Грамадства33

Беларусы скардзяцца, што месяцамі не могуць запісацца на падачу на візу

Атрыманне еўрапейскай візы — сапраўдны квэст. Чытачы расказваюць пра складанасці з польскімі візамі.

Ілюстрацыйны здымак. Фота: «Наша Ніва»

Памагатары не даюць рады 

Адзін з суразмоўцаў кажа, што ўжо два месяцы мае на руках запаветнае запрашэнне ад паляка, але запісацца на падачу візы ўсё адно не можа.

«Запрашэнне каштавала мне 300 даляраў і два з паловай месяцы чакання. Спачатку з месяц шукаў таго, хто захоча «запрасіць» мяне ў госці, а потым яшчэ месяца паўтара трэба было пачакаць, пакуль яго аформяць польскія органы і яно патрапіць мне ў рукі. Хутка будзе два месяцы, як спрабую запісацца на падачу», — скардзіцца мужчына, які з зімы актыўна займаецца атрыманнем візы.

Па яго словах, забраніраваць дату не атрымліваецца ні самастойна, ні праз памагатараў.

«За дапамогу з запісам пасярэднік запрасіў 350 рублёў, папярэдне абяцаў, што цягам 2-3 тыдняў абавязкова запіша, але нічога не атрымалася. Недзе праз месяца паўтара мне патэлефанавалі і паведамілі, што наўрад ці змогуць дапамагчы. Сказалі, нібыта цягам красавіка вольных дат наогул не выпадала».

Мужчыне таксама параілі паспрабаваць запісацца самастойна або пашукаць знаёмых, якія працуюць у візавым цэнтры. 

Мужчына кажа, што памагатары спасылаюцца на тое, што нібыта пасля таго, як з сакавіка Польшча змяніла правілы запісу на падачу, запісацца на візу стала амаль немагчыма, у тым ліку самастойна.

Сярод яго знаёмых таксама ёсць людзі, якія ўжо больш за месяц не могуць запісацца на падачу на польскую візу.

Ілюстрацыйны здымак. Фота: «Наша Ніва»

З картай паляка прасцей?

Іншая суразмоўца распавядае, што з сярэдзіны красавіка безвынікова намагаецца запісацца на падачу на візу на падставе карты паляка.

«Гадамі запісвалася на візу з дапамогай знаёмай, але сёлета ніяк не атрымоўваецца, хоць запіс на падачу па карце паляка заўсёды лічыўся самай простай задачай».

Складанасці з працоўнымі візамі

Мужчына, які працуе дальнабойшчыкам у польскай кампаніі, вымушана знаходзіцца ў працяглым адпачынку, бо таксама не можа запісацца на падачу.

«Рабіў працоўныя візы з 2021 года і ніколі не меў праблем з запісам. Першую візу атрымаў недзе праз тры тыдні, як толькі знайшоў працу ў Польшчы. Да гэтага разу ніякіх затрымак не было», — кажа дальнабойшчык.

Ён не адзіны супрацоўнік на фірме, які сутыкнуўся з падобнай праблемай.

Ілюстрацыйны здымак. Фота: «Наша Ніва»

«Калегі кажуць, што праз тое, што рабіць візы стала складаней, працадаўца пачаў актыўна прапаноўваць рабіць часовыя дазволы на жыхарства тым кіроўцам-беларусам, якія добра працуюць і маюць намер заставацца на працы».

Праз тое, што сядзець месяцамі без працы дорага, мужчына пачаў шукаць любыя шляхі, як паскорыць працэс.

«Але ўсё безвынікова. Чалавек, знаёмы з консулам, паведаміў, што нібыта з нядаўняга часу пашпарты вязуць у Варшаву і там уклейваюць візу, таму нібыта на месцы (у Беларусі — «НН») вырашыць пытанне з візай немагчыма», — распавядае дальнабойшчык.

З яго слоў, у яго есць толькі адна знаёмая, якая ў маі здолела самастойна запісацца на падачу. На гэта ў яе сышло тры дні, амаль цалкам праведзеныя за камп’ютарам.

Каментары3

  • Ф
    29.05.2024
    Цяжкапаранены мігрантамі польскі памежнік ляжыць у шпіталі, мазаічны і яго кодла прамым тэкстам пагражаюць вайной, Польшча траціць €2.5 млрд на умацаваньне мяжы (у тым ліку міннымі палямі).

    У такім выпадку ня дзіва, што візу атрымаць так складана, і гайкі будуць заціскацца ўсё мацней і мацней, і зь цягам часу ўвогуле атрымаць хоць якую візу будзе немагчыма. Выйсьце адно: ехаць туды з канцамі, не плянуючы вяртацца ўвогуле. Пакуль гэта яшчэ магчыма.
  • реал-политик
    29.05.2024
    такая ситуация выгодна всем. кроме порядочных граждан : визовым центрам, консулятам, фирмам туристическим, а также одиночкам-программистам.
    СИТУАЦИЯ НА СЕГОДНЯШНИЙ ДЕНЬ ТАКАЯ :  БЕЗ "ПОМОЩИ"  ЭТИХ ВЫШЕПЕРЕЧИСЛЕННЫХ  ВОЙТИ В СОБСТВЕННЫЙ КАБИНЕТ НА ВИЗОВОМ ЦЕНТРЕ НЕ-ВОЗ-МОЖ-НО !  Просто сбрасывается или постоянно крутится. И белорусским властям это тоже оооооооооооооооочень выгодно.
  • *
    29.05.2024
    Сказана - будуць мініраваць, зачыняць, будаваць мур. Пра візы нічога не сказана. Якія пытаньні? У нас на усход 7000 кілометраў неагледжанных тэрыторый. Гуляй да сьмерці, не выгуляеш

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

19‑гадовы берасцеец Андрэй ліквідаваны пад Курдзюмаўкай22

Украіна нанесла ўдар па штабе арміі ў Бярдзянску. Загінулі сямёра вайскоўцаў, у тым ліку сын генерала3

Выжыць на 1500 рублёў? Некаторыя мінчане кажуць, што гэта рэальна11

Эстонія з 1 снежня закрывае мяжу з Расіяй4

У Мінску прадаюць «Жыгулі» з маторам на 300 сіл2

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты5

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць