Вайна22

Зяленскі: Для ўдару па Крымскім мосце мы прымянялі толькі ўласную зброю

Прэзідэнт Украіны Уладзімір Зяленскі заявіў, што для ўдару па Крымскім мосце выкарыстоўваліся выключна ўкраінскія ракеты і беспілотнікі. Паводле яго слоў, аперацыя прадэманстравала эфектыўнасць уласных вайсковых распрацовак краіны. Пра гэта ён напісаў увечары 17 лістапада ў сацыяльнай сетцы X.

Фота: Satellite image (c) 2026 Vantor via Getty Image

Уладзімір Зяленскі адзначыў, што стратэгічна важны для Расіі мост удалося часткова разбурыць з дапамогай зброі ўкраінскай вытворчасці. Выкарыстаныя беспілотнікі і крылатыя ракеты прадэманстравалі высокую дакладнасць удараў. 

Паводле ўкраінскага прэзідэнта, у распрацоўцы тэхналогій для абароннай сферы Украіна цяпер уваходзіць у тройку вядучых краін свету. У Еўропе, на яго думку, яна займае першае месца. Зяленскі таксама заявіў, што ўкраінскія тэхналогіі і прадпрыемствы паспяхова развіваюцца. Ён падкрэсліў, што Украіна адказвала і будзе працягваць адказваць на расійскія атакі.

Падобную да выкладзенай Зяленскім версію аперацыі раней выказваў і ўкраінскі афіцэр, які ўдзельнічаў у яе правядзенні. У інтэрв'ю брытанскай газеце The Times ён заявіў, што падчас атакі нібыта нават не выкарыстоўвалі ні спадарожнікавую сувязь Starlink, ні яе вайсковую версію Starshield.

Па словах гэтага афіцэра, амерыканскі бок спрабаваў паралізаваць украінскую сувязь для правядзення падобных аперацый, аднак гэтая місія паказала, што Украіна здольная стварыць уласныя сродкі сувязі для перадачы радыёсігналаў. Упершыню ўсе беспілотнікі выкарыстоўваліся для перадачы відэасігналаў ракетам, што дазваляла ім паражаць дакладна вызначаныя ўчасткі моста.

Афіцэр таксама паведаміў, што аперацыю задумалі як сімвалічны жэст напярэдадні сустрэчы Уладзіміра Пуціна з Дональдам Трампам і Сі Дзіньпінам у Кітаі. Такім чынам, паводле яго слоў, хацелі прадэманстраваць слабасць расійскага прэзідэнта.

У выніку масаванай паветранай атакі ўночы 17 лістапада Узброеныя сілы Украіны часткова разбурылі Крымскі мост, які злучае расійскую мацерыковую тэрыторыю з анексаваным украінскім Крымам.

Мост праз Керчанскі праліў лічыцца адным з найбольш прэстыжных праектаў Уладзіміра Пуціна. Яго даўжыня складае 19 кіламетраў. Мост стаў першай пастаяннай транспартнай сувяззю паміж Расіяй і анексаваным паўвостравам.

Расія выкарыстоўвала мост для забеспячэння сваіх войскаў у Крыме і на акупаваных тэрыторыях поўдня Украіны. Акрамя таго, па ім сотні тысяч расійскіх турыстаў дабіраліся на аўтамабілях і цягніках да крымскага ўзбярэжжа.

Каментары2

  • Ян
    18.11.2026
    Малайцы 👍💪✊
    Слава Україні 💖🇺🇦💖👍💪✊👏👏👏👏👏👏👏👏👏👏👏👏👏👏......

Цяпер чытаюць

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля21

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Усе навіны →
Усе навіны

Мігранты ўсё радзей едуць у багатыя краіны. І гэта можа стаць праблемай для тых краін9

Навукоўцы прыдумалі аднаразовыя кубачкі для кавы без кроплі пластыку2

«Рамантаваць будзе складаней, чым будаваць з нуля». Ці магчыма хутка аднавіць Крымскі мост?8

Жанчына злавіла ў Друці больш чым 13‑кілаграмовага шчупака ФОТАФАКТ4

У Дзяржынску ў пенсіянеркі здарыўся інсульт адразу пасля таго, як яе выпісалі з бальніцы пасля аперацыі1

Google зрабіла стаўку на тэхналогію, якая для здабычы электрычнасці выпарвае горныя пароды5

У Беларусі збіраюцца больш актыўна паляваць на зуброў1

У Жабінкаўскім раёне ў ДТЗ загінулі два чалавекі

У Інданезіі сустрэлі змяю, якая паставіла сусветны рэкорд па даўжыні

больш чытаных навін
больш лайканых навін

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля21

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Галоўнае
Усе навіны →

Заўвага:

 

 

 

 

Закрыць Паведаміць