Грамадства1515

«Уся наша прадукцыя прадаецца і без выкарыстання на ёй беларускай мовы». Гарадзейскі цукровы камбінат больш не выпускае цукру «Літвінскі»

«Моўны інспектар» Ігар Случак заўважыў, што з продажу знік цукар «Літвінскі» вытворчасці Гарадзейскага цукровага камбіната і што ўвогуле беларуская мова фактычна ўжо не выкарыстоўваецца на гэтым прадпрыемстве на ўпакоўцы прадукцыі. Напісаўшы туды ліст, Ігар атрымаў адказ у стылі «адчапіцеся з вашай мовай». 

«Літвінскі цукар» пакуль што, прынамсі, у Гарадзеі прайграў «Русскому сахару»

У адказе, хоць і напісаным па-беларуску, намеснік генеральнага дырэктара па камерцыйнай дзейнасці Андрэй Бацкель не лічыць патрэбным трымацца нейкага дыпламатызму, а маніфестуе абыякавасць кіраўніцтва прадпрыемства да беларускай мовы адкрыта. І адначасова зазначае, што яно зусім не зацікаўленае і ў тым, каб людзі, прыхільныя да беларускай мовы, набывалі гарадзейскі цукар:

«Мы не плануем павялічваць колькасць этыкетак ці ўпаковак прадукцыі на беларускай мове проста так. Уся наша прадукцыя прадаецца і без выкарыстання на ёй беларускай мовы, таму сэнсу штосьці мяняць і павялічваць выдаткі ў нас няма. Вы можаце набываць цукар тых прадпрыемстваў, у якіх надпісы на этыкетках вас задавальняюць».

Зрэшты, такое пагардлівае стаўленне да спажыўцоў прадукцыі не надта і здзіўляе, бо, на думку спадара Бацкеля, ад іх пазіцыі нічога і не залежыць:

«Колькасць прадукцыі, што рэалізоўваецца, у межах любой краіны залежыць ад цаны і даведзеных паказчыкаў вышэйстаячых органаў». 

Адпаведна, Бацкель піша:

«У найбліжэйшы час наша прадпрыемства не плануе дадаваць інфармацыю на пакунках цукру вагой 1 кілаграм на беларускай мове». Хопіць і таго, што на ёй вырабляецца толькі «этыкетка сцікаў (4 і 5 грамаў)».

Што тычыцца сайта прадпрыемства, то ў адказе паведамляецца:

«Сайт не мае беларускамоўнай версіі, і ў найбліжэйшы час змен у гэтым кірунку не плануецца».

Пры гэтым відавочна, што аргумент адносна таго, што беларуская мова на этыкетках «павялічвае выдаткі», у гэтым выпадку не працуе нават чыста тэарэтычна. Бо раней у Гарадзейскага цукровага камбіната ўжо была ўпакоўка цукру «Літвінскі» на беларускай мове, і выдаткі калі і павялічваюцца, то акурат ад яе замены на іншую.

Таму можна не сумнявацца, што тут вызначальны фактар не аб'ектыўныя эканамічныя разлікі, а ўласнае суб'ектыўнае (негатыўнае) стаўленне кіраўніцтва камбіната да беларускай мовы.

Чытайце таксама: 

Белдзяржхарчпрам запэўнівае, што цукар даражэць не будзе

Асуджаны на 13 гадоў Міхаіл Крыштаповіч папрасіў памілавання ў Лукашэнкі і выйшаў на волю, атрымаўшы ў вотчыну калгас

Тром з чатырох цукровых камбінатаў дадуць крэдыты

Каментары15

  • Беларус
    13.09.2023
    [Рэд. выдалена]
  • гоблен
    13.09.2023
    Всё пройдёт - пройдёт и это ©
    Во времена Кафки чехи говорили по-немецки
    Всё меняецо, просто не сразу
  • Stop Sugar!
    13.09.2023
    Ну да, язык на упаковке сахара вообще не имеет значения. Наша семья из 2 человек покупает 1 килограмм сахара в 3 месяца. И призываем всех адекватных и вменяемых людей следовать нашему примеру. Сахар - это белая смерть, а не соль. 
    Хотите насолить сахарной промышоенности - рапсространяйте это видео https://www.youtube.com/watch?v=gXHPal5kZ58

    P.S. Помимо сахара - никаких сладостей. Это главный принцип. Фрукты - в ограниченном количентве.  Ваш мозг - Ваш враг, он будет требовать от Вас сладенького, но очень  быстро Ваши вкусовые привычки изменяться и Вы будете получать удовольствие от полезной еды, а не от сладкой. Проверено

Цяпер чытаюць

Ці пагражае Крыму блакада праз паралізаваны Крымскі мост?12

Ці пагражае Крыму блакада праз паралізаваны Крымскі мост?

Усе навіны →
Усе навіны

Расійскія і лукашэнкаўскія СМІ дагэтуль не паведамілі пра руйнаванне Крымскага моста6

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Крымскі мост зруйнаваны ўдарам украінскіх ракет51

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

«Госпадзе, такое трызненне!» Усё больш беларусак пішуць, што ім званілі з міліцыі і пыталіся, ці жывыя яны2

Падлеткі п'юць лекі ад раку, каб стаць вышэйшымі. Дактары б'юць трывогу

Нямецкія футбольныя клубы пачалі абмяжоўваць смартфоны на стадыёнах

больш чытаных навін
больш лайканых навін

Ці пагражае Крыму блакада праз паралізаваны Крымскі мост?12

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць