваротаў.

У сваю чаргу, лукашэнкаўцы адказалі на зварот Ціханоўскай хваляй ачарнення, а таксама блакаваннем сайта платформы «Голас», на базе якой адбываецца збор подпісаў. Пры гэтым заблакаваць старонкі «Голасу» ў тэлеграме і вайберы ў лукашэнкаўцаў тэхнічнай магчымасці няма.

Чытайце таксама: Стась Карпаў: Няма простага адказу на пытанне, як і чаму Лукашэнка сыдзе

Каментары

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць