Свет11

Зяленскі звярнуўся да народа Ірана праз «Шахеды»: Для чаго вам цынічныя забойствы?

Прэзідэнт Уладзімір Зяленскі звярнуўся да народа Ірана, каб той не станавіўся саўдзельнікам крывавай расійскай вайны, якая выкарыстоўвае іранскія дроны-камікадзэ для забойства цывільных украінцаў.

Уладзімір Зяленскі. Фота: Офіса прэзідэнта Украіны

«Сёння, улічваючы тое, што такія ўдары працягваюцца пастаянна, хацеў бы звярнуцца непасрэдна да народа Ірана. Да ўсіх — да грамадства, да кожнай іранскай сям'і, да тых людзей, якія здольныя ўплываць на дзяржаўныя рашэнні ў Іране. Простае пытанне: а для чаго вам быць саўдзельнікамі расійскага тэрору? Чаму вы на баку дзяржавы-зла?

Свет жа бачыць, што адбываецца, і вы ўсё ў Іране бачыце. Падтрымку зла немагчыма адмаўляць», — цытуе словы прэзідэнта «Украінская праўда».

Зяленскі зазначыў, што хоць украінцы і навучыліся збіваць большасць дронаў-камікадзэ, якія Іран перадае Расіі, але ўсё ж ёсць і пападанні, і ахвяры.

«Калі іранскі дрон забівае цяжарную ўкраінскую дзяўчыну разам з яе мужам у іх дома, то для чаго гэта вам у Іране? Калі ваш «Шахед» б'е па інтэрнаце з нашымі студэнтамі, людзі гінуць, пачынаецца пажар, на месца прыбываюць ратавальнікі, і праз некалькі хвілін б'е другі «Шахед», забіраючы жыцці ўжо тых, хто ратаваў жыцці іншых… Для чаго такія цынічныя забойствы Ірана? Рукамі Расіі, але вашай зброяй.

Што ад гэтага атрымліваеце вы, людзі ў Тэгеране, або ў Шыразе, або Сакезе, або ў любым іншым горадзе вашай краіны?»

Зяленскі дадаў, што ў выніку дапамогі агрэсару Іран толькі атрымлівае і яшчэ большую ізаляцыю ад свету, яшчэ большыя праблемы.

Ён выказаў упэўненасць, што людзі Ірана павінны быць на другім баку гісторыі — не са злом.

«Расія пачала гэтую вайну дзеля прыгнёту. Гэта вайна каланізатара супраць суседняй нацыі…. Людзі Ірана маглі б жыць зусім інакш, калі б вас не ставілі на адзін бок з такім злом, як расійская агрэсія. Вашы «Шахеды», якія кожную ноч тэрарызуюць Украіну, азначаюць толькі тое, што людзей Ірана штурхаюць яшчэ глыбей і глыбей на цёмны бок гісторыі», − падсумаваў Зяленскі.

Сёння ноччу Кіеў зноў быў атакаваны «Шахедамі». Усе яны былі збітыя.

Каментары1

  • Зенек
    25.05.2023
    Пусть сначала спросит себя: зачем безостановочно и очень плодотворно торговал с Лукашенко, когда белорусов убивали и белорусы просили, что давайте введём санкции против него.
    И вообще людям, которые не жили при диктатуре, трудно понять как можно восстать против такого репрессивного государства.

Цяпер чытаюць

Ці пагражае Крыму блакада праз паралізаваны Крымскі мост?13

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?13

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць