Грамадства1313

У Беларусі ліквідуюць грамадскае аб'яднанне «Дзеці Чарнобыля»

Мінскі гарадскі суд 4 кастрычніка разгледзіць іскавую заяву Міністэрства юстыцыі аб ліквідацыі грамадскага аб'яднання «Беларускі камітэт «Дзеці Чарнобыля», якое дзясяткі гадоў дапамагала пацярпелым ад радыяцыі.

16-гадовая Святлана Піліпчук (Ціханоўская) у Ірландыі, куды патрапіла ў рамках праграмы дапамогі пацярпелым ад чарнобыльскай катастрофы. Фота: фэйсбук Томаша Сулімы 

Інфармацыю пра гэта заўважыла «Радыё Свабода» на партале электроннага судаводства.

ГА «Беларускі камітэт «Дзеці Чарнобыля» заснаваная ў 1986 годзе пасля аварыі на Чарнобыльскай атамнай электрастанцыі, нагадвае BPN.

Мэтамі арганізацыі з'яўляюцца абарона фізічнага і псіхічнага здароўя, правоў і інтарэсаў дзяцей Беларусі, супрацоўніцтва з навуковымі, медыцынскімі і грамадскімі арганізацыямі розных краін, устойлівае развіццё «чарнобыльскіх рэгіёнаў», медыцынскае абследаванне дзяцей з тэрыторый, якія пацярпелі ад аварыі на ЧАЭС.

Святлана Ціханоўская з ірландскай сям'ёй, якая прымала яе па праграме «Дзеці Чарнобыля». Фота: твітар Ціханоўскай

Па праграме «Дзеці Чарнобыля» маладых беларусаў з тэрыторый, якія зведалі найбольшае радыеактыўнае забруджванне, вывозілі на аздараўленне ў краіны Еўропы. Сярод іх была і, напрыклад, Святлана Піліпчук (цяпер Ціханоўская), якая ва ўзросце 12 гадоў па гэтай праграме трапіла ў Ірландыю. Пасля яна шмат гадоў прыязджала сюды ўлетку.

У чэрвені італьянскае выданне Redattore sociale паведаміла, што на працягу трох апошніх гадоў не ажыццяўляюцца паездкі беларускіх дзяцей у гэтую краіну на аздараўленне. Спачатку гэтаму перашкаджала пандэмія каранавіруса, а затым — спыненне авіязносін паміж Беларуссю і ЕС з прычыны санкцый. Раней дзеці з Беларусі выязджалі ў Італію падчас школьных канікул на працягу трыццаці гадоў.

Адзначалася, што сёлета італьянскія ўлады атрымалі дазвол на арганізацыю адпаведных рэйсаў кампаніяй «Белавія», аднак беларускі бок заблакаваў рэалізацыю праекта.

Паводле даных праваабарончай арганізацыі Lawtrend, за перыяд пасля прэзідэнцкіх выбараў 2020 года і да канца жніўня 2023-га ў Беларусі ліквідавана не менш за 1407 некамерцыйных арганізацый (НКА) — аб'яднанняў, прафсаюзаў, фондаў, недзяржаўных устаноў і асацыяцый.

Каментары13

  • ненавіжу лукашызм
    24.09.2023
    адзін байструк штомесяц лётае ў замежжа на прыватных самалётах з залатымі ўнітазамі, а простыя дзеці з Чарнобальскай зоны, цяпер нават не змогуць хаця б адзін раз у год выехаць у замежжа на аздараўленне з-за дзеянняў лукашыцкага рэжыму!
  • Не поможет
    24.09.2023
    О как, чтобы не один, больной ребёнок больше не увидел, как можно жить в нормальнрй стране, в цивилизованных условиях, с нормальной медпомощью и социальной защитой.
    Подлецы, решили запретить детям попадать в нормальные условия и получать нормальную медпомощь.
    Даже больных детей лишают прследнего, только бы оставались в зверинце русского мира, построенного лукашенком на месте Беларуси.
    Это одни из мер, по противодействию утечки человеческого капитала и человеческих мозгов из сасута шасця, разработанных КГБ и ОАЦ ?!!
  • mikola
    24.09.2023
    hvora Kraina !

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку24

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

Прызналі «экстрэмісцкім» спартыўны чат «Волейбол в Минске»

Від на Каложскую царкву безнадзейна сапсаваны51

Папулярная крама ў Польшчы прызналася, што гандлявала няякаснымі прэзерватывамі4

Кіроўца маршруткі адмовіўся везці дзіця, якое не мела наяўных грошай. Ці меў ён рацыю?2

У Сенненскім раёне прадаюць з аўкцыёна старадаўнюю паштовую станцыю1

У Тураве збіраюцца за два мільёны рэканструяваць невялікі мост цераз канал

Ракетам «Пэтрыёт» нестае спецыяльнай віскозы: нечаканы дэфіцыт на сусветным рынку1

Зяленскі: Для ўдару па Крымскім мосце мы прымянялі толькі ўласную зброю6

Беларус паўнавартасна паабедаў у рэстаране ўсяго за 4 рублі. Дзе такое месца?3

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку24

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць