Грамадства4949

Былая фатографка БелТА, якая пераехала ў Варшаву: Вы змагаецеся не з тым злом

Былая фатографка БелТА Аксана Манчук, якая здымала пратэсты, у канцы 2022 года звольнілася з дзяржаўнага агенцтва і пераехала ў Варшаву. Яна апублікавала пост у фэйсбуку, дзе расказала пра сваю сітуацыю.

Фота: mediacongress.ru

«Хачу выказаць вялікую падзяку ўсім, хто падтрымаў мяне, — піша дзяўчына ў фэйсбуку. — Супрацьстаяць хвалі хэйту і трымацца даволі цяжка. Але ж калі ёсць падтрымка ад былых калег па цэху і сапраўдных прафесіяналаў сваёй справы, то можна яшчэ трымацца і не губляць веру ў чалавецтва.

Так, да снежня 2022 года я працавала ў фотахроніцы БелТА. І я таксама пацвярджаю той факт, што ў мяне былі даўгавыя абавязкі за скрадзеную ў мяне тэхніку ў 2019 годзе. Мне патрэбна было выконваць пастанову суда: я не мела права звольніцца да выплаты ўсёй сумы да 2024 года. Але ў снежні 2022 года я назбірала неабходную суму, выплаціла ўсё і звольнілася.

Я бяру на сябе адказнасць за працу на дзяржаўнае інфармацыйнае агенцтва і не хачу апраўдваць гэты факт, але з-за неінфармаванасці шмат людзей накінуліся на мяне, як на лёгкую нажыву.

Пратэсты ў 2020 годзе я здымала як фіксатар падзей, як і многія мае калегі. Тады не было зразумела, як усё складзецца пазней, і публікаваліся факты. Судоў над палітвязнямі я не здымала, акрамя першага паседжання суда над Віктарам Бабарыкам.

Калі пачаўся міграцыйны крызіс, я здымала тое, што адбывалася і было даступна для мяне непасрэдна на памежным пункце з беларускага боку. Працавала там двойчы. Гэта была фотахроніка падзей, бо інакш гэтыя здымкі не публікавалі б пазней еўрапейскія агенцыі. Іншая справа, як гэта часам выкарыстоўвалася (за гэта таксама не пазбягаю адказнасці), але ж у гісторыі застанецца неблагі архіў.

Я здымала большасць культурных, спартыўных і сацыяльных і эканамічных мерапрыемстваў. Фотакор увогуле павінен здымаць усё. Але мяне выставілі толькі з аднаго боку.

Ва ўсіх гэтых выпадках даволі шмат нюансаў і інфармацыі, якую я не магу распаўсюдзіць. Гэта можа моцна нашкодзіць людзям, якія засталіся ў Беларусі.

У канцы 2022 года я пераехала ў Польшчу і распачала ўладкоўваць сябе як спецыяліста ў іншых сферах працы. А таксама вырашыла знайсці сябе ў партрэтнай фатаграфіі.

Пачала знаёміцца з іншымі людзьмі, як і ўсе, калі пераязджаюць на новае месца. А гэта зараз жадаюць перавярнуць і знішчыць, паліваючы мяне брудам, не ведаючы ўсіх абставін. Але ж прасцей за ўсё распачаць хейт і кінуць яшчэ адзін камень у бок іншага, распальваючы між людзьмі варожасць.

Вы змагаецеся не з тым злом».

Чытайце таксама:

Былая фатографка БелТА, якая здымала пратэсты і суд над палітвязнямі, цяпер жыве ў Варшаве

Чаму фатографка БелТА, якая пераехала ў Варшаву, працавала ў агенцтве пасля 2020-га? Расказвае яе знаёмы

«Разумны шукае сяброў, а дурны стварае ворагаў». Мілінкевіч — пра тое, як ставіцца да былых супрацоўнікаў сістэмы

Каментары49

  • Мікіта Краўцоў
    15.02.2024
    Я зачыняла дзверы ў газавую камеру як фіксатар.
  • Рыдала ўся маршрутка
    15.02.2024
    Калі немцаў судзілі, таксама шмат такога было: ну працаваў на гестапа, але ж хлопец неблагі.
  • а што
    15.02.2024
    А што параіце, таварышч прапагандзістка? з чым змагацца? з глабальным пацяпленнем?

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Украіна нанесла ўдар па штабе арміі ў Бярдзянску. Загінулі сямёра вайскоўцаў, у тым ліку сын генерала3

Выжыць на 1500 рублёў? Некаторыя мінчане кажуць, што гэта рэальна11

Эстонія з 1 снежня закрывае мяжу з Расіяй4

У Мінску прадаюць «Жыгулі» з маторам на 300 сіл2

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты5

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць