Моды22

Як камбінаваць рэчы з нацыянальнымі матывамі з сучаснымі? Ідэі ад модных беларусак і беларусаў

Спалучэнне сучаснасці і традыцыйнасці сёння — стоадсоткавы трэнд, які ўсё актыўней можна заўважыць на модніках. Сабралі для вас некалькі свежых ідэй, дзе рэчы з народнымі, гістарычнымі матывамі стылёва спалучаюцца з паўсядзённымі мадэлямі з крам — натхняцца дазваляецца.

Блогерка і папулярызатарка беларускай мовы Ліза Ветрава нядаўна ў сваіх сацсетках анансавала чэлендж: штодзень упісваць у вобразы рэчы з народнай разыначкай. І ў яе цудоўна атрымлівалася.

Адзін з цікавых вобразаў, які будзе суперактуальны для вясновых, яшчэ не заўсёды цёплых вечароў — белая кашуля з арнаментам, накінутая паверх цішоткі ці сукенкі. У якасці аксэсуара, які дапаўняе карціну — падвеска на ланцужку з сілуэтам Беларусі.

Фота: li_vetrava

Рашэнні спявачкі Івы Сацівы ў спалучэнні рэчаў з розных гісторый — адны з самых смелых і яркіх. Красоўкі, рэчы ад «Адзідас», косы, карункі, салома, бабуліны хусткі, футры — здаецца, у свеце не так шмат людзей, на кім гэта ўсё разам глядзелася б настолькі гарманічна.

Фота: @panisativa

Дызайнерка Воля Этыка ў сваёй працы спецыялізуецца на тым, што звычайным рэчам з таго ж сэканд-хэнда дае другое дыханне — атрымліваецца не толькі стылёва, але і экалагічна.

Фота: @proekt_etika

Шмат рэчаў Волі — акурат, пра беларускія нацыянальныя ўзоры, якія дадаюць унікальнасці сцэнічным вобразам артыстаў (Naviband, Trava і іншых) ды і звычайным лукам беларусаў.

Naviband у пінжаках, расшытых праектам Этыка

Таксама дызайнерка пляце прыгожыя гарлячкі і дае магчымасць зрабіць гэта кожнаму самастойна: у Волі можна купіць спецыяльныя наборы з падрабязнымі інструкцыямі. А яшчэ яна стылізуе некаторыя здымкі, у прыватнасці — ютуб-шоу «Обсуждаем».

Адзін з вядучых шоу Глеб Сямёнаў у манішцы з вінтажнай фіранкі, як у вашай бабулі на акне, ад брэнда TSUDA. У іх, дарэчы, таксама шмат рэчаў з нацыянальнай эстэтыкай — ад панам да сукенак

Калі мы ўжо згадалі гурт Naviband, то вось пара стылізацый-міксаў сучаснасці і гісторыі. Ксюша і Арцём часта эксперыментуюць з гардэробам у такім кірунку.

Фота: @naviband

Вельмі прыгожыя ідэі стылізацый, у якіх адчуваецца любоў да радзімы, часам можна пабачыць у выкананні архітэктаркі Ганны Каспяровіч.

Фота: @h_kaspiarovich

Праваабаронца Дзіяна Пінчук гарманічна ўмудраецца спалучаць у сваіх луках панк, гранж, кэжуал, вінтаж і дызайнерскія рэчы з нацыянальным каларытам.

Спалучэнне сукенкі-вышыванкі і кедаў. Фота: @dzi_chka

Лозунг фолк-фэшн брэнда Kanva — рабіць беларускае сэксі, і ў іх гэта, здаецца, атрымліваецца. Як вам такое прачытанне саламяных вырабаў і павукі-абярэгі, якія са столяў продкаў перакачавалі на вушы модніц?

Фота: @kanva_kasciume

Каментары2

  • Традыцыйны беларускі строй
    12.05.2024
    Калі хочаце дадаць у свой гардэроб нейкія элементы традыцыйнага беларускага касцюма, то паглядзіце як насамрэч выглядае беларускі традыцыйны строй.
    https://m.youtube.com/playlist?list=PL-U2EeBSp_UqGu2uZTHRiN5UKh5jjI2Fn
  • Влад
    12.05.2024
    Дичь нейкая на фото!

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку22

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

Кіроўца маршруткі адмовіўся везці дзіця, якое не мела наяўных грошай. Ці меў ён рацыю?2

У Сенненскім раёне прадаюць з аўкцыёна старадаўнюю паштовую станцыю1

У Тураве збіраюцца за два мільёны рэканструяваць невялікі мост цераз канал

Ракетам «Пэтрыёт» нестае спецыяльнай віскозы: нечаканы дэфіцыт на сусветным рынку1

Зяленскі: Для ўдару па Крымскім мосце мы прымянялі толькі ўласную зброю6

Беларус паўнавартасна паабедаў у рэстаране ўсяго за 4 рублі. Дзе такое месца?3

Сі не дазволіў Пуціну стаць побач з сабой і Трампам на агульным фота саміта АЦЭС26

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку22

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць