Меркаванні

Газета Аляксандра Лукашэнкі назвала Украіну «еўрапейскім Самалілэндам». Але гэта не адзінае азначэнне

Прапагандысты выдання «СБ. Беларусь сегодня» пайшлі ў інфармацыйную атаку на Украіну. Зброя ў руках англасаксаў, бесхрыбетнае мяса ў руках мяснікоў, «еўрапейскі Самалілэнд». Так бачаць і малююць Украіну ў афіцыйнай газеце Аляксандра Лукашэнкі. 

Украіна ў расповедах «СБ. Беларусь сегодня» выглядае галотнай, галоднай, прадажнай і пад вонкавым кіраваннем краінай. «Нічога свайго няма». Ды і «ўкраінскай дзяржавы як такой больш не існуе».

«Украіна ўжо распрадала амаль усё. На вачах бяднеюць і транзітныя ніткі прадуктаправодаў. Хутка раскупяць зямлю, ужо можна. Нічога свайго няма, затое зброі — валам. Плюс грамадзянскія канфлікты. З Украіны метадычна і мэтанакіравана робяць еўрапейскае Самалі», — піша выданне.

«Самалі ‒ гэта не ў крыўду, гэта азначэнне», — удакладняе аўтар.

«Вакол разруха, поўна зброі, бандзюкі пануюць, «цывілізаваны свет «падкідвае дроўцаў», — папракае аўтар заходнія краіны, што тыя дапамагаюць зброяй Украіне, якая пазбавілася Крыма і ўжо восем гадоў ваюе не на суседскай тэрыторыі.

Больш за ўсё дастаецца «англасаксам», якія «гатовыя ваяваць за свой сусветны парадак чужымі, як заўсёды, рукамі».

«Бітыя жыццём і таму паразумнелыя немцы захоўваюць розум халодным. Англасаксы ж, як заўсёды, збіраюцца ваяваць чужымі рукамі. Чужымі жыццямі».

Не засталася без увагі і магчымасць стварэння траістай восі паміж Лонданам, Варшавай і Кіевам.

«Пакінем пакуль у баку, хто ў новай восі прэтэндуе на ролю Японіі, хто ‒ Італіі, а хто — Гітлера», — быццам не падазрае аўтар, што ў шмат каго наўпрост процілеглыя аналогіі.

У іншым артыкуле гэтага ж выдання ўкраінцы выступаюць «бесхрыбетнымі суседзямі», якіх «Штаты і Захад рыхтуюць да немінучай гібелі».

«Вам кажуць: забі брата, а вы? Рады?» ‒ у некалькіх словах аўтару ўдаецца змясціць максімум фантазій.

Выданне не абмяжоўвае сябе ў метафарах, эпітэтах, абразах.

«Цяпер асабліва прыкметна, што спрабуюць знішчыць усходнеславянскі праваслаўны этнас, куды ўваходзяць беларусы, рускія і ўкраінцы. Знішчыць праз апошніх, так прасцей.

Украіна, дакладней тое, што ад яе засталося, даўно стала для іх гарматным мясам, з дапамогай якога вырашаюць выключна свае праблемы. Мяса не супраціўляецца, яно пакорлівае».

«Украінскай дзяржавы як такой больш не існуе. У вярхах проста перастаўляюць адну марыянетку замест іншай. Суцэльныя фрыкі, накшталт Клічко, і ўзроўнем ніжэйшыя. Дзяржавы няма».

«Адукацыя, культура, традыцыі, гісторыя… а іх таксама няма, засталася пародыя».

Пасля такой «братазабойчай» вербальнай атакі, аўтар нагадвае, хто Украіне на самай справе сябар.

«Хіба брацкія народы вас не папярэджвалі? Не ўгаворвалі, не працягвалі руку дапамогі? А вы яе — па локаць ды ў душу плюнулі. Цяпер, значыць, у вас Расія «агрэсіўна пагражае».

«Вас жа на забой рыхтуюць тыя, каго вы лічыце сябрамі. Агульнавядомы факт: заходняя цывілізацыя будуецца на татальным падмане, зломе і знішчэнні».

«Галоўнае пытанне укруладам: які вынік патрэбны вам? Вы сапраўды ўсё яшчэ лічыце, што падчас і пасля вайны Украіне і ўкраінцам стане лепш, наступіць эра росквіту?.. Так, ЗША, Брытанія, Аўстралія і Германія ўжо абвясцілі аб эвакуацыі супрацоўнікаў амбасад на Украіне.

А ты ваюй, украінец, дурачок», — рэзюмуе аўтар.

Газета Лукашэнкі назвала Алексіевіч «больной женщиной» і «старой дурой»

Каментары

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць