Вайна33

Зяленскі адказаў на заклік адміністрацыі Байдэна зменшыць мабілізацыйны ўзрост да 18 гадоў

Паводле слоў прэзідэнта Украіны, праблема палягае не ў недахопе вайскоўцаў, а ў дэфіцыце зброі і тэхнікі для іх.

Фота: Офіс прэзідэнта Украіны

Уладзімір Зяленскі заявіў, што ўкраінская ўлада звярталася да саюзнікаў з просьбай аб поўным аснашчэнні 10 вайсковых брыгад для супрацьстаяння расійскім акупантам. Аднак у выніку цалкам укамплектаваныя былі толькі дзве з паловай брыгады, піша УНІАН.

У інтэрв'ю брытанскаму тэлеканалу Sky News кіраўнік Украіны падкрэсліў, што ключавая праблема заключаецца не ў недахопе вайскоўцаў, а ў дэфіцыце зброі і тэхнікі для іх.

«Яны кажуць аб мабілізацыі, але рэальная праблема заключаецца ў 10 брыгадах, якія нашы партнёры не аснасцілі. Я прасіў пра гэта больш за год таму. Мы дамовіліся са Злучанымі Штатамі і еўрапейскімі саюзнікамі, і на сёння Еўропа і ЗША цалкам аснасцілі толькі дзве з паловай брыгады», — растлумачыў прэзідэнт Украіны.

Паводле яго слоў, такія вынікі звязаны з бюракратыяй, адсутнасцю прыярытэту ў некаторых партнёраў і іншымі фактарамі, якія часта ўзнікаюць падчас вайны.

«Хтосьці спытаў мяне аб мабілізацыі, і я адказаў: вы хочаце, каб людзі ішлі на смерць без зброі?»,— абурыўся Зяленскі.

Кіраўнік дзяржавы дадаў, што Украіна прымае рашэнне аб колькасці свайго войска, зыходзячы з неабходнасці Захаваць як мага больш жыццяў.

«Калі ў еўрапейскіх або амерыканскіх чыноўнікаў ёсць ідэі адносна ўзросту мабілізацыі, я хачу папрасіць нашых партнёраў рабіць сваю справу, а мы будзем рабіць сваю», — падсумаваў Зяленскі.

Згодна з Законам «Аб вайсковым абавязку і вайсковай службе», цяпер 18-гадовыя мужчыны могуць далучацца да арміі толькі па ўласным жаданні.

Аднак, па даных заходніх СМІ, адміністрацыя прэзідэнта Злучаных Штатаў Амерыкі Джо Байдэна аказвае ціск на Украіну, заклікаючы знізіць мабілізацыйны ўзрост да 18 гадоў.

Старшы лейтэнант, афіцэр секцыі аператыўнага планавання з боем батальёна Свабода Андрэй Крывушчанка падкрэсліў, што нельга адправіць на фронт усю нацыю, паколькі сутнасць барацьбы Украіны заключаецца не толькі ў тым, каб не губляць тэрыторыі.

Каментары3

  • Filipp
    30.11.2024
    Гэта смешна, канешне не хапае людзей на фронце, а зброя сама ня страляе .
  • Andrew
    30.11.2024
    [Рэд. выдалена]
  • Лоль!
    01.12.2024
    Все прэтензіі к партнерам! Не оснастили, не дали, не додали…..
    Нет, братья кролики! Партнеры одни днем психанут и пошлют вас.

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал5

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

У Гродне анансавалі стварэнне новага жылога квартала

У пасажыра на станцыі метро знайшлі самаробны меч для гістарычных баёў. Цяпер яго будуць судзіць7

Z-блогер, які марыў забіць усіх украінцаў, загінуў сам12

Відэагульню, створаную беларусамі, намінавалі на прэмію The Game Awards

Алімпійскі чэмпіён Антон Кушнір стаў падзарабляць відэавіншаваннямі1

Прызналі «экстрэмісцкім» спартыўны чат «Волейбол в Минске»

Від на Каложскую царкву безнадзейна сапсаваны52

Папулярная крама ў Польшчы прызналася, што гандлявала няякаснымі прэзерватывамі4

Кіроўца маршруткі адмовіўся везці дзіця, якое не мела наяўных грошай. Ці меў ён рацыю?2

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал5

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць