Здароўе1111

Сняцца кашмары па начах? Гэта можа быць ранняй прыкметай дэменцыі

Навукоўцы ў ходзе даследавання прыйшлі да высновы, што людзі, якія хаця б раз на тыдзень бачаць кашмары ў сне, у чатыры разы больш схільныя да пагаршэння кагнітыўных функцый, піша The Guardian.

Фота: Pixabay.

Вынікі новага маштабнага даследавання сувязі дэменцыі і сну могуць прывесці да знаходжання новых спосабаў выяўлення прыкметаў гэтай хваробы.



Толькі 5% людзей сярэдняга ўзросту бачаць кашмары штотыдзень.

Большасць людзей час ад часу пакутуюць ад благіх сноў, але ж толькі 5 адсоткаў дарослых людзей бачаць сапраўдныя кашмары прынамсі раз на тыдзень. Стрэс, трывожнасць і недахоп сну з’яўляюцца патэнцыйнымі трыгерамі гэтай з’явы, але папярэднія даследавання хваробы Паркінсона таксама звязвалі частыя кашмары з паскораным пагаршэннем кагнітыўных здольнасцяў і развіццём дэменцыі ў будучыні.

Каб высветліць, ці тое самае праўдзіва для здаровых дарослых людзей, дактары вывучылі даныя апошніх трох даследаванняў на гэту тэму. Даследчыкі аналізавалі якасць сну ўдзельнікаў, а потым назіралі за імі на працягу многіх гадоў, перыядычна адсочваючы стан здароўя мозга кожнага. У даследаванні ўзялі ўдзел звыш 600 людзей сярэдняга ўзросту (ад 35 да 64 гадоў), і яшчэ 2600 людзей, якім было па 79 гадоў і больш.

Іх даныя прааналізавалі, каб высветліць, ці тыя людзі, што часцей бачыць кашмары, сапраўды больш схільныя да пагаршэння разумовых здольнасцяў, і які працэнт з іх урэшце атрымлівае дыягназ дэменцыі.

Сярод пажылых удзельнікаў у тых, хто часта паведамляў аб трывожных снах, у наступныя гады ў два разы часцей дыягнаставалася дэменцыя.

Адным магчымым тлумачэннем гэтаму можа быць тое, што людзі, якім сняцца кашмары, маюць ніжэйшую якасць сну. Благая якасць сну, у сваю чаргу, прыводзіць да таго, што набіраецца большая колькасць тых бялкоў, якія часта звязваюць з узнікненнем дэменцыі.

Другое магчымае тлумачэнне — генетычны ўплыў, якім абумоўліваецца і якасць сну, і хуткі заняпад кагнітыўных здольнасцяў.

Імаверна, нэйрадэгенератыўныя працэсы ў пярэдняй долі мозга ўскладняюць здольнасць людзей кантраляваць свае эмоцыі падчас сну, што ў сваю чаргу прыводзіць да кашмараў.

Мы ведаем, што нейрадэгенератыўныя захворванні, такія як хвароба Паркінсана або Альцгаймер, звычайна пачынаюцца праз шмат гадоў пасля іх дыягназавання. У некаторых асоб кашмары могуць сведчыць, што яны ўжо маюць нэйрадэгенератыўнае захворванне, што развіваецца.

Толькі некаторыя частка дарослых людзей, якія перыядычна сняць кашмары, насамрэч маюць павялічаную рызыку развіцця дэменцыі. Тым не менш, калі сувязь паміж кашмарамі і рызыкай дэменцыі будзе канчаткова пацверджана, то іх наяўнасць у будучыні можа выкарыстоўвацца для знаходжання асоб, якія сапраўды маюць павышаную рызыку развіцця гэтай хваробы.

Найлепшы спосаб справіцца з дэменцыяй — яе прадухіленне. Ёсць некалькі фактараў, на якія заўсёды можна паўплываць — кепскае харчаванне, недахоп фізічнай актыўнасці, курэнне і злоўжыванне алкаголем.

Каментары11

  • Чмель
    25.09.2022
    А калі ўвогуле сны адсутнічаюць, альбо калі яны (сны) дужа рэдка ўзьнікаюць, гэта што азначае ? Прымаю толькі сур'ёзныя версыі, калі ласка.
  • --
    25.09.2022
    Чмель, у дурку. тэрмінова ў дурку. "вы - наш кліент" - гэта вам скажа любы псіхіатр.
    нуў... псіхіятрам жа таксама есці ахвота
  • Чмель
    25.09.2022
    --, не бяруць. Кажуць, кшталту, валі адседава, прытула, шланг і сімулянт. Псыхіятары, гэта ўвогуле не медыкі, а так, трындуны-імітатары й прыстасаванцы. Таму на маё пытаньне адказу й не йснуе.

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

Бяляцкі: На чарговым сходзе «Вясны» складу з сябе паўнамоцтвы3

Вызваленне Курскай вобласці каштавала расіянам 20 тысяч жыццяў. І гэта без уліку паўночнакарэйцаў

У Варшаве ў кватэру беларускі ўварваўся ўкраінец, паваліў на падлогу і забраў дарагую сумачку9

Намеснік кіраўніка Пентагона раскрытыкаваў удары Украіны па Расіі і датэрмінова пакінуў «Рамштайн»17

48‑гадовага аўтамаляра з Гарадка асудзілі да калоніі. Меркавана, за каментарыі ў падтрымку Украіны1

Стваральнік Claude прыцягнуў рэкордныя 81,3 мільярда даляраў пры выхадзе на біржу

Уладзімір Мацкевіч: Пенсіі ў Літве ў мяне няма11

Кавалер збег са спаткання, не заплаціўшы за вячэру. Ці павінна дзяўчына аплачваць увесь рахунак?12

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць