Грамадства33

Пасля артыкула «СБ» на Лідчыне пашкодзілі помнік на магіле палякаў

Невядомыя вандалы падзяўблі помнік на магіле жаўнераў Польскага Войска, загінулых у 1920 годзе, каля вёскі Феліксава Лідскага раёна. Выданне польскай меншасці ў Беларусі «Głos z-nad Niemna» апублікавала фотаздымкі надмагілля. Бачна, што яно пасечанае ўдарамі невядомага прадмета.

Фота: glosznadniemna.pl

27-28 верасня 1920 года ў гэтых ваколіцах адбывалася так званая бітва пад Крывавым Борам, якая была часткай Нёманскай бітвы — апошняй вялікай бітвы польска-бальшавіцкай вайны. Там палеглі жаўнеры Мінскага і Віленскага палкоў 1 Літоўска-Беларускай дывізіі Польскага Войска.

На магіле жаўнераў пастаўлены сціплы помнік з крыжам і надпісам «Жаўнерам 1920 года. Суайчыннікі».

Фота: glosznadniemna.pl

У Беларусі масава руйнуюць помнікі і магілы жаўнераў Арміі Краёвай. Гэта першы раз, калі вандалы замахнуліся на помнік жаўнерам, якія загінулі падчас польска-бальшавіцкай вайны. Аднак у гэтым выпадку почырк вандалаў аказаўся іншы. Калі помнікі Арміі Краёвай знішчалі цяжкай тэхнікай, то помнік жаўнерам 1920 года проста пашкодзілі, піша Most.media.

Выданне робіць дапушчэнне, што вандалы дзейнічалі не па загадзе, а невядомыя хуліганы маглі зрабіць гэта пад уплывам лукашэнкаўскай прапаганды, якая разгарнула ў Беларусі антыпольскую істэрыю.

Як звяртае ўвагу Most.media, прапагандыстка Людміла Гладкая апублікавала 5 кастрычніка ў «СБ» рэпартаж з Гродзенскай вобласці, у якім, між іншым, абурылася тым, што на помніку жаўнерам Польскага Войска на лідскіх могілках ёсць надпіс, што яны «загінулі за радзіму ў 1919-1920 гадах».

«За радзіму, разумееце? То-бок ужо тады Заходнюю Беларусію (у тэксце «Белоруссию» — MOST) польскія акупанты лічылі сваёй. У мяне пытанне: у гэтай сітуацыі нічога не бянтэжыць дзяржслужачых, спецыялістаў, якія адказваюць за ідэалогію, гістарычную памяць на месцах? Не бянтэжыць людзей, якія павінны быць гаспадарамі ў раёне?» — абуралася пару тыдняў таму прапагандыстка.

Каментары3

  • Мойша
    28.10.2022
    Што за скоцтва, гэта ж магіла, псаваць магілы гэта нізасць найглыбейшага ўзроўню.
  • Жар
    28.10.2022
    Нічога не зьмянілася з цягам часу. Некалі старыя апавядалі, як камсамольцы расстрэльвалі на могілках помнікі "сацыяльна варожым" ім памерлым, ды зносілі крыжы, і вось іхныя паслядоўнікі робяць тое самае. На тых помніках і цяпер адтуліны ад куляў бачныя. Розніца ў тым, што ў той час беларускай моладзі ў камсамоле не было, не йшлі, дык арудвалі завазныя, бранска-смаленскія. А цяпер во сыстэма выгадавала сваіх вырадкаў.
  • Гость
    28.10.2022
    Мертвые не ответят , но живые запомнят

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

Бяляцкі: На чарговым сходзе «Вясны» складу з сябе паўнамоцтвы3

Вызваленне Курскай вобласці каштавала расіянам 20 тысяч жыццяў. І гэта без уліку паўночнакарэйцаў

У Варшаве ў кватэру беларускі ўварваўся ўкраінец, паваліў на падлогу і забраў дарагую сумачку9

Намеснік кіраўніка Пентагона раскрытыкаваў удары Украіны па Расіі і датэрмінова пакінуў «Рамштайн»16

48‑гадовага аўтамаляра з Гарадка асудзілі да калоніі. Меркавана, за каментарыі ў падтрымку Украіны1

Стваральнік Claude прыцягнуў рэкордныя 81,3 мільярда даляраў пры выхадзе на біржу

Уладзімір Мацкевіч: Пенсіі ў Літве ў мяне няма10

Кавалер збег са спаткання, не заплаціўшы за вячэру. Ці павінна дзяўчына аплачваць увесь рахунак?12

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку32

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць