Свет66

У Беларусь прыляцеў галоўнакамандуючы Лівійскай нацыянальнай арміі з сынам і генераламі

З візітам у Мінск 17 лютага прыбыў Вярхоўны галоўнакамандуючы Лівійскай нацыянальнай арміі Халіфа Белкасім Хафтар, паведаміла БелТА. Яго ў аэрапорце сустрэў старшыня КДБ Іван Церцель.

Іван Церцель сустракае Халіфу Хафтара ў аэрапорце. Фота: БелТА

З паведамлення прэс-службы Лівійскай нацыянальнай арміі стала вядома таксама, што Халіфу Хафтара суправаджаюць ягоны сын генерал-лейтэнант Садам Хафтар, начальнік штаба сухапутных войскаў, кіраўнік канцылярыі Халіфы Хафтара генерал-лейтэнант Аюб Бусейф і генерал-маёр Басім аль-Буайшы.

Госці з Лівіі. Фота: Лівійская нацыянальная армія

Афіцыйнай мэтай візіту ўсіх гэтых генералаў заяўлена ўзаемадзеянне Лівіі і Беларусі ў гуманітарнай і сацыяльнай сферах, а таксама эканамічнае супрацоўніцтва.

Аднак жа, мяркуючы па чыста вайсковым складзе дэлегацыі, можна меркаваць, што найхутчэй гаворка пойдзе пра пастаўкі ў Лівію зброі і супрацоўніцтва ў іншых падобных сферах, што Беларусь практыкуе даўно. У кастрычніку мінулага года, дарэчы, у Мінск ужо прыязджаў Садам Хафтар, які ўваходзіць у склад лівійскай дэлегацыі і цяпер. 

Падчас сустрэчы ў аэрапорце. Фота: Лівійская нацыянальная армія

У Лівіі цяпер ідзе грамадзянская вайна і цэнтральны ўрад у Трыпалі не кантралюе большую частку тэрыторыі краіны. На непадкантрольнай тэрыторыі акурат валадарыць Лівійская нацыянальная армія на чале з Халіфой Хафтарам, таму ён з'яўляецца не проста военачальнікам, а фактычна правіцелем гэтай тэрыторыі.

Хафтар мае цесныя сувязі з прэзідэнтам Расіі Уладзімірам Пуціным, і менавіта ў Лівію, на кантраляваную ім тэрыторыю цяпер пераводзяцца войскі з вайсковых баз у Сірыі, якім стала там не вельмі ўтульна пасля зрынання рэжыму Башара Асада ў канцы мінулага года. 

Каментары6

  • Барадзед
    18.02.2025
    Они ещё и белорусский самолёт за ним отправили.
  • Барадзед
    18.02.2025
    Сброд.
  • Хто на што вучыўся
    18.02.2025
    Гэбэшная шалупонь сустракае "сяброў" з краін трэцяга гатунку.

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Заплацілі, каб змерзнуць на стадыёне. Фанаты «Сэлтыка» сабралі 90 тысяч еўра за адну ноч1

Віцебскі вядучы, на якога данеслі за жарт на закрытым мерапрыемстве, расказаў, чым усё скончылася4

Севярынец: Ціханоўскі перайшоў чырвоную рысу. Не ганьбі мужчынаў і беларусаў. Вяртайся60

Былога супрацоўніка КДБ з польскім грамадзянствам асудзілі да 14 гадоў9

Вызначыўся супернік зборнай Беларусі ў стыкавым матчы Лігі нацый5

19‑гадовы берасцеец Андрэй ліквідаваны пад Курдзюмаўкай22

Украіна нанесла ўдар па штабе арміі ў Бярдзянску. Загінулі сямёра вайскоўцаў, у тым ліку сын генерала3

Выжыць на 1500 рублёў? Некаторыя мінчане кажуць, што гэта рэальна11

Эстонія з 1 снежня закрывае мяжу з Расіяй4

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць