Кіно

У Disney стварылі штучны інтэлект, які лёгка «малодзіць» або «старыць» акцёраў 

У кампаніі Disney распрацавалі сістэму штучнага інтэлекту, якая, здаецца, значна палягчае працэс стварэння візуальных эфектаў, калі патрабуецца, каб акцёр выглядаў больш маладым або сталым у сцэне. Нягледзячы на ​​тое, што мастакі па-ранейшаму змогуць рабіць карэкціроўкі ўручную, каб пераканацца, што эфект выглядае максімальна рэалістычна, прылада штучнага інтэлекту можа паклапаціцца пра большую частку цяжкай працы. Engaget паведамляе: штучнаму інтэлекту спатрэбіцца ўсяго пяць секунд, каб прымяніць эфект старэння да аднаго кадра.

Фота: Disney Research Hub

Штучнае састарванне акцёра звычайна з'яўляецца дарагім і працаёмкім працэсам, які патрабуе ад мастакоў прагляду сцэны кадр за кадрам, каб уручную змяніць знешні выгляд персанажа. У мінулым рабіліся спробы аўтаматызаваць працэс з дапамогай нейронных сетак і машыннага навучання, але найлепшы вынік атрымліваўся ў асноўным толькі для нерухомых відарысаў.

Новае ж рашэнне ад Disney прапануе «першы практычны, цалкам аўтаматычны і гатовы да вытворчасці метад састарвання твараў на відэа».

Каманда распрацоўшчыкаў напісала, што было б немагчыма навучыць нейронную сетку FRAN (face re-aging network) на аснове даных рэальных людзей.

Для гэтага спатрэбіліся б пары малюнкаў, якія паказвалі б аб'ект з аднолькавым выразам твару, позай, асвятленнем і фонам у двух розных узростах.

Замест гэтага даследчыкі стварылі базу даных з некалькіх тысяч выпадкова згенераваных твараў. Яны састарылі гэтыя сінтэтычныя твары з дапамогай існуючых прылад машыннага навучання, а затым перадалі вынікі гэтага працэсу ў FRAN.

Нейронная сетка можа прааналізаваць здымак галавы і прадбачыць, якія часткі твару будуць закрануты старэннем, а затым яна прымяняе эфекты маршчын або разгладжвання скуры на арыгінальным твары. Даследчыкі сцвярджаюць, што такі падыход дазваляе FRAN састарыць акцёра, захаваўшы яго ідэнтычнасць і знешнасць, нават калі галава ці твар рухаюцца або змяняецца асвятленне ў кадры. 

Распрацоўка такой прылады можа паменшыць нагрузку на мастакоў па візуальных эфектах і паскорыць творчы працэс. У дадатак гэта можа дапамагчы праектам, якія не маюць бюджэту блакбастараў, не выйсці за рамкі вызначаных сум. Напрыклад, значная частка бюджэту кінастужкі The Irishman Марціна Скарсэзэ (якая, па паведамленнях, складала 200 мільёнаў долараў) пайшла на тое, каб Роберт Дэ Ніра, Аль Пачына і Джо Пешы ў асобных сцэнах выглядалі маладзейшымі.

«Дысней» стараецца састарыць выканаўцаў у сваіх праектах, у прыватнасці, Марка Хэміла ў «Зорных войнах». А калі наступным летам Харысан Форд вернецца ў ролі Індыяны Джонса, ён таксама будзе выглядаць крыху маладзейшым. Новая прылада Disney павінна ў будучыні паскорыць працу над такімі праектамі.

Каментары

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку17

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

У Тураве збіраюцца за два мільёны рэканструяваць невялікі мост цераз канал

Ракетам «Пэтрыёт» нестае спецыяльнай віскозы: нечаканы дэфіцыт на сусветным рынку1

Зяленскі: Для ўдару па Крымскім мосце мы прымянялі толькі ўласную зброю6

Беларус паўнавартасна паабедаў у рэстаране ўсяго за 4 рублі. Дзе такое месца?3

Сі не дазволіў Пуціну стаць побач з сабой і Трампам на агульным фота саміта АЦЭС24

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку17

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць