Спорт

Вікторыя Азаранка пра адхіленне ад «Уімблдона»: «Я не буду прамаўляць як ахвяра»

Экс-першая ракетка свету і чалец рады гульцоў Жаночай тэніснай асацыяцыі (WTA) Вікторыя Азаранка пракаментавала канфлікт паміж Асацыяцыяй тэнісістаў-прафесіяналаў і Уімблдонскім турнірам, які ўзнік з-за адхілення ад турніру гульцоў з Расіі і Беларусі.

Пра тое, што не зможа выступіць на «Уімблдоне»

«З улікам усяго, што адбываецца ў свеце, я не буду тут сядзець і распавядаць, як мне цяжка. Шмат што можна сказаць, многае будзе вырвана з кантэксту, так што я нават не буду спрабаваць. Не хачу, каб людзі перакручвалі мае словы так, як ім будзе зручна.

Я не лічу гэта тэмай для абмеркавання. Я лічу, што трэба імкнуцца быць карыснай, але пры гэтым выконваць сваю працу. Я тэнісістка, гэта мая праца, і я буду і далей яе выконваць. Пры гэтым я стараюся быць максімальна карыснай, не афішуючы гэта ў сацсетках, як многія людзі.

Я веру ў яднанне, веру ў тое, што трэба быць добрым чалавекам і дапамагаць іншым, калі ёсць магчымасць. І я буду і далей гэта рабіць».

Пра тое, што на «Уімблдоне» не будзе рэйтынгавых ачкоў

Нагадаем, што Асацыяцыя тэнісістаў-прафесіяналаў у адказ на адхіленне беларускіх і расійскіх тэнісістаў ад турніру, пазбавіла турнір рэйтынгавых ачкоў;

«Я бачыла тое, што сказала Слоўн Стывенс [яна заявіла, што не пацерпіць тэніснай дыскрымінацыі наконт пазбаўлення рэйтынгавых ачкоў], і лічу, што яна мае рацыю. Людзі не ведаюць многіх закулісных дэталяў. Думаю, з пункту гледжання Рады гульцоў мы пераспрабавалі ўсё, каб гульцы не пацярпелі.

Я імкнулася знайсці кампраміс, бо ў выніку ўсё гэта закранула многіх гульцоў. Атрымалася так, як атрымалася. Я скажу адно — будуць крытыкаваць. Скажу іншае — будуць крытыкаваць.

Я не хачу гэтых размоў. Я хачу рабіць тое, што лічу правільным, дапамагаць людзям і выконваць сваю працу».

Пра тое, што яна гуляла ролю ў прыняцці рашэння аб «Уімблдоне», пры гэтым сама пацярпеўшы ад адхілення

«Гэта няпростыя размовы. Калі я іх вяду, то не гляджу на сябе і тое, як усё гэта паўплывала на мяне. Я гляджу на больш шырокую карціну. Я не лічу сябе цэнтрам сусвету, адзіным чалавекам, які мае значэнне.

Я веру ў адзінства гульцоў і ў тое, што спорт павінен аб'ядноўваць людзей. Спадзяваюся, у нас будзе шанец паказаць магчымасці спорту і разам зрабіць нешта добрае.

І так, на мяне гэтая сітуацыя паўплывала, але я не ахвяра. І не буду казаць як ахвяра».

Пра абвінавачванні, што Рада гульцоў не пракансультавалася з усімі тэнісісткамі

«Я магу сказаць шмат таго, што патрапіць у загалоўкі, але не буду гэтага рабіць. Я не лічу, што прэсе важна гэта абмяркоўваць. Гульцы ўсе пытанні вырашаць паміж сабой.

Калі ў каго-небудзь з гульцоў ёсць пытанні, я заўсёды даступная і гатовая растлумачыць тое, што адбываецца. Я лічу, што мы робім усё магчымае, каб інфармаваць людзей.

І Рада гульцоў не мае права голасу — гэта трэба разумець».

Каментары

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць