Навука і тэхналогіі11

Прарыўная геатэрмальная тэхналогія вырабляе 3,5 мегавата безвугляроднай энергіі

Плануецца, што аб’ект кампаніі Fervo Energy ў Невадзе будзе сілкаваць энергіяй дата-цэнтры Google.

Фота: Fervo Energy

Амерыканская кампанія Fervo Energy заяўляе, што дасягнула прарыву ў геатэрмальных тэхналогіях. Яна правяла 30-дзённыя выпрабаванні свідравіны на сваёй пляцоўцы ў паўночнай Невадзе і кажа, што ў выніку выпрабаванняў былі атрыманыя рэкорды хуткасці выпрацоўкі электраэнергіі і магутнасці «ўдасканаленай геатэрмальнай сістэмы» (EGS).

Чакаецца, што Fervo падключыць свой аб’ект да сеткі сёлета. Сярод іншага ён будзе выкарыстоўвацца для сілкавання дата-цэнтраў Google. Гэта першы выпадак, калі энергетычная кампанія паказала, што EGS можа працаваць у камерцыйных маштабах. Шлях да гэтага быў доўгі: навукоўцы спрабавалі зрабіць EGS яшчэ з 1970-х гадоў.

Удасканаленая геатэрмальная сістэма (EGS): 1) вадасховішча, 2) помпавая станцыя, 3) цеплаабменнік, 4) турбінная зала, 5) здабыўная свідравіна, 6) нагнятальная свідравіна, 7) гарачая вада для цеплацэнтралі, 8) порыстыя адклады, 9) назіральная свідравіна, 10) крышталічная пародаВыява: Wikimedia Commons / Siemens Pressebild

Каб натуральная геатэрмальная сістэма вырабляла электраэнергію, ёй неабходна спалучэнне цяпла, вадкасці і пранікальнасці пароды. У многіх раёнах горная парода мае неабходны ўзровень цяпла, але недастатковую пранікальнасць, каб праз яе цякла вадкасць, тлумачыць выданне Engaget.

Што робіць EGS? Стварае такую пранікальнасць штучна шляхам бурэння глыбокай свідравіны і запампоўкі вадкасці для стварэння расколін у пародзе. Такі падыход можа значна павялічыць колькасць патэнцыйных пляцовак для геатэрмальных электрастанцый.

Fervo кажа, што з’яўляецца першай кампаніяй, якая паспяхова прабурыла пару гарызантальных свідравін для камерцыйнай геатэрмальнай здабычы, дасягнуўшы тэмпературы 191°C.

Адной з галоўных пераваг геатэрмальных электрастанцый з'яўляецца тое, што яны ўвогуле не выкідваюць вуглякіслага газу. Менавіта такую мэту пераследуе Google: да 2030 года перавесці ўсе офісы і цэнтры апрацоўкі даных на безвугляродную энергію. Пры гэтым геатэрмальныя ўстаноўкі могуць працаваць круглыя суткі (у адрозненне ад сонечнай і ветраной энергіі). Па словах генеральнага дырэктара Fervo, галоўныя перашкоды для шырэйшага распаўсюджвання EGS сёння — зніжэнне выдаткаў і цяганіна з нарматывамі.

Кампанія спадзяваецца паўтарыць свой поспех на іншым аб’екце ў штаце Юта. Калі Fervo зноў дасягне падобных вынікаў і зможа паспяхова мадэрнізаваць дызайн для максімальнага павелічэння магутнасці, то ўстаноўка зможа вырабляць дастаткова электраэнергіі для адначасовага сілкавання 300 000 дамоў, заяўляюць у кампаніі. А гэта прыкладна чвэрць усіх дамоў у штаце Юта.

У кампаніі Google з аптымізмам глядзяць на партнёрства з Fervo, якое распачалося яшчэ ў 2021 годзе, і бачаць вялікі патэнцыял для геатэрмальнай тэхналогіі, ужо называючы апошняе дасягненне Fervo «важнай тэхнічнай вяхой».

Каментары1

  • Žvir
    27.07.2023
    Ja ž kazaū ?! Nu, vo... У Пентагону є інопланетні "біозразки" – слухання в Конгресі США... https://www.unian.ua/world/u-pentagonu-ye-inoplanetna-dnk-sluhannya-v-kongresi-ssha-12342813.html

Цяпер чытаюць

Ці пагражае Крыму блакада праз паралізаваны Крымскі мост?13

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?13

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць