Свет

«Нас кантрабандай перавезлі ў Беларусь». Мігранты на мяжы з Фінляндыяй распавялі, як яны туды трапілі

Фінскае выданне Yle паразмаўляла з некалькімі нелегальнымі мігрантамі, якія намагаліся трапіць у Еўрасаюз з Расіі праз Фінляндыю. Тыя адзначылі, што многія з-за адсутнасці поспеху на беларускім напрамку цяпер едуць адтуль на фінскую мяжу дзеля ўдачы.

Мігранты, якія нелегальна трапілі ў Фінляндыю. Фота: скрыншот відэа фінскага выдання Yle.

Мааяд Саламі, Раян Алхарыры і Камаль Тавіл з'яўляюцца мігрантамі з Блізкага Уходу, якія днямі нелегальна перайшлі расійска-фінскую мяжу і потым папрасілі прытулку ў Фінляндыі. 

Сірыец Мааяд Саламі распавёў, што нядаўна ў сацсетках «стала актыўна рэкламавацца магчымасць патрапіць у Еўрасаюз праз Фінляндыю» і таму ён сумесна з іншымі пяццю мігрантамі прыехаў у Санкт-Пецярбург, адкуль да фінскай мяжы іх павінен быў даставіць кантрабандыст.

«Кантрабандыст сказаў нам, што пераезд з Санкт-Пецярбурга да фінскай мяжы арганізаваны расійскімі вайскоўцамі. Нам за 100 даляраў замовілі два таксі «Яндэкс» і даставілі бліжэй да мяжы. 

Там былі нейкія расійскія афіцэры і следчыя, хто праводзіў наш допыт. Нам анулявалі ўсе візы, забралі ўсе пашпарты, тэлефоны і грошы, а затым праз 7-8 гадзін стаяння на марозе выдалі ровары для перасячэння мяжы і забаранілі вяртацца ў Расію. Таксама сказалі, што калі Фінляндыя цалкам закрые мяжу, то ўсіх мігрантаў перанакіруюць на Нарвегію, Эстонію ці Літву», — апісаў свае ўспаміны Мааяд Саламі.

Ён дадаў, што цяпер у Расіі шмат мігрантаў, якія беспаспяхова спрабавалі трапіць з Беларусі ў Латвію, Літву ці Польшчу. Па словах сірыйца, тэма актыўна абмяркоўвалася ў Telegram, Facebook і іншых сацыяльных сетках.

«Цяпер ідзе велізарная колькасць размоў пра тое, якія фінскія памежныя пасты закрытыя, а якія дагэтуль адкрытыя», — сказаў Саламі.

Тое ж самае пацвердзіў яшчэ адзін сірыец Раян Алхарыры, які сам некалькі раз беспаспяхова спрабаваў трапіць праз Беларусь ў Польшчу і Латвію. Ён падзяліўся з выданнем Yle падрабязнасцямі свайго шляху з Сірыі ў Фінляндыю праз Беларусь.

«Я пакінуў Сірыю і адправіўся ў Бейрут (Ліван), адтуль паляцеў у Абу-Дабі (ААЭ), затым у маскоўскі аэрапорт Шарамеццева. Там нас кантрабандай перавезлі ў Беларусь, дзе я некалькі разоў беспаспяхова спрабаваў патрапіць у Польшчу і Латвію. 

Але потым мы ўбачылі ў Telegram, што фінская мяжа адкрытая для тых мігрантаў, якія знаходзяцца ў Беларусі. Мы з іншымі мігрантамі прыехалі ў Санкт-Пецярбург, адкуль нас на таксі падвезлі да фінскай мяжы, дзе расійскія вайскоўцы забралі нашыя тэлефоны, пашпарты і грошы. Узамен выдалі ровары і сказалі ехаць у Фінляндыю», — апісаў свой шлях Алхарыры.

Шлях Раяна Алхарыры з Сірыі ў Фінляндыю праз Ліван, ААЭ, Расію, Беларусь і зноў праз Расію. Фота: скрыншот відэа фінскага выдання Yle.

Трэці мігрант Камаль Тавіл таксама сказаў, што у яго групы на мяжы забралі ўсе дакументы і тэлефоны. Але, па словах Тавіла, іх «вельмі доўга пратрымалі пад вартай» расійскія вайскоўцы, а затым мігрантам выдалі ровары і забаранілі вяртацца ў Расію.

Нагадаем, што Фінляндыя закрыла амаль усе памежныя пераходы на мяжы з Расіяй, пакінуўшы толькі адзін на поўначы краіны. У краіну спрабуюць трапіць мігранты у тым ліку і з беларускімі візамі.

Раней у памежнай ахове Фінляндыі адзначалі, што мяжу спрабуюць адначасова перасекчы вялікія групы з 20-30 чалавек з удасканаленай арганізацыяй, лепш абсталяваныя, чым раней, і паводзяць яны сябе больш упэўнена, што «нагадвае крызіс з Беларуссю».

Каментары

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Інстытуты сацыялогіі і філасофіі Акадэміі навук аб'яднаюць у адзін7

У Кемераўскай вобласці Расіі разбіўся вайскова-транспартны самалёт Ан-12 «Чорны цюльпан» ВІДЭА11

Зяленскі расказаў, чым украінцы падбілі Крымскі мост10

Да людзей, якія шукаюць праўды і дапамогі ў тыктоку, сталі прыходзіць сілавікі4

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м61

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?44

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

«На 90% падтрымалі настаўнікі, а аднакласнікі не ацанілі». Дзяўчына расказала, як перайшла на беларускую мову20

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць