Грамадства

Судзілі раённага чыноўніка, якога нядаўна па тэлефоне адчытваў канал «Рудабельская паказуха»

Кіраўніка спраў Шумілінскага райвыканкама Сяргея Белагалова судзілі за службовую халатнасць. Два месяцы таму яму тэлефанавала блогерка Вольга Павук, каб спытаць пра эканамічны стан раёна і тое, адкуль там узяліся стратныя калгасы.

Sergey Belogolovyi Сяргей Белагаловы Сергей Белоголовый
Падчас размовы з кіраўніком спраў Шумілінскага райвыканкама Сяргеем Белагаловым. Скрын відэа канала «Рудабельская Паказуха» 

Сяргея Белагалова судзілі сёння паводле арт. 428 ч.2 (Службовая халатнасць). Пра судовае паседжанне паведаміў тэлеграм-канал «Витебск, я гуляю!».

Падчас размовы, якую апублікавалі ў пачатку чэрвеня на ютуб-канале «Рудабельская Паказуха», блогерка Вольга Павук распытвала кіраўніка спраў Шумілінскага райвыканкама, чаму ў адным з калгасаў банкруцтва, у той час, як Міністэрства сельскай гаспадаркі сцвярджае, што стратных гаспадарак няма, колькі траціцца на абслугоўванне аўтамабільнага парку райвыканкама. Але чыноўнік унікаў адказа.

Калі Вольга спыталася, навошта патрэбна яго пасада ў райвыканкаме, як яна паляпшае жыццё людзей у раёне, чыноўнік адказаў: «Калі вы лічыце, што дадзеная пасада недарэчна, то ўносьце прапановы».

— Колькі Шумілінскі раён атрымлівае датацый? — пыталася Вольга Павук

— Шумілінскі раён датаваны на 58 працэнтаў.

— Так вы нават напалову сябе не корміце. Які толк ад вашай працы, калі вы на 58% датацыйныя? У вас карова 1,3 літра малака ў дзень дае.

— 8,2. Вось я паглядзеў апошнюю інфармацыю. А не, гэта канец красавіка.

— Так калі добрыя надоі, чаму тады банкруцтва?

— А з-за чаго банкруцтвы ўзнікаюць у гаспадарцы?

— Так вы мне пра гэта раскажыце.

— Я не кірую сельскай гаспадаркай, але на пальцах магу распавесці. Калі сям'я пачынае траціць болей, чым яна зарабляе, яна ў канцы канцоў сыдзе ў банкрута і будзе шукаць спонсара.

— А адкуль Шумілінскі раён бярэ сродкі? Дзе вы знайшлі спонсара?

— З рэспубліканскага і абласнога бюджэту. Ёсць раёны, якія зарабляюць і на сябе, і на суседа.

— Якія ў Шумілінскага раёна перашкоды, каб зарабляць і даваць суседу?

— Эканамічнае развіццё Шумілінскага раёну вось такое, якое ёсць. Сельская гаспадарка ў тым выглядзе, у якім яна ёсць.

— Так што рабіла ўлада ўсе гэтыя гады ў Шумілінскім раёне?

— Зменшылі датацыю з 70 да 58%.

— І з якога года было 70?

— Хіба што з моманту ўтварэння раёна, з 1932 года.

— Так колькі ж вам яшчэ спатрэбіцца гадоў, каб выйсці на самаакупнасць?

— Усё будзе залежыць ад працы людзей у кожнай сферы.

— Так дзе ў вас слабае звяно?

— А вы ўсё ведзяце да таго, што слабае звяно гэта раённая ўлада?

Адносна банкруцтва калгасу чыноўнік заўважыў, што яно — адзін з спосабаў паляпшэння эканомікі дадзенай гаспадаркі. Ён прывёў прыклад, як два гады назад у раёне абанкруцілі калгас, а затым далучылі яго да суседняга. У выніку, па словах Белагаловага, «людзі атрымліваюць дастойны заробак».

Чытайце яшчэ:

49-гадовы міністр інфармацыі Пярцоў: Не ведаю, дзе Захаранка і Красоўскі, мяне ў той час не было на свеце

«Рудабельскую паказуху» прызналі экстрэмісцкім фарміраваннем

«Калі ўлада зменіцца, яны ўсе пераабуюцца». Павук распавёў пра беларускіх чыноўнікаў і даў парады, як з імі размаўляць

Каментары

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць46

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Чыгуначная арка Крымскага моста атрымала пашкоджанні1

Luxvisage выпусціў шыкоўны адвэнт-каляндар у выглядзе цягніка. Яго зноў немагчыма набыць у Беларусі7

Стала вядома пра цяжкую сітуацыю сям'і, якая паўтара года таму трапіла ў жудаснае ДТЗ у Талачынскім раёне2

Жанчына тры гады не можа выехаць з райскага вострава. Выйсці з бюракратычнай пасткі ніяк2

Так выглядаў Уладзімір Пуцін у Шэньджэні ФОТА13

Пуцін назваў умову ўдзелу еўрапейцаў у перамовах па Украіне8

Да 2035 года мусульман стане больш, чым хрысціян. А цэнтр хрысціянства перамесціцца ў Афрыку12

«А што дрэннага было ў Ялце?» Пуціна спыталі пра «новую Ялту»6

Пуцін паабяцаў Украіне «балючыя адказы» на ўдары па Крымскім мосце4

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць46

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць