Грамадства11

Лівійская дэлегацыя абмяркоўвала ў Мінску ўзмацненне ВПС і мадэрнізацыю вайскова-марской базы ў Табруку

Візіт фельдмаршала Лівійскай нацыянальнай арміі (ЛНА) Халіфы Хафтара і ягоных сыноў Садама і Халеда быў накіраваны на ўмацаванне сувязяў з Мінскам у вайсковай сферы, піша Reform.news са спасылкай на Agenzia Nova.

Госці з Лівіі ў Мінску. Скрыншот з відэа

«Асноўнай мэтай [візіту] з'яўляецца ўзмацненне вайскова-паветраных сіл ЛНА, уключаючы тэхнічнае абслугоўванне і мадэрнізацыю расійскіх знішчальнікаў МіГ-29. У дадатак да паставак запчастак абмяркоўвалася падрыхтоўка лівійскіх пілотаў і развіццё кібербяспекі», — паведамляе выданне.

Крыніцы таксама звяртаюць увагу на яшчэ адну тэму абмеркаванняў: пытанне мадэрнізацыі вайскова-марскіх баз на ўсходзе Лівіі, уключаючы стратэгічна важны вайсковы аб'ект у Табруку. Гэты комплекс, размешчаны паблізу горада Камінес, за 60 кіламетрах ад Бенгазі, займае тэрыторыю больш за 5400 гектараў і ўключае авіябазу, марскі порт, навучальныя цэнтры і жылыя зоны для вайскоўцаў.

Пры гэтым афіцыйнай мэтай візіту, які пачаўся 17 лютага, пазначалася узаемадзеянне Лівіі і Беларусі ў гуманітарнай і сацыяльнай сферах, а таксама эканамічнае супрацоўніцтва.

Пра вайсковую тэматыку перамоў сведчыла сустрэча начальніка штаба сухапутных войскаў ЛНА генерал-лейтэнанта Садама Хафтара з міністрам абароны Беларусі Віктарам Хрэніным 18 лютага.

«Міністр абароны Беларусі высока ацаніў ролю ЛНА ў падтрыманні бяспекі і стабільнасці ў Лівіі, адзначыўшы, што стабільнасць Лівіі з'яўляецца ключавым фактарам стабільнасці рэгіёну», — паведаміла прэс-служба ЛНА.

У Лівіі цяпер ідзе грамадзянская вайна і цэнтральны ўрад у Трыпалі не кантралюе большую частку тэрыторыі краіны. На непадкантрольнай тэрыторыі акурат валадарыць Лівійская нацыянальная армія на чале з Халіфой Хафтарам, таму ён з'яўляецца не проста военачальнікам, а фактычна правіцелем гэтай тэрыторыі.

Хафтар мае цесныя сувязі з прэзідэнтам Расіі Уладзімірам Пуціным, і менавіта ў Лівію, на кантраляваную ім тэрыторыю цяпер пераводзяцца войскі з вайсковых баз у Сірыі, якім стала там не вельмі ўтульна пасля зрынання рэжыму Башара Асада ў канцы мінулага года. Ва ўсходняй частцы Лівіі Расія спрабуе пашырыць авіябазу Аль-Хадым і стварыць вайскова-марскую базу ў Табруку.

Каментары1

  • Барадзед
    21.02.2025
    Цепляются за Африку руками и ногами, чтобы их не выгнали оттуда.

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Заплацілі, каб змерзнуць на стадыёне. Фанаты «Сэлтыка» сабралі 90 тысяч еўра за адну ноч1

Віцебскі вядучы, на якога данеслі за жарт на закрытым мерапрыемстве, расказаў, чым усё скончылася4

Севярынец: Ціханоўскі перайшоў чырвоную рысу. Не ганьбі мужчынаў і беларусаў. Вяртайся60

Былога супрацоўніка КДБ з польскім грамадзянствам асудзілі да 14 гадоў9

Вызначыўся супернік зборнай Беларусі ў стыкавым матчы Лігі нацый5

19‑гадовы берасцеец Андрэй ліквідаваны пад Курдзюмаўкай22

Украіна нанесла ўдар па штабе арміі ў Бярдзянску. Загінулі сямёра вайскоўцаў, у тым ліку сын генерала3

Выжыць на 1500 рублёў? Некаторыя мінчане кажуць, што гэта рэальна11

Эстонія з 1 снежня закрывае мяжу з Расіяй4

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць