Моды6262

На сустрэчы з Лукашэнкам Наталля Качанава парушыла адразу тры правілы дзелавога дрэс-коду

Старшыня Савета Рэспублікі Наталля Качанава прыйшла на нараду да Лукашэнкі ў неналежным вобразе. Спецыяліст па пратаколе тлумачыць, што не так з аўтфітам чыноўніцы.

За апошнія два дзясяткі гадоў правілы дзелавога дрэс-коду прыкметна памякчэлі. Гарнітуры сталі больш разнастайнымі і меней афіцыйнымі, а офісны стыль адаптаваўся пад павевы моды. Найбольшыя змены зведала жаночае дзелавое адзенне: касцюмы са штанамі, шыракаплечыя пінжакі, грубыя чаравікі і мужчынскія кашулі трывала ўвайшлі ў гардэробы дам, якія штурмуюць офісны Алімп.

Аднак памякчэнне закранула не ўсе групы: у палітыцы і на дыпламатычнай службе абмежаванні дрэс-коду па-ранейшаму застаюцца строгімі. Няведанне базавых законаў бізнэс-этыкету прадэманстравала Наталля Качанава.

Што не так з лукам чыноўніцы

У свеце палітыкі ўсе дзелавыя мерапрыемствы падзяляюцца на тры ступені кансерватыўнасці — для кожнай прадугледжаны свой асабісты дрэс-код. Адступленне ад правіл можа прывесці да дыпламатычных скандалаў і непрыемных канфузаў.

Так, самым простым па ступені строгасці з'яўляецца Business Casual. Дзелавы стыль «на кожны дзень» дапускае разнастайнасць у каляровай палітры і прынтах, а таксама дазваляе жанчынам замяняць дзелавыя блузы і жакеты на трыкатажныя сэты.

Business Traditional — дрэс-код для афіцыйных сустрэч і перамоваў, які падкрэслівае прыналежнасць чалавека да міру бізнэсу і транслюе яго статус. Гэты стыль хоць і дазваляе некаторую разнастайнасць колераў, але, у адрозненне ад Business Casual, яго палітра абмежавана спакойнымі, стрыманымі адценнямі.

Business Best — самы кансерватыўны дрэс-код. Менавіта яго павінны прытрымлівацца чыноўнікі на афіцыйнай сустрэчы з першай асобай дзяржавы. Нарада ў Лукашэнкі — якраз такая нагода.

Качанава
Фота: тэлеграм-канал «Пул першага»

Будучы самым строгім, Business Best мае найбольшую колькасць правіл і абмежаванняў — асабліва для жанчын. Так, паненкі, запрошаныя на мерапрыемствы ўзроўню BB, павінны быць апрануты ў касцюм-двойку са спадніцай па калена.

З абутку абіраюцца класічныя туфлі-лодачкі на абцасе да 7 см. Боты, якія выбрала Качанава — строга недапушчальныя. Яны паказваюць, што чыноўніца заленавалася пераабуцца ці ўвогуле не лічыць нараду ў Лукашэнкі дастатковай падставай, каб выканаць правілы дзелавога этыкету.

Абавязковай умовай для жанчын з'яўляецца дзённы макіяж у нейтральных адценнях. Баявая размалёўка ў духу 80-х з чорнай падводкай па ніжнім павеку — верх непрыстойнасці. Зрэшты, нават па-за межамі Палаца незалежнасці такі макіяж падыдзе толькі для тэматычнай рэтра-вечарынкі.

Качанава
Фота: president.gov.by

Не дапускае Business Best і доўгіх пазногцяў. Міндалепадобная форма манікюру чыноўніцы таксама выбіваецца з гэтага правіла. На шчасце, колер яе лаку абраны правільна — нюдавыя і пастэльныя адценні выдатна падыходзяць для сустрэч такога ўзроўню.

Зрабіць тры памылкі стылю ў адным аўтфіце складана, але Наталлі Качанавай гэта ўдалося. Ці выклікана такое грэбаванне дрэс-кодам няведаннем асноваў дзелавога этыкету ці паказвае яе стаўленне да Лукашэнкі — застаецца толькі здагадвацца.

Каментары62

  • Бервяно ў Воку
    11.01.2024
    А "міністарку культуры" Коўшык, якая днямі да Ціханоўскай прыйшла ў такіх жа ботах і з яскрава чырвонымі пазногцямі, слабо прааналізаваць? Не кажучы ўжо пра "міністарку сацыяльнай працы" Гарбунову, якая заўсёды як быццам з хлява нейкага прыходзіць.
  • Вадзім
    11.01.2024
    Цярпець не магу дрэс коды. 18м стагоддзем вее
  • Н
    11.01.2024
    Эта будашчы прэзідэнт ка

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку21

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

Кіроўца маршруткі адмовіўся везці дзіця, якое не мела наяўных грошай. Ці меў ён рацыю?2

У Сенненскім раёне прадаюць з аўкцыёна старадаўнюю паштовую станцыю1

У Тураве збіраюцца за два мільёны рэканструяваць невялікі мост цераз канал

Ракетам «Пэтрыёт» нестае спецыяльнай віскозы: нечаканы дэфіцыт на сусветным рынку1

Зяленскі: Для ўдару па Крымскім мосце мы прымянялі толькі ўласную зброю6

Беларус паўнавартасна паабедаў у рэстаране ўсяго за 4 рублі. Дзе такое месца?3

Сі не дазволіў Пуціну стаць побач з сабой і Трампам на агульным фота саміта АЦЭС26

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку21

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць