Нерухомасць88

Шоумен Яўген Булка, які з'ехаў у Ізраіль, танна прадае свой загарадны дом пад Лагойскам

Яўген Булка падтрымаў пратэсты, трапіў у «чорныя» спісы ў Беларусі і пачаў новае жыццё ў Ізраілі, працуе там санітарам. 

Яўген Булка. Фота: сацсеткі

Аб'яву пра продаж дома заўважыў «НВ». Некаторыя падпісчыкі папракаюць артыста, што ён выставіў занадта маленькую цану за асабняк і ўчастак 25 сотак недалёка ад гарналыжнага комплексу ў Лагойску.

«Ці можна аддаць мару?! Можна, калі давяраеш міру і жыццю. Можна, калі мара застаецца ў зыходным пункце, а ты рухаешся далей. Можна, калі вызваляеш месца для новых задач і мэт.

Я гатовы расстацца са сваёй марай і выканаць нечую. Забірайце гэты дом за сімвалічны кошт! У ім — канцэнтраванае каханне, клопат, прыгажосць і гарантаваная выгода. Так, яшчэ трэба крыху прыкласці руку, інакш поўнай каштоўнасці не будзе. Зрабіце для сябе.

Дом з участкам 25 сотак, — зрабіў аб'яву Яўген Булка. — Дом пабудаваны па новай японскай тэхналогіі. Ідэальная шума– і цеплаізаляцыя. Амерыканская сістэма ацяплення, кандыцыянавання і ўвільгатнення паветра. Гатовы для круглагадовага пражывання ў маляўнічым месцы, Швейцарыя Беларусі, побач з гарналыжнымі комплексамі Лагойск і Сілічы.

На ўчастку дастаткова месца для пабудовы асноўнай хаты, а гэты можна выкарыстоўваць для адпачынку выходнага дня. Хата ацяпляецца электракатлом з канвектарам абагравання паветра, прытокава-выцяжная вентыляцыя з функцыяй ачысткі паветра. Выканана ўся разводка сантэхнікі і электрыкі, устаноўлены якасныя вокны-профіль саламандар з двухкамернымі шклопакетамі. Цэнтральная вада, мясцовая каналізацыя, электрычнасць, участак кутні, па суседстве лес…»

Яўген Булка просіць за дом 25 000 долараў.

Тэлевядоўцу закідалі пытаннямі аб кошце: маўляў, чаму так мала?! Ён быў змушаны нават запісаць даволі эмацыйнае відэа, у якім адказаў адразу ўсім крытыкам.

«Я не чакаў такой колькасці прапаноў… — кажа Яўген. — Чалавек 50 або 100 мне напісалі за суткі, я нават збіўся з падліку. Такой колькасці званкоў і паведамленняў у мяне ніколі не было. Сітуацыя проста капец… Давайце так: калі нехта хоча забраць гэты дом за 60 тысяч — забірайце, усіх астатніх прапаноў я разглядаць не буду. Дзякуй за ўвагу, але столькі крытыкі, што 25 000 — гэта не кошт, у чым падвох? Няма ніякага падвоху! Забірайце за 60 000! Калі вы гатовы забраць маю мару… Няхай усё будзе адэкватна. Дасылайце прапановы па кошце! Дызайн-праект і прараб у падарунак. Бясплатна!»

Акцёр разам з жонкай з'ехаў з Беларусі. Цяпер ён жыве ў Ізраілі, працуе санітарам у адной з мясцовых клінік.

Каментары8

  • Старый анекдот
    21.08.2023
    Таки чему-то да научился в Израиле, и вы ещё учите его коммерции
  • Джордж
    21.08.2023
    ром, а ты сам чаго тады звалиу з гэтай дыктаткры?
  • тарвска
    21.08.2023
    Шчасьце што мае яурэйскiя каранi

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку21

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

Кіроўца маршруткі адмовіўся везці дзіця, якое не мела наяўных грошай. Ці меў ён рацыю?2

У Сенненскім раёне прадаюць з аўкцыёна старадаўнюю паштовую станцыю1

У Тураве збіраюцца за два мільёны рэканструяваць невялікі мост цераз канал

Ракетам «Пэтрыёт» нестае спецыяльнай віскозы: нечаканы дэфіцыт на сусветным рынку1

Зяленскі: Для ўдару па Крымскім мосце мы прымянялі толькі ўласную зброю6

Беларус паўнавартасна паабедаў у рэстаране ўсяго за 4 рублі. Дзе такое месца?3

Сі не дазволіў Пуціну стаць побач з сабой і Трампам на агульным фота саміта АЦЭС26

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку21

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць