Эканоміка55

Наколькі рэалістычны прагноз эканамічнага развіцця Беларусі на 2025 год? Адказвае эканаміст

Аляксандр Лукашэнка падпісаў указ, якім зацвердзіў прагнозныя параметры эканамічнага развіцця Беларусі на 2025 год. Спыталі ў эканаміста, наколькі магчыма гэтага дасягнуць.

Ілюстрацыйны здымак. Фота: «Наша Ніва»

Ацэнка прагнозаў

Чакаецца, што рост ВУП у наступным годзе складзе 4,1%, рэальныя даходы насельніцтва вырастуць на 4%, а інфляцыя не павінна перавысіць 5%.

На думку эксперта BEROC Анастасіі Лузгіной, найбольшыя сумневы выклікаюць прагнозы, датычныя росту ВУП.

«Прырост ВУП на 4,1% — больш, чым запланавана ў гэтым годзе, калі эканоміка працуе на мяжы сваіх магчымасцяў з улікам нарастальнага дэфіцыту кадраў і штучнага стрымлівання цэн», — кажа эканаміст.

Па выніках студзеня-жніўня 2024 года ВУП Беларусі вырас на 4,9% (адносна таго ж перыяду 2023 года). Запланаваны паказчык на год — 3,8%.

Ілюстрацыйны здымак. Фота: «Наша Ніва»

Расійскі фактар

Анастасія Лузгіна адзначае, што важным фактарам з'яўляецца тое, што ў 2024 годзе рост эканомікі Беларусі быў падмацаваны актыўным прыростам эканомікі расійскай.

«На 2025 год у планах расійскіх уладаў затармазіць актыўную дынаміку. Гэта будзе азначаць запаволенне росту попыту ў тым ліку на беларускую прадукцыю. З улікам усіх вышэйпералічаных фактараў павелічэнне ВУП на 4,1% з'яўляецца, на мой погляд, маларэалістычным», — лічыць эксперт.

Кіраваная інфляцыя

Што тычыцца інфляцыі, то, на думку эксперта, з улікам жорсткага рэгулявання цэн улады могуць выйсці на запланаваныя 5%, галоўнае пытанне тут — якой цаной.

Ілюстрацыйны здымак. Фота: «Наша Ніва»

«У пэўнай меры гэтаму будзе спрыяць прагназаванае запаволенне цэн у Расіі. Аднак калі галоўнай мэтай стане рост ВУП, то, магчыма, некаторае перавышэнне прагнозу.

Але зноў-такі ва ўмовах жорсткага рэгулявання афіцыйную інфляцыю цалкам могуць утрымаць у рамках запланаваных параметраў», — лічыць Лузгіна.

Рост рэальных заробкаў запаволіцца

Што тычыцца рэальнага росту даходаў, то ён, паводле планаў, запаволіцца і складзе 4%. Пра тое, што ў 2025 годзе рост рэальных даходаў будзе не такі высокі, як у 2023-2024 гадах, неаднаразова казалі і незалежныя эканамісты.

Для параўнання, у 2023 годзе афіцыйная статыстыка фіксавала рэальны рост заробкаў на ўзроўні 6,3%, хоць планавалася, што ён будзе меншы — 4,1%. У 2024 годзе тэмпы росту рэальных заробкаў выраслі. Паводле звестак Міжнароднай фінансавай арганізацыі (ЕАБР), рэальны заробак у краіне ў жніўні 2024 года вырас на 12,3% у параўнанні з аналагічным перыядам 2023 года. Атрымлівацца, што запланаваны на 2025 год рост памерам 4% выглядае даволі рэалістычным.

Каментары5

  • Ёрк
    02.10.2024
    Acab, «іншыя паразытуюць камэнтарамі на пастанову пленума кпсс». Так ты і ёсць той самы паразыт, які паразытуе камэнтарамі на камэнтары.
  • Acab
    02.10.2024
    Спадару Ёрку, вы так старанна і пасьлядоўна мяне выкрываеце, што я маю выправіць перад вамі няпаўнату свае перашае заўвагі.

    Дзяржаўныя плянавікі шкодзяць людзкой гаспадарчай дзейнасьці, а BEROCаўцы сваёй крытыкай формы легітымізуюць ў вачох непаглыбленае ў тэму публікі іхі мэтад.

    Спадзяюся, зразумела патлумачыў
  • Ёрк
    02.10.2024
    Acab, Дзяржаўныя плянавікі шкодзяць людзкой гаспадарчай дзейнасьці, а Acabаўцы сваёй крытыкай формы легітымізуюць ў вачох непаглыбленае ў тэму публікі іхі мэтад. Спадзяюся, зразумела патлумачыў

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку21

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

Кіроўца маршруткі адмовіўся везці дзіця, якое не мела наяўных грошай. Ці меў ён рацыю?2

У Сенненскім раёне прадаюць з аўкцыёна старадаўнюю паштовую станцыю1

У Тураве збіраюцца за два мільёны рэканструяваць невялікі мост цераз канал

Ракетам «Пэтрыёт» нестае спецыяльнай віскозы: нечаканы дэфіцыт на сусветным рынку1

Зяленскі: Для ўдару па Крымскім мосце мы прымянялі толькі ўласную зброю6

Беларус паўнавартасна паабедаў у рэстаране ўсяго за 4 рублі. Дзе такое месца?3

Сі не дазволіў Пуціну стаць побач з сабой і Трампам на агульным фота саміта АЦЭС26

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку21

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць