Свет44

ЗША прапануюць Мадура адмовіцца ад улады ў Венесуэле ў абмен на гарантыі бяспекі

ЗША робяць спробы прымусіць прэзідэнта Венесуэлы Нікаласа Мадура адмовіцца ад улады ў абмен на амністыю, піша «Медуза» са спасылкаю на The Wall Street Journal.

Нікалас Мадура. Фота: AP Photo / Matías Delacroix

Суразмоўцы выдання распавялі, што ў адміністрацыі Байдэна абмяркоўваюць пытанне аб памілаванні Мадура і яго памочнікаў, якіх Мінюст ЗША абвінавачвае ва ўдзеле ў наркатрафіку і ў пастаўках какаіну ў краіну.

Па словах адной з крыніц WSJ, Вашынгтон «выклаў на стол усё», каб пераканаць Мадура сысці да заканчэння яго тэрміну ў студзені. Іншы суразмоўца выдання кажа, што ЗША будуць гатовыя даць гарантыі не пераследваць Мадура і яго памочнікаў з мэтай экстрадыцыі.

У 2020 годзе ЗША аб'явілі ўзнагароду ў памеры 15 мільёнаў долараў за інфармацыю, якая прывядзе да арышту і асуджэння самога Мадура, і яшчэ 10 і пяць мільёнаў за інфармацыю аб яго хаўрусніках. Іх абвінавацілі ў наркатэрарыстычнай змове і ў змове з мэтай увозу какаіну ў ЗША.

ЗША ўжо прапаноўвалі Мадура амністыю падчас сакрэтных перамоваў у горадзе Доха ў 2023 годзе, але ён адмовіўся абмяркоўваць умовы, на якіх мог бы пакінуць сваю пасаду, распавялі крыніцы WSJ. Адзін з суразмоўцаў выдання, блізкі да рэжыму ў Венесуэле, сказаў, што пазіцыя Мадура з таго часу не змянілася.

Сам Мадура сцвярджае, што адкрыты для перамоваў, калі Вашынгтон праявіць да яго павагу. У астатнім, як ён заявіў на сваёй прэс-канферэнцыі 9 жніўня, ён просіць ЗША «не ўмешвацца ва ўнутраныя справы Венесуэлы».

Як адзначае The Wall Street Journal, перамога Дональда Трампа на прэзідэнцкіх выбарах у ЗША можа сарваць перамовы з Мадура, калі Трамп адновіць сваю агрэсіўную палітыку ў дачыненні да Венесуэлы, якая заключалася ў тым, што яго адміністрацыя адмяніла нафтавыя санкцыі і падтрымала ценявы ўрад краіны з мэтай звяржэння рэжыму.

29 ліпеня Нацыянальная выбарчая рада Венесуэлы абвясціла, што прэзідэнцкія выбары ў краіне выйграў дзейны кіраўнік краіны Нікалас Мадура з 51,2% галасоў. Кандыдат ад апазіцыі, 74-гадовы Эдмунда Гансалес, атрымаў, паводле падлікаў рады, 44,2% галасоў.

Апазіцыя з вынікамі не пагадзілася. Сабраныя ёй даныя паказалі, што Гансалес выйграў амаль 38 працэнтных пунктаў, набраўшы 7,3 мільёна галасоў супраць 3,3 мільёна галасоў у Мадура.

Пасля абвяшчэння вынікаў выбараў у Каракасе і іншых гарадах Венесуэлы пачаліся пратэсты. Паліцыя і вайскоўцы прымянілі супраць пратэстуючых слёзацечны газ і гумовыя кулі. Па даных Reuters, падчас дэманстрацый загінулі не менш за два чалавекі. Мадура заявіў, што ў Венесуэле «зноў робіцца спроба здзейсніць дзяржаўны пераварот фашысцкага і контррэвалюцыйнага характару».

Каментары4

  • Acab
    11.08.2024
    Нафтавыя санкцыі супраць Вэнэсуэлі Трамп ўводзіў, а адмяняў ўжо Байдэн, а сёлета ў траўні аднавіў
    Камсамольская Мэдуза заблыталася ў адмоўных часьціцах і назвала агрэсыўнай палітыкай адмену санкцыяў, а НН мэханістычна калькуе старэйшага брата, які няздатны перакласьць з амэрыканскага старэйшага брата ўольстрыта часопісу
  • Не сыйдзе
    11.08.2024
    Колькі шанцаў, што сіняпалы мадура пагодзіцца проста сысці па волі народа? Нуль. Гэта як крэйзануты лукашэнка - "любімую не аддают".
  • Режим
    12.08.2024
    Как Януковощу гарантии?

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку17

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

У Сенненскім раёне прадаюць з аўкцыёна старадаўнюю паштовую станцыю1

У Тураве збіраюцца за два мільёны рэканструяваць невялікі мост цераз канал

Ракетам «Пэтрыёт» нестае спецыяльнай віскозы: нечаканы дэфіцыт на сусветным рынку1

Зяленскі: Для ўдару па Крымскім мосце мы прымянялі толькі ўласную зброю6

Беларус паўнавартасна паабедаў у рэстаране ўсяго за 4 рублі. Дзе такое месца?3

Сі не дазволіў Пуціну стаць побач з сабой і Трампам на агульным фота саміта АЦЭС25

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку17

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць