Грамадства

Падлетак, якога затрымлівалі за нібыта падрыхтоўку масавага забойства ў Салігорску, на свабодзе. Пад крыміналкай і без тэхнікі

Ён хваліўся «моцным дахам» у беларускай міліцыі, але гэта аказалася хлуснёй. Таксама стала вядома, хто выканаў «замову» на школьніка.

Затрыманы Ілля «Мэфі». Выява з прэс-рэліза МУС

15-гадовага школьніка Іллю «Мэфі» затрымалі пасля таго, як нібыта ад яго імені па сацсетках разнеслася фэйкавая інфармацыя пра падрыхтоўку да масавага забойства дзяцей.

Ілля схлусіў у чатах сваіх аднадумцаў пра тое, што «працуе на сілавікоў і мае ў іх дах». Таму калі ён знік, то шмат хто не паверыў, што хлопец сапраўды затрыманы. А насамрэч з ягоных акаўнтаў працягвалі сядзець сілавікі.

Пасля гэтага быў затрыманы яшчэ адзін беларускі школьнік, сябра Іллі па мянушцы «Стаф». Але неўзабаве і «Стафа», і «Мэфі» адпусцілі — цяпер яны пад падпіскай аб нявыездзе як абвінавачаныя па артыкуле 340 Крымінальнага кодэксу («Заведама хлуслівае паведамленне пра небяспеку»). Таксама ў хлопцаў канфіскавалі тэхніку.

Скрыншот з канала Іллі «Мефі»

Пасля таго, як Ілля адшукаў новую тэхніку, ён стварыў новыя каналы і перарэгістраваў акаўнт. У новым канале ён піша, што больш не будзе займацца сватынгам (падманнымі мініраваннямі), каб не мець праблемаў з законам. І сфакусуецца на «доксінгу» — пошуку звестак пра людзей, якія робяць у інтэрнэце «нешта не тое».

Скрыншот з канала Іллі «Мефі»

Вядома і хто падставіў хлопца — група сватэраў, якая называецца Gospartia. Яны прапануюць паслугі па рассылцы лістоў у розныя месцы з мэтай падманнага мініравання, блакіроўку рэквізітаў чалавека, а таксама выдаленне тэлеграм-каналаў або атрыманне на іх паметкі «скам».

Скрыншот з канала Gospartia

Імаверна, Іллю і ягонага сябра чакае суд. Санкцыя артыкула 340 Крымінальнага кодэкса прадугледжвае да пяці гадоў калоніі. Але можна абмежавацца і штрафам.

«Наша Нiва» — бастыён беларушчыны

ПАДТРЫМАЦЬ

Каментары

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Цела кракаўскага стралка ніхто забіраць для пахавання не хоча. Яго думаюць аддаць навукоўцам6

Miss Kraken: сакрэтная ўкраінская сістэма выглядае як навуковая фантастыка, але ўжо працуе на фронце3

Жэрар Дэпард'ё прызнаў сваю віну ў сэксуалізаваным гвалце4

Ці пагражае Крыму блакада праз паралізаваны Крымскі мост?17

Украінцы нанеслі моцны ўдар па расійскіх радарах і станцыях РЭБ4

Інстытуты сацыялогіі і філасофіі Акадэміі навук аб'яднаюць у адзін8

У Кемераўскай вобласці Расіі разбіўся вайскова-транспартны самалёт Ан-12 «Чорны цюльпан» ВІДЭА11

Зяленскі расказаў, чым украінцы падбілі Крымскі мост10

Да людзей, якія шукаюць праўды і дапамогі ў тыктоку, сталі прыходзіць сілавікі4

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць