Свет22

МЗС Літвы назвала ініцыятыву Расіі наконт змены марской мяжы ў Балтыйскім моры правакацыяй

У сераду для падрабязнага тлумачэння ў МЗС будзе запрошаны прадстаўнік Расіі, а адказ Літвы будзе ўзгоднены з партнёрамі.

Балтыйскае мора каля Зяленаградска Калінінградскай вобласці. Фота: Victoria Koltsova / vecteezy.com

Учора Расія прапанавала змяніць мяжу з Літвой і Фінляндыяй у Балтыйскім моры ў аднабаковым парадку.

З праекта вынікае, што Расія збіраецца абвясціць сваімі ўнутранымі марскімі водамі частку акваторыі на ўсходзе Фінскага заліва, а таксама побач з гарадамі Балтыйск і Зеленаградск у Калінінградскай вобласці. Плануецца змяніць геаграфічныя каардынаты кропак, якія вызначаюць становішча зыходных ліній, ад якіх адмераецца шырыня тэрытарыяльнага мора Расіі, прылеглай зоны ўзбярэжжа і выспаў.

Аўтары законапраекта заявілі, што цяперашнія каардынаты ўстаноўленыя пастановай Саўміна СССР ад 1985 года і «не ў поўнай меры адпавядаюць сучаснай геаграфічнай абстаноўцы», бо былі зафіксаваныя «па марскіх навігацыйных картах дробнага маштабу», заснаваных «на працах сярэдзіны XX стагоддзя».

У МЗС Літвы заяўляюць, што такія дзеянні Расіі разглядаюцца як наўмысная, мэтанакіраваная, нарастаючая правакацыя, накіраваная на запалохванне суседніх краін і іх грамадскасці, піша LRT.

«Гэта яшчэ адзін доказ таго, што агрэсіўная і рэвізіянісцкая палітыка Расіі уяўляе пагрозу бяспецы суседніх дзяржаў і ўсёй Еўропы», — гаворыцца ў паведамленні міністэрства.

Ведамства інфармуе, што ў сераду для падрабязнага тлумачэння будзе запрошаны прадстаўнік Расіі, а адказ Літвы будзе ўзгоднены з партнёрамі. 

«Літва нагадвае і заклікае Расію паважаць і выконваць агульнапрызнаныя прынцыпы і нормы міжнароднага права, а таксама міжнародныя і двухбаковыя пагадненні аб непарушнасці межаў, а менавіта: дамову аб асновах міждзяржаўных адносін 1991 года, дамову аб дзяржаўнай мяжы 1997 года, дагавор аб размежаванні выключнай эканамічнай зоны і кантынентальнага шэльфа ў Балтыйскім моры 1997 года, пагадненне аб перасячэнні выключных эканамічных зон і межаў кантынентальнага шэльфу ў Балтыйскім моры 2005 года, а таксама іншыя пагадненні», — гаворыцца ў паведамленні.

Старшыня парламенцкага камітэта па нацыянальнай бяспецы і абароне Арвідас Поцюс лічыць, што планы Расіі па змене межаў з Літвой і Фінляндыяй у Балтыйскім моры варта разглядаць як чарговае запалохванне, спробу адгаварыць захад ад дапамогі Украіне.

«Я думаю, гэта чарговая спроба запалохаць і пагражаць. Расея хоча адгаварыць захад ад дапамогі Украіне, і ў гэтай рыторыцы няма нічога новага», — сказаў Поцюс агенцтву ELTA.

Каментары2

  • Peter
    22.05.2024
    Nauseda pramalczyt. 
  • М
    22.05.2024
    Peter, безумоўна, бо для Наўседы галоўны вораг гэта беларусы, а не Пуцін ды Лукашэнка.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

У Мінску прадаюць «Жыгулі» з маторам на 300 сіл2

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць