Свет33

Паміж Еўропай і Афрыкай збіраюцца пабудаваць падводны тунэль

Цяпер вядзецца стратэгічнае планаванне такога будаўніцтва. Мяркуецца, што тунэль даўжынёй больш за 27 км пройдзе з іспанскага горада Тарыфа праз Гібралтарскі праліў у мараканскі Танжэр.

Фота: findpenguins.com

Распрацоўшчыкі спадзяюцца пабудаваць тунэль за 6 гадоў да часу, калі Іспанія, Партугалія і Марока сумесна прымуць чэмпіянат свету па футболе 2030 года, паведаміла Euronews.

Паводле ацэнак, кошт будаўніцтва складзе больш за 6 мільярдаў еўра, хоць афіцыйная сума планаваных выдаткаў пакуль невядомая. 

Тунэль павінен будзе забяспечыць рух высакахуткасных цягнікоў, якія ідуць з хуткасцю больш за 320 км у гадзіну. Ён злучыць наяўныя чыгуначныя лініі Іспаніі з мараканскім маршрутам Аль-Барак, які адкрыўся ў 2018 годзе.

Такім чынам, на цягніку можна будзе дабрацца з Мадрыда ў мараканскую Касабланку пад Гібралтарскім пралівам. Поўная такая паездка цягніком, як паведамляецца, зойме ў падарожнікаў 5 гадзін 30 хвілін.

Паводле папярэдніх падлікаў цягнікамі праз Гібралтарскі тунэль за год скарыстаюцца больш за 12,8 млн пасажыраў, акрамя таго, аб'ём гандлю паміж двума кантынентамі павялічыцца на 13 млн тон грузаў.

Сур'ёзны праект будаўніцтва тунэля пад Гібралтарскім пралівам упершыню быў прапанаваны яшчэ ў 1979 годзе, ён мог быць падобным на тунэль пад Ла-Маншам паміж Дуўрам і Кале. Але да рэалізацыі яго справа не даходзіла.

Цяжкапераадольныя складанасці могуць сустрэць і цяперашні праект. Інжынеры выявілі некалькі лагістычных праблем. У самым глыбокім пункце глыбіня праліва складае 900 м, да таго ж дадатковую рызыка ўяўляе сабой рэгулярная сейсмічная актыўнасць на геалагічным разломе Азорскіх астравоў і Гібралтара.

Каментары3

  • Яська
    26.05.2024
    А ці спыталі ў жыхароў Еўропы ці хочуць яны яшчэ 11 мільёнаў чорных “уцекачоў”?
  • Винни пук
    26.05.2024
    Правильно, чтобы мигрантом было легче добираться до ЕС. Гуманно.  
  • Авохці
    27.05.2024
    У альтэрнатыўнай рэчаіснасці гэты тунэль мог бы стаць пачаткам новай спробы цывілізавання заняпадлага кантыненту. Але ж, для хворай на сацыялізм Еўропы ён хутчэй стане каталізатарам разбурэння. 

Цяпер чытаюць

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Усе навіны →
Усе навіны

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка10

Мінскія ўлады ўжо абмяркоўваюць ідэю Лукашэнкі запусціць трамваі ў метро14

Людзі спяшаюцца перабрацца з Расіі ў Эстонію1

Выйдзе працяг «Адзін дома» з Макалеем Калкіным

Мінчане купілі пустуючую хату за 2300 рублёў і вяртаюць яе да жыцця5

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

больш чытаных навін
больш лайканых навін

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Галоўнае
Усе навіны →

Заўвага:

 

 

 

 

Закрыць Паведаміць