Свет3030

Ілан Маск ужывае забароненыя наркотыкі — Wall Street Journal

Самы багаты чалавек у свеце ўжываў ЛСД, какаін, экстазі і псіхадэлічныя грыбы, піша ў вялікім расследаванні амерыканскае выданне The Wall Street Journal. Гэта набыло такія формы, што кіраўніцтва Tesla i SpaceX баяцца за будучыню кампаній.

Фота: AP Photo/Kirsty Wigglesworth, Pool

Маск рэгулярна ўжывае наркотыкі на прыватных вечарынках, дзе ўдзельнікі падпісваюць пагадненні аб неразгалошванні і здаюць тэлефоны ахове, каб увайсці, сцвярджае выданне.

Раней Маск курыў марыхуану на публіцы і казаў, што ў яго ёсць рэцэпт ад медыкаў на псіхадэлічны прэпарат кетамін.

Ілан Маск даўно славіўся сваімі рэзкімі выказваннямі і неадназначнымі паводзінамі. Многія лічылі іх адваротным бокам ягонай крэатыўнасці. Ці вынікам праблем з псіхічным здароўем. Або наступствамі стрэсу ці недасыпання.

У апошнія гады, аднак, у некаторых менеджараў і членаў радаў дырэктараў яго кампаній, а таксама ў іншых асоб, блізкіх да мільярдэра, з'явіўся моцны неспакой з нагоды таго, што паводзінамі Маска рухае яшчэ адзін кампанент: ужыванне наркотыкаў. 

Ужыванне наркотыкаў стваральнікам SpaceX можа мець сур'ёзныя наступствы не толькі для яго здароўя, але і для шасці кампаній і мільярдных актываў, якія ён курыруе. Журналісты спасылаюцца на людзей з блізкага кола Маска і знутры яго кампаній.

Напрыклад, у 2018 годзе ён прыняў некалькі таблетак кіслаты на вечарыне, якую ладзіў у Лос-Анджэлесе. У наступным годзе ён прымаў галюцынагенныя грыбы на імпрэзе ў Мексіцы. У 2021 годзе ён прыняў кетамін для забавы ў Маямі на хатняй вечарыне падчас Art Basel. Ён прымаў забароненыя наркотыкі з цяперашнім членам праўлення SpaceX і былым членам праўлення Tesla Стывам Юрветсанам.

Людзі, блізкія да Маска, якому цяпер 52 гады, сказалі, што ён працягвае ўжываць наркотыкі, асабліва кетамін, і што яны занепакоеныя тым, што гэта можа выклікаць праблемы са здароўем.

Незаконнае ўжыванне наркотыкаў можа парушаць федэральныя законы і паставіць пад пагрозу дзяржаўныя кантракты SpaceX на мільярды даляраў, піша выданне.

Каментары30

  • Hi
    07.01.2024
    So what ?
  • Пад кайфам
    07.01.2024
    А я та думаю
  • Владислав
    07.01.2024
    Я спачуваю амерыканскім спецыялістам кампаній SpaceX і Tesla. З такім лідэрам у іх няпэўная будучыня.

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Цела кракаўскага стралка ніхто забіраць для пахавання не хоча. Яго думаюць аддаць навукоўцам6

Miss Kraken: сакрэтная ўкраінская сістэма выглядае як навуковая фантастыка, але ўжо працуе на фронце3

Жэрар Дэпард'ё прызнаў сваю віну ў сэксуалізаваным гвалце4

Ці пагражае Крыму блакада праз паралізаваны Крымскі мост?17

Украінцы нанеслі моцны ўдар па расійскіх радарах і станцыях РЭБ4

Інстытуты сацыялогіі і філасофіі Акадэміі навук аб'яднаюць у адзін8

У Кемераўскай вобласці Расіі разбіўся вайскова-транспартны самалёт Ан-12 «Чорны цюльпан» ВІДЭА11

Зяленскі расказаў, чым украінцы падбілі Крымскі мост10

Да людзей, якія шукаюць праўды і дапамогі ў тыктоку, сталі прыходзіць сілавікі4

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць