Нерухомасць99

У гэтым доме жылі знакамітасці БССР. Паглядзіце, якую кватэру там прадаюць 

У знакамітым доме з чайкай, куды засяліліся вядомыя людзі БССР, на продаж выставілі кватэру, у якой спыніўся час. Відаць, што ў ёй жыла інтэлігенцыя, піша Realt.by

Фота: Realt.by

Гэты дом з надпісам «МАЗ» на даху знаходзіцца на праспекце Незалежнасці, 80 у Мінску. Яго пабудавалі ў 1962 годзе па праекце архітэктараў Сысоева і Мусінскага. Першапачаткова ён выглядаў так:

Будынак стаў сапраўднай гарадской славутасцю. У народзе яго называлі дом з чайкай (з-за канструкцыі на даху).

Планіроўка кватэр, пад'ездаў, лесвічных праёмаў і ліфтаў адпавядалі патрабаванням падвышанай камфортнасці, паколькі дом прызначаўся для эліты таго часу: чыноўнікаў, прадстаўнікоў тэхнічнай і творчай інтэлігенцыі, ваенных і спартсменаў.

Тут жылі футбалісты мінскага «Дынама», заслужаны і народны артыст БССР, спявак Зіновій Бабій, Герой Савецкага Саюза лётчык Андрэй Кулагін. Была тут і кватэра трохразовага алімпійскага чэмпіёна і сяміразовага чэмпіёна свету па барацьбе Аляксандра Мядзведзя.

Фота: Realt.by

А нядаўна тут на продаж выставілі трохпакаёвую кватэру, у якой савецкі інтэр'ер захаваўся амаль у першапачатковым выглядзе. Яна знаходзіцца на другім паверсе, але не ў цэнтральнай, а ў бакавой частцы дома.

Плошча кватэры — 65,6 «квадрата». У яе вось такая планіроўка:

Але больш цікавы тут інтэр'ер, бо ён захаваўся амаль у першапачатковым выглядзе. Ва ўсёй кватэры той самы паркет ялінкай і вінтажная (па цяперашніх мерках) мэбля. Вось так выглядае гасцёўня:

У двух жылых пакоях — таксама толькі савецкая мэбля. Выбіваюцца з кантэксту хіба што пузатыя тэлевізары з 90-х.

Рогі — таксама на месцы. Яны вісяць у калідоры. Тут жа — і партрэт Пушкіна.

Кухня — 8 «квадратаў». Санвузел — раздзельны. Лоджыя зашклёная вокнамі ПВХ.

За кватэру просяць 99,9 тысячы даляраў. Метр выходзіць па 1523 даляры.

Каментары9

  • Андрусь
    25.12.2023
    Лядоўня і газавая пліта на кухні яшчэ не савецкія. 
  • Цім
    25.12.2023
    Андрусь, Няўжо царскія? ))
  • ат
    25.12.2023
    ну як гэта не савецкія? Атлант і Гефест

Цяпер чытаюць

Ці пагражае Крыму блакада праз паралізаваны Крымскі мост?12

Ці пагражае Крыму блакада праз паралізаваны Крымскі мост?

Усе навіны →
Усе навіны

Расійскія і лукашэнкаўскія СМІ дагэтуль не паведамілі пра руйнаванне Крымскага моста6

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Крымскі мост зруйнаваны ўдарам украінскіх ракет51

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

«Госпадзе, такое трызненне!» Усё больш беларусак пішуць, што ім званілі з міліцыі і пыталіся, ці жывыя яны2

Падлеткі п'юць лекі ад раку, каб стаць вышэйшымі. Дактары б'юць трывогу

Нямецкія футбольныя клубы пачалі абмяжоўваць смартфоны на стадыёнах

больш чытаных навін
больш лайканых навін

Ці пагражае Крыму блакада праз паралізаваны Крымскі мост?12

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць