Грамадства77

Праваслаўны камуніст і ватнік з Расіі. Што вядома пра двух самых маладых кандыдатаў у Мінгарсавет

«Наша Ніва» звярнула ўвагу на самых маладых сталічных кандыдатаў. Гэтыя хлопцы не маюць шанцаў на перамогу, але добра ілюструюць, якія людзі вылучаюцца ад кішэнных партый, калі ў дзяржаве не засталося ніякай канкурэнтнай палітыкі.

Расіянін з партыі Гайдукевіча

Кірыл Гаршкоў. Фота з ягонай старонкі «Укантакце»

Кірылу Гаршкову 18 гадоў. Нарадзіўся ён у расійскім Валгаградзе, але дзяцінства правёў у Бабруйску. Там быў актывістам БРСМ і сябрам моладзевага парламента.

Цяпер хлопец, мяркуючы па спісах абітурыентаў, вучыцца на платным аддзяленні ў Міжнародным інстытуце «МІТСО» па спецыяльнасці «Эканамічнае права» (праўда, у спісах кандыдатаў ён пазначаны як беспрацоўны, таму мог ужо і адлічыцца). Але і праўладныя актыўнасці не закінуў — на старонках у сацсетках публікуе «патрыятычныя» фота з чырвона-зялёным сцягам.

Кірыл Гаршкоў. Фота з ягонай старонкі «Укантакце»

Мяркуючы па падпісках хлопца ў сацыяльнай сетцы «Укантакце», ён займае прарасійскую пазіцыю. Сярод ягоных падпісак — «Я жыву ў Расіі і мне не сорамна», «Інфармацыйная падтрымка Пуціна», «Армія Z» ды яшчэ дзясяткі паблікаў такога кшталту.

Падпіскі Кірыла Гаршкова «Укантакце»

Праўда, і адпачынак у Еўропе хлопцу падабаецца. На ягонай старонцы «Укантаце» ёсць фота з шэрагу краін Еўрасаюза, сярод якіх Італія і Германія.

Кірыл у Італіі. Фота з «Укантакце»

Хлопец балатуецца ад партыі ЛДПБ, якую ўзначальвае Алег Гайдукевіч, па Каржанеўскай акрузе ў Курасоўшчыне.

Праваслаўны камуніст Дзмітрый Шамонін

Дзмітрый Шамонін (з правага боку) з даносчыцай Вольгай Бондаравай

Дзмітрый Шамонін — другі па ўзросце сярод кандыдатаў у мясцовыя дэпутаты. Хлопцу 20 гадоў.

Ён мінчук і выпускнік ліцэя №1 Мінска, які закрылі з падачы былога міністра адукацыі Ігара Карпенкі ў снежні 2021-га. Апошні выпуск з ліцэя адбыўся ў маі 2023-га.

Цяпер Дзмітрый вучыцца на трэцім курсе механіка-матэматычнага факультэта БДУ.

Шамонін на прарасійскім мітынгу ў Мінску. Фота з ягонай старонкі «Укантакце»

Шамонін — узорны малады ябацька. Ён віншуе падпісантаў сваіх старонак з расійскімі і камуністычнымі святамі ды ўдзельнічае ва ўсіх магчымых акцыях прарасійскіх сілаў. Напрыклад, асабліва адзначае Дзень адзінства народаў Расіі і Беларусі, а таксама аналагічныя даты.

Але погляды Дзмітрыя вельмі супярэчлівыя, разабрацца ў іх няпроста. Ён займае адкрыта прарасійскую пазіцыю. З іншага боку, пазіцыянуе сябе як антыфашыст і прыхільнік камуністычных поглядаў.

Скрыншот са старонкі Дзмітрыя Шамоніна

Ёсць у яго ў сацсетках і антыўкраінскія пасажы.

Скрыншот са старонкі Дзмітрыя

А таксама сардэчнае віншаванне Сталіну з днём народзінаў.

Скрыншот са старонкі Дзмітрыя

Пры гэтым хлопец не забывае віншаваць падпісантаў з праваслаўнымі святамі.

Скрыншот са старонкі Дзмітрыя

Сярод допісаў на старонках Дзмітрыя, напрыклад, ёсць адначасова заклікі змагацца з беларускай мовай (і асабліва з лацінкай) і віншаванні з Днём роднай мовы.

Скрыншот са старонкі Дзмітрыя «Укантакце»

І мудрагелістыя цытаты ўласнага вырабу.

Цытаты Дзмітрыя Шамоніна. Фота з ягонай старонкі «Укантакце»

А таксама цытата Лукашэнкі, якую непадрыхтаваны чытач можа ўспрыняць як крамольную.

Скрыншот са старонкі Дзмітрыя «Укантакце»

Дзмітрый Шамонін балатуецца ў мясцовыя дэпутаты ад Камуністычнай партыі па мінскай Вяснянскай выбарчай акрузе. Гэта мікрараёны Вяснянка і Ржавец, жыллё топ-чыноўнікаў.

«Наша Нiва» — бастыён беларушчыны

ПАДТРЫМАЦЬ

Каментары7

  • Алек. Ру
    01.02.2024
    Byu upeunieny, što moładź razumniejšaja za łukašunou-piensadromau. Čarhovaja pamyłka. Kryudna...
  • тееория не оправдалась
    01.02.2024
    По сути мы живем в БССР, так что неудивительно, что некоторая молодежь такая совковая.
  • даведка
    01.02.2024
    Карпенко вчера про первого несколько раз сказал, что среди кандидатов молодые, россияне и один безработный.

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю13

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

Заплацілі, каб змерзнуць на стадыёне. Фанаты «Сэлтыка» сабралі 90 тысяч еўра за адну ноч1

Віцебскі вядучы, на якога данеслі за жарт на закрытым мерапрыемстве, расказаў, чым усё скончылася4

Севярынец: Ціханоўскі перайшоў чырвоную рысу. Не ганьбі мужчынаў і беларусаў. Вяртайся62

Былога супрацоўніка КДБ з польскім грамадзянствам асудзілі да 14 гадоў9

Вызначыўся супернік зборнай Беларусі ў стыкавым матчы Лігі нацый5

19‑гадовы берасцеец Андрэй ліквідаваны пад Курдзюмаўкай24

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю13

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць