Свет

Акцёра Дэпардзьё і пісьменніка Уэльбека абвінавачвае ў сэксуальным гвалце актрысы з фільма «Спа»

І Дэпардзьё, і Уэльбе раней сутыкаліся з такімі справамі. У гэтым выпадку справа вядзецца пра групавы акт.

Жэрар Дэпардзьё, фота Chesnot/Getty Images

Французскія ўлады вядуць расследаванне ў дачыненні да акцёра Жэрара Дэпардзьё і пісьменніка Мішэля Уэльбека ў сувязі з «абвінавачаннямі сэксуальнага характару», паведамляе крыніца, знаёмая з ходам расследавання, піша Бі-бі-сі.

Пацвярджэнне таго, што такое расследаванне вядзецца, з'явілася пасля таго, як французскія СМІ паведамілі, што ў «групавым згвалтаванні» гэтымі двума знакамітасцямі абвінавачвае актрыса, якая здымалася ў 2018 годзе ў фільме «Thalasso» (у Беларусі і Расіі назва «Спа»).

Крыніца паведаміла Бі-бі-сі, што судовае расследаванне было распачатае пасля падачы скаргі ў маі 2025 года.

Дэпардзьё ўжо быў асуджаны за іншыя, не звязаныя з гэтай справай выпадкі сэксуальнага гвалту.

Пацярпелая, імя якой не выдаецца, упершыню заявіла пра згвалтаванне ў інтэрв'ю французскаму расследавальніцкаму сайту Mediapart. Яна абвінаваціла Дэпардзьё ў палавым акце з пранікненнем без згоды, а Уэльбека — у прымусе яе да аральнага сэксу.

Актрыса і танцоўшчыца, якой на той момант было 32 гады, распавяла Mediapart, што яе нанялі на ролю з аголенымі сцэнамі, але ёй так і не далі дакладных указанняў наконт гэтай сцэны, у якой не прадугледжвалася ніякіх сэксуальных дзеянняў.

Яна распавяла, што падчас здымак Уэльбек зацягнуў яе ў нумар гатэля і на ложак, дзе гвалтоўна пацалаваў, а затым Дэпардзьё пранік у яе пальцамі, пакуль пісьменнік прыціскаў яе да ложка.

Акрамя таго, паводле яе слоў, Уэльбек падчас здымкі прымусіў яе да аральнага сэксуальнага акту без яе згоды. З-за гэтага актрыса зведала, па яе словах, «глыбокае прыніжэнне» і «неапісальны сорам».

Французскае заканадаўства з 2025 года кваліфікуе любыя сэксуальныя дзеянні, якія здзяйсняюцца без згоды іншага боку, як згвалтаванне.

Мішэль Уэльбек, фота Edoardo Fornaciari/Getty Images

Рэжысёр фільма Гіём Ніклу абвінавачваецца ў саўдзеле, паколькі, як сцвярджаецца, ён здымаў гэты інцыдэнт на камеру — пра гэта паведамляюць Mediapart і агенцтва AFP. 

Ніклу распавёў Mediapart, што гэтая сцэна была імправізаванай і ён не ўмешваўся, паколькі не заўважыў «ніякіх абмежаванняў, слоўнага ці фізічнага супраціву, ды і нават дыскамфорту».

Выданне апублікавала дакументы, якія сведчаць пра тое, што адзняты матэрыял гэтай сцэны быў знішчаны.

Актрыса распавяла выданню, што ў той час яна паведаміла пра інцыдэнт сябрам, свайму агенту і іншым асобам, якія ўдзельнічалі ў здымках фільма ў Нармандыі, але падала скаргу толькі пасля таго, як іншыя жанчыны абвінавацілі Дэпардзьё ў сэксуальных дамаганнях.

На наступным тыдні Дэпардзьё даведаецца, ці павінен ён будзе паўстаць перад судом паводле абвінавачання ў меркаваным згвалтаванні іншай актрысы, Шарлоты Арно.

У панядзелак Дэпардзьё адклікаў апеляцыю на асобны прысуд па двух пунктах абвінавачання ў сэксуальным дамаганні падчас здымак іншага фільма, за што яму быў прызначаны 18‑месячны ўмоўны тэрмін.

З абвінавачаннямі на адрас 77‑гадовага акцёра ў СМІ выступілі яшчэ некалькі жанчын.

Мішэль Уэльбек таксама неаднаразова сутыкаўся з судовымі справамі ў Францыі, але абвінавачанні палягалі ў распальванні этнічнай або рэлігійнай нянавісці. Справа 2002‑га года скончылася апраўдальным прысудам, чарговыя абвінавачанні ў саўдзеле ў падбухторванні да дыскрымінацыі, нянавісці ці гвалту былі вылучаныя ў лістападзе 2026‑га года, і пакуль справа не перададзеная ў суд.

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Эстонія з 1 снежня закрывае мяжу з Расіяй4

У Мінску прадаюць «Жыгулі» з маторам на 300 сіл2

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты5

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва78

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць