Усяго патроху11

Кракадзіл, якога нядаўна прадалі з аўкцыёну, застанецца жыць у Мінскім заапарку

Нільскі кракадзіл Дандзі, якога на аўкцыёне днямі купіў арганізатар азартных гульняў «Залаты фараон», працягне жыць у Мінскім заапарку. Пра гэта новы ўладальнік расказаў выданню Office Life.

Цяпер кракадзіл Дандзі — «частка каманды» кампаніі, у яго з'явіўся свой рахунак на LinkedIn, і яму можна задаць пытанні.

«Ідэя ўзяць пад апеку экзатычную для Беларусі жывёліну прыйшла супрацоўнікам пасля таго, як у стужцы навін трапілася інфармацыя аб продажы кракадзіла. З'явілася жаданне зрабіць добрую справу і дапамагчы яму — выкупіць і пакінуць у Мінскім заапарку. Выгадаваны ён быў у няволі, у натуральнае асяроддзе яго ўжо не вярнуць. Таму мы гатовыя ўзяць на сябе абавязацельствы, каб падтрымліваць ягоны звыклы ўзровень жыцця і не падвяргаць лішняму стрэсу ў сувязі са зменай месца жыхарства», — расказалі ў кампаніі.

У Мінскім заапарку кракадзіла ласкава называюць Лёнчык. Тут ён жыве з сакавіка мінулага года. Яго прывезлі з тэрыторыі гарбарнага завода.

Як высветлілася, у кракадзіла складаны характар — можа шыпець, выказваючы незадаволенасць, рэзка разварочвацца.

Узрост 14 гадоў для рэптыліі лічыцца дастаткова маладым, паколькі некаторыя асобіны могуць жыць і да 150 гадоў! Даўжыня нільскага Лёні цяпер каля 3 метраў, але ў працэсе сталення ён можа выцягнуцца да 6 метраў, лічаць спецыялісты заапарка.

Лёня з задавальненнем есць курыцу, ялавічыну, цяляціну, печань, рыбу мінтай. Ласунак выбірае пад настрой і за адзін раз можа з'ядаць каля 1 кг ежы.

Жыве Лёнчык адзін, у вальеры, дзе створаныя ўсе ўмовы для камфортнага знаходжання: можна купацца ў басейне, грэцца пад лямпамі з ультрафіялетам.

Паколькі гэта нільскі від кракадзіла, аб'ядноўваць яго з кракадзілавымі кайманамі, якія таксама знаходзяцца ў Мінскім заапарку, нельга. Такія драпежнікі могуць праяўляць адзін да аднаго агрэсію.

Каментары1

  • дочка Максима Дизайнера
    16.08.2024
    ну і правільна

    пассат что-то не потянул )

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Вызначыўся супернік зборнай Беларусі ў стыкавым матчы Лігі нацый5

19‑гадовы берасцеец Андрэй ліквідаваны пад Курдзюмаўкай22

Украіна нанесла ўдар па штабе арміі ў Бярдзянску. Загінулі сямёра вайскоўцаў, у тым ліку сын генерала3

Выжыць на 1500 рублёў? Некаторыя мінчане кажуць, што гэта рэальна11

Эстонія з 1 снежня закрывае мяжу з Расіяй4

У Мінску прадаюць «Жыгулі» з маторам на 300 сіл2

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць