Свет22

Сястра Кім Чэн Ына папярэдзіла Сеул «пра небяспечную сітуацыю»

Кім Ё Чжон назвала апраўданай рэакцыю КНДР.

Кім Ё Чжон з братам. Фота: Korean Central News Agency/Korea News Service via AP

Рашэнне Паўднёвай Карэі запусціць прапагандысцкае вяшчанне праз гучнагаварыцелі на мяжы з Паўночнай Карэяй можа прывесці «да вельмі небяспечнай сітуацыі», заявіла намеснік загадчыка аддзела ЦК Працоўнай партыі КНДР Кім Е Чжон, сястра лідара Рэспублікі Кім Чэн Ына.

Паўднёвакарэйскія ўлады ўключылі гучнагаварыцелі ўпершыню з 2016 года, гэта стала адказам на «смеццевую вайну» КНДР: па даных Сеула, з 28 мая паўночнакарэйскі ўрад выпусціў каля 1,6 тыс. паветраных шароў са смеццем, частка з іх прызямлілася ў ваколіцах Сеула і іншых прыгранічных рэгіёнах.

У Паўночнай Карэі заяўляюць, што такім чынам адказваюць на распаўсюд прапагандысцкіх улётак Паўднёвай Карэяй аналагічным метадам.

Кім Ё Чжон назвала апраўданай рэакцыю КНДР. На яе думку, у дзеяннях Пхеньяна, у адрозненне ад Сеула, «не ўтрымліваецца ніякага палітычнага падбухторвання».

«Калі яны будуць раскідваць улёткі і ладзіць правакацыі з дапамогай гучнагаварыцеляў праз мяжу, мы, несумненна, станем сведкамі новай рэакцыі нашай краіны. Я сур'ёзна раю Сеулу неадкладна спыніць небяспечныя ўчынкі, якія могуць прывесці да далейшай канфрантацыі», — цытуе яе ЦТАК.

КНДР планавала спыніць адпраўку шароў 9 чэрвеня, але сітуацыя памянялася, сказала яна, маючы на ўвазе сітуацыю з гучнагаварыцелямі.

Яна дадала, што Паўднёвая Карэя сутыкнецца з «паўсядзённай неабходнасцю збіраць макулатуру», калі распаўсюджванне ўлётак не спыніцца.

Каментары2

  • a.hto.tam.idze
    10.06.2024
    Ізноў лайном кідацца пачнуць?
  • Acab
    10.06.2024
    Дарэчы, чарговы довад на карысьць бязклясавага камуністычнага грамадзтва. Ў той час, як разбэшчаны спажывецтвам раб капіталізма нехтуе выконваць нарматыў сартаваньня на сто фракцыяў, пры камунізьме ня будзе праблемы ўтылізацыі сьмецьця. Яго ўсяляк будуць адпраўляць паветранымі балёнікамі ў трэцяе кола варожасьці, бяз ўсялякага сартаваньня. Нават можа забракнуць сьмецьця на такую шляхетную мэту пры камунізьме

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал10

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

Беларус расказаў, як правозіў ката самалётам з перасадкамі

На брэсцкім вакзале заўважылі апарат з «цублямі» замест рублёў1

Мінск прыме расійска-грузінскія перамовы2

Рыжанкоў заявіў, што Беларусь дабіваецца ад ЗША зняцця санкцый у абмен на палітвязняў17

У Берліне распрацавалі план, як ЕС працягваць падтрымку Украіны нават пасля прыходу да ўлады Ле Пэн у Францыі3

Для каардынацыі ўдараў па Крымскім мосце ўкраінцы выкарыстоўвалі свае «лятучыя мадэмы»4

У Гродне анансавалі стварэнне новага жылога квартала

У пасажыра на станцыі метро знайшлі самаробны меч для гістарычных баёў. Цяпер яго будуць судзіць7

Z-блогер, які марыў забіць усіх украінцаў, загінуў сам12

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал10

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць