Нерухомасць22

Вядомае ўсім кафэ ў самым цэнтры Мінска выставілі на продаж. Цана — больш за 2 мільёны даляраў

На таргі выставілі кафэ «Залаты грабеньчык» на вуліцы Леніна, якім валодае «Трайпл». Інфармацыю пра гэта на пляцоўцы «Белрэалізацыя» заўважыў Realt. Пачатковая цана — 6,7 мільёна рублёў. 

«Залаты грабеньчык» знаходзіцца ў самым цэнтры Мінска — на вуліцы Леніна, 3. Установа спецыялізуецца на французскай кухні.

Кафэ належыць заснаванаму Юрыем Чыжом «Трайплу». «Залаты грабеньчык» — адзін з самых вядомых праектаў кампаніі ў сферы грамадскага харчавання.

Установу выставілі на таргі з усім абсталяваннем і мэбляй.

Плошча — 790 квадратаў. Пачатковая цана — 6 704 843 рублі, або каля 2,23 млн даляраў па сённяшнім курсе. Таргі будуць ісці на паніжэнне да мінімальнага кошту ў 6 034 359 рублёў. Аўкцыён пройдзе 4 жніўня.

Якія яшчэ будынкі і бізнэсы «Трайпла» ўжо прададзеныя і каму?

За апошні год на аўкцыёнах прадалі і іншыя бізнэсы і маёмасць «Трайпла».

Так, у чэрвені 2022 года была прададзеная Лагойская паляўніча-рыбалоўная гаспадарка «Макаўза». Комплекс за 641 тысячу рублёў набыла кампанія «Белсіціойл», якая на 100% належыць сыну Юрыя Чыжа.

У ліпені 2022 года прадалі турыстычную вёску Сабалі ў Брэсцкай вобласці, якой валодала звязаная з «Трайплам» кампанія «Буслаўка». Комплекс за 640 тысяч рублёў купіла кампанія «ПРОСТАРЫТЭЙЛ», якая кіруе гіпермаркетамі ProStore.

Увесну 2023 года на аўкцыёне прадалі і фітнэс-цэнтр Evo wellness club на Багдановіча, які належаў «Трайплу». Яго за амаль 2,9 млн даляраў купіла кампанія «Белфарм-Медыка», сузаснавальнікам якой з'яўляецца бізнэсмен-аптэчнік Андрэй Шчаброў.

А ў маі 2023 года будынак «Трайпла» ў гістарычным цэнтры Мінска прадалі за 1,5 млн даляраў.

У лютым 2023 года суд прыгаварыў Юрыя Чыжа да 3,5 года пазбаўлення волі за махлярства і адмыванне грошай. Але ад адбывання пакарання ў калоніі яго вызвалілі: ужылі амністыю і залічылі ў тэрмін пакарання час, які ён ужо адседзеў (бізнэсмен знаходзіўся пад вартай двойчы: з 11 сакавіка па 14 верасня 2016 года і з 15 сакавіка 2021 па 9 верасня 2022 года).

А ў маі 2023 года Юрый Чыж даў першае інтэрв'ю за доўгі час, дзе выказаўся наконт бізнэсу і сям'і.

Каментары2

  • Цім
    04.07.2023
    На гэтым месцы адчыняць "Грошык"?
  • ром
    04.07.2023
    Цім, а можа Вожык?

Цяпер чытаюць

Крымскі мост зруйнаваны ўдарам украінскіх ракет48

Крымскі мост зруйнаваны ўдарам украінскіх ракет

Усе навіны →
Усе навіны

У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае2

Былая жонка буйнога беларускага бізнэсмена прысвяціла разводу мастацкую выставу: з выкарыстанымі прэзерватывамі12

Па Мазыры панесліся чуткі пра маньяка і серыйныя забойствы. А што напраўду?

18‑гадовы аргенцінскі футбаліст памёр пасля прылёту мяча ў галаву1

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі21

Беёнсэ стала першай артысткай, якую намінавалі на «Грэмі» 100 разоў1

Расійскі хакеіст, які амаль усю кар'еру гуляў у Беларусі, пайшоў заваёўваць Украіну і загінуў1

30‑гадовы блогер Максім Пушкін зрабіў другую перасадку валасоў. Колькі заплаціў?17

Зніклага расійскага Z-ваенкара Раманава маглі абвінаваціць у дзяржздрадзе5

больш чытаных навін
больш лайканых навін

Крымскі мост зруйнаваны ўдарам украінскіх ракет48

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць