Грамадства1010

Сям’я беларусаў аказалася ў двух розных асяродках эміграцыі. Муж не можа трапіць да жонкі ў Грузію, а яна — атрымаць візу да яго ў Польшчу

Мікалай і Таццяна (імёны зменены) — беларусы з польскімі каранямі. Яны выхоўваюць двух дзяцей. Вось толькі робяць гэта паасобку. Мікалай са старэйшай дачкой цяпер у Польшчы, а Таццяна з малодшай — у Грузіі. Аб’яднацца яны не могуць. Жанчына не можа атрымаць у Грузіі польскую візу, а мужчына не можа паехаць у Грузію. Як так атрымалася, Мікалай распавёў Most.

Ілюстрацыйнае фота

Сям’я пакінула Беларусь з-за рызыкі пераследу Мікалая за палітыку. Спачатку яны жылі ў Грузіі. Але калі ў 2024 годзе там узрос уплыў Расіі, у беларускіх актывістаў з’явіліся праблемы і ў гэтай краіне.

З таго часу Мікалай разам са старэйшай дачкой жыве ў Польшчы. У яго польскія карані, па карце паляка ён без цяжкасцей атрымліваў польскую візу, а ў 2025 годзе падаў дакументы на пастаянны ДНЖ — цяпер яго справа разглядаецца.

У Таццяны таксама ёсць карта паляка. І раней яна таксама без цяжкасцей атрымлівала візы. Таму пара меркавала, што ў гэтым годзе жанчына вырашыць справы ў Грузіі (за час жыцця ў гэтай краіне яна знайшла там працу), а потым разам з малодшай пераедзе ў Польшчу да Мікалая і старэйшай дачкі. У сакавіку 2025 года яны нават прыязджалі ненадоўга ў Польшчу — пабывалі ўсе разам. Канчатковы пераезд запланавалі на гэта лета.

Але для гэтага маме з дачкой трэба было атрымаць новыя візы. Паколькі вяртацца ў Беларусь Таццяна не хоча з меркаванняў бяспекі, яна мела намер звярнуцца ў консульства Польшчы ў Тбілісі. Доўгае пражыванне ў Грузіі дае на гэта права.

«Дзіця накіравалі атрымліваць візу ў Беларусь»

У маі яна ўпершыню пайшла ў консульства з усімі дакументамі, у тым ліку картай паляка і дамовай арэнды, якая пацвярджае, што яны жывуць у Грузіі. Але супрацоўнікі запатрабавалі дадатковыя паперы. Па-першае, пацвярджэнне працы Мікалая ў Польшчы. Па-другое, ён павінен быў аформіць у натарыуса дазвол на выезд дзіцяці за мяжу.

Усё гэта Мікалай падрыхтаваў і перадаў жонцы ў Грузію. Да справы далучылі дакументы, што пацвярджаюць прычыну, з-за якой Мікалай не можа вярнуцца на радзіму і жыве ў Польшчы.

У ліпені Таццяна зноў пайшла ў консульства. Але зноў безвынікова. Аказалася, што польскі натарыус, афармляючы дазвол для дачкі, указала ў дакуменце пашпартныя даныя, у тым ліку беларускую рэгістрацыю.

— І дзіця накіравалі атрымліваць візу ў Беларусь, — распавядае Мікалай. Відаць, консульства палічыла, што там дзяўчынка пастаянна пражывае.

Акрамя таго, паводле яго слоў, жонцы сказалі, што ад моманту вяртання з Польшчы да падачы дакументаў на візу павінна прайсці шэсць месяцаў. Аператыўна знайсці пацвярджэнне такому патрабаванню не ўдалося.

Новы план: дачка пойдзе ў школу за 25 кіламетраў ад дома

Цяпер сям’я рыхтуе новы план, як аб’яднацца. Па-першае, Мікалай мае намер зрабіць у натарыуса новы дазвол — на гэты раз без указання беларускай рэгістрацыі. Па-другое, малодшую дачку пара запісала ў дзяржаўную школу.

— Праўда, бліжэйшую школу з рускім сектарам (рускай мовай), дзе яе былі гатовыя прыняць, удалося знайсці толькі за 25 кіламетраў ад дому, — не хавае засмучэння Мікалай.

Але затое так удасца пацвердзіць, што дзяўчынка пастаянна жыве ў Грузіі. На гэтым падставе Таццяна разлічвае атрымаць ДНЖ у Грузіі для сябе і дачкі — заявы звычайна разглядаюцца ад аднаго да некалькіх месяцаў. І ўжо з грузінскім ДНЖ у польскага консульства дакладна не будзе падстаў накіроўваць беларусак на радзіму па польскую візу.

Наступную спробу атрымаць візу запланавалі на верасень.

Каментары10

  • Indrid Cold
    30.07.2025
    Чарговы раз Мост расказвве дрэннае пра Польшчу. Хай нешта добрае раскажа ;)
  • Политзек
    30.07.2025
    Пишите Тихановским,помогут Вам!
  • I
    30.07.2025
    Гэта тожэ харошы беларус: “Праўда, бліжэйшую школу з рускім сектарам (рускай мовай), дзе яе былі гатовыя прыняць, удалося знайсці толькі за 25 кіламетраў ад дому, — не хавае засмучэння Мікалай.”
    Сям’я з’ехала з Беларусі з-за рускіх парадкаў там, а ён ўсё адно цягне дзіця ў расейскую школу за 25 км ад дому, каб вучыць дзіця Пушкіну🤦🏼🤦🏼🤦🏼🤦🏼
    Такія, як ён не выпраўляльныя. Нашто дзіцяці руская мова, калі яно будзе жыць
    У Польшчы або іншай заходняеўрапейскай краіне?

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю17

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

Заплацілі, каб змерзнуць на стадыёне. Фанаты «Сэлтыка» сабралі 90 тысяч еўра за адну ноч1

Віцебскі вядучы, на якога данеслі за жарт на закрытым мерапрыемстве, расказаў, чым усё скончылася4

Севярынец: Ціханоўскі перайшоў чырвоную рысу. Не ганьбі мужчынаў і беларусаў. Вяртайся63

Былога супрацоўніка КДБ з польскім грамадзянствам асудзілі да 14 гадоў9

Вызначыўся супернік зборнай Беларусі ў стыкавым матчы Лігі нацый5

19‑гадовы берасцеец Андрэй ліквідаваны пад Курдзюмаўкай24

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю17

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць