Грамадства

На беларуска-польскай мяжы ў чатыры разы менш сталі выяўляць кантрабандныя цыгарэты

У 2024 годзе памежная служба Польшчы выявіла на мяжы з Беларуссю ў два разы менш кантрабандных тавараў, чым у 2023 годзе, вынікае са статыстыкі ведамства. Усяго ўдалося спыніць увоз і вываз прадукцыі нелегальнага паходжання на суму 15,5 млн злотых (каля 3,7 млн даляраў), піша Most.

Фота ілюстрацыйнае

Мацней за ўсё скараціўся нелегальны ўвоз цыгарэт. Коштавы аб'ём выяўленай кантрабанды паменшыўся амаль у чатыры разы — з 24,5 млн злотых (каля 6 млн даляраў) да 6,3 млн (каля 1,5 млн). На 35% зменшыўся коштавы аб'ём выяўленага кантрабанднага тытуню — з 38,2 тыс. злотых (каля 9,2 тыс. даляраў) да 25 тыс. (каля 6 тыс.).

Кантрабанда алкаголю таксама скарацілася больш чым у чатыры разы — з 10,1 тыс. злотых (каля 2,4 тыс. даляраў) да 2,5 тыс. (каля 600 даляраў).

Тым не менш, нелегальны вываз у Беларусь праз польска-беларускую мяжу захоўваецца. Напрыклад, перамяшчэнне транспартных сродкаў з парушэннем закона нават павялічылася. За мінулы год на мяжы было затрымана 46 транспартных сродкаў, а ў 2023 годзе — 44. Іх агульны кошт вырас на 63% — з 5,4 млн злотых (каля 1,3 млн даляраў) да 8,8 млн (каля 2,1 млн).

Як правіла, гаворка ідзе пра машыны, якія былі ўкрадзеныя ў краінах ЕС. Часта ім перабіваюць VIN-нумары і падрабляюць дакументы. Часам злачынцы усталёўваюць рухавікі з украдзеных транспартных сродкаў на іншыя.

Нелегальнае перамяшчэнне праз беларуска-польскую мяжу ў абодвух напрамках іншых тавараў знізілася з 649,7 тыс. злотых (каля 157,1 даляра) да 389,1 тыс. (каля 94,1), або на 40%.

Раней стала вядома, што падобныя працэсы змяншэння аб'ёму выяўленай кантрабанды назіраюцца і на беларуска-літоўскай мяжы.

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

У Мінску прадаюць «Жыгулі» з маторам на 300 сіл2

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва69

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць