Грамадства22

Беларуска вельмі хацела ў Парыж. Ёй давялося падаваць дакументы на візу пяць разоў за год

Доўгая гісторыя з атрыманнем шэнгенскай візы для Крысціны пачалася яшчэ ў лютым. Тады разам з сястрой яна пачала марыць пра паездку ў Парыж. Да гэтага дзяўчына ні разу не адкрывала шэнгенскую візу, таму шлях да яе атрымання аказаўся няпростым. 

— Першы раз мы падаваліся ў Брэсце ў Польскім візавым цэнтры. Адмову атрымалі стандартную — «недастаткова падстаў». Было тры варыянты: падаць апеляцыю, змяніць пашпарт ці запісацца ў іншы візавы цэнтр. Выбралі трэці — на гэты раз у Гродна, падаваліся ў канцы сакавіка. Сястры пашчасціла: ёй візу далі, а мне зноў адмовілі, — распавяла яна Onliner.

Крысціна не збіралася здавацца і падала апеляцыю ў консульства — і гэта таксама не спрацавала. Тады дзяўчына ўсё ж вырашыла змяніць пашпарт і паспрабаваць яшчэ раз у Польскім візавым цэнтры. Пакуль рыхтавалі дакументы, абставіны паспелі змяніцца.

— Мой сын займаецца ў мадэльнай школе. У жніўні нам паступіла прапанова ўзяць удзел у фестывалі менавіта ў Парыжы. І даты якраз супадалі з днём народзінаў сястры. Усе карты склаліся, як трэба! І я вырашыла паспрабаваць: адправіла сына на адбор, які ён паспяхова прайшоў, — заставалася толькі чакаць, калі можна будзе падаваць дакументы.

Яшчэ да ўсёй эпапеі з візамі Крысціна разам з сям’ёй планавала ў верасні паляцець адпачываць у Дубай. Але з улікам новых абставін вырашыла выбраць Парыж.

— Сястра адцягвала з квіткамі ў Парыж да апошняга, чакала пацверджання нашай паездкі. Выкупіла іх толькі за два тыдні да патрэбных дат.

І літаральна на наступны дзень мне прыйшло паведамленне, што нямецкае консульства адмаўляе ў візах усяму калектыву. У выніку і ў Дубай мы не паляцелі, і сястра адправілася ў Парыж без мяне.

Але і на гэтым этапе Крысціна не збіралася кінуць спробу атрымаць візу — хоць і пасля слёз. У той жа дзень яна напісала ў агенцтва з пытаннем, які варыянт падачы будзе самым хуткім. І дакладна вырашыла: гэтая спроба дакладна будзе апошняй — віза ў сястры заканчваецца ў сакавіку, таму гэта быў апошні шанец паспець паляцець у Еўропу разам у найбліжэйшы час.

— Мы з агенцтвам вырашылі падацца на іспанскую візу. Я аплаціла тэрміновую падачу: гэта азначае запіс на працягу двух тыдняў, калі ў любы момант могуць патэлефанаваць і сказаць быць гатовай заўтра. Мне пашанцавала праз 4 дні.

Свой пашпарт Крысціна чакала 3 тыдні. Забрала і… убачыла тую самую доўгачаканую візу. Далі яе нават на крыху большы тэрмін, чым яна прасіла, — на 30 дзён. Дарэчы, агенцтва дзяўчына не змяняла цэлы год і выказвае спецыялістам толькі падзяку за тое, што яны прайшлі з ёй увесь шлях да канца. На пытанне, якая сума пайшла на ўсё, Крысціна ўсміхаецца.

— Не падлічвала і не буду. Але думаю, яшчэ адну рынапластыку спакойна можна было б зрабіць (нядаўна дзяўчына перанесла аперацыю). Для мяне гэта ўсё вымяраецца не ў грашах, а ў тым, колькі сіл, маральных і фізічных, я аддала.

У перадсвяточнай мітусні саму паездку Крысціна яшчэ не паспела спланаваць. Але збіраецца заняцца гэтым адразу пасля святаў: вырашаць трэба хутка — тэрмін дзеяння візы ўсё ж значна абмежаваны.

Каментары2

  • Гадя
    31.12.2024
    Она рекламирует это агентство, поэтому может хоть десять раз подаваться с их помощью на визу. Во-вторых, это каким нужно быть т. блогером, чтобы выкладывать всю информацию о подаче. Ей в следующий раз вообще все посольства откажут из-за того, что виза испанская а поедет она по ней в Париж. К тому же она еще получила визу с использованием услуг от барыг-посредников, которых она так усердно рекламирует.
  • Беларус
    31.12.2024
    [Рэд. выдалена]

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

19‑гадовы берасцеец Андрэй ліквідаваны пад Курдзюмаўкай22

Украіна нанесла ўдар па штабе арміі ў Бярдзянску. Загінулі сямёра вайскоўцаў, у тым ліку сын генерала3

Выжыць на 1500 рублёў? Некаторыя мінчане кажуць, што гэта рэальна11

Эстонія з 1 снежня закрывае мяжу з Расіяй4

У Мінску прадаюць «Жыгулі» з маторам на 300 сіл2

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты5

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць