Грамадства1616

«Дудзя глядзеў? А Дудзь — шпіён». Беларусы расказалі, як цяпер праходзяць праверкі тэлефонаў і апытанні на мяжы

Пры вяртанні ў краіну беларусаў і іншаземцаў працягваюць ідэалагічна правяраць на мяжы. «Медыязона» маніторыць чаты па перасячэнні мяжы і расказвае пра тое, як такія праверкі праходзілі месяц таму.

Фота ілюстрацыйнае

«Зрабілі скрыншот экрана, і ў іх высвяціліся штрых-коды»

Як пішуць карыстальнікі, падставай для дадатковай праверкі пры вяртанні ў Беларусь можа стаць доўгая адсутнасць у краіне, украінскі пашпарт, знаходжанне чалавека ў базе «БЕСпарадкі» — праз «адміністрацыйку» паводле пратэсных артыкулаў.

Адна з удзельніц чата расказала, што жыве за мяжой больш за 20 гадоў, некалькі гадоў не прыязджала ў Беларусь. На мяжы яна трапіла на праверку.

«Размова прайшла хутка: адвялі ўбок і задалі некалькі пытанняў. Чаму так доўга не прыязджала, дзе была і гэтак далей. Я жыву ў ЕС і прыязджаю рэдка. Тэлефон глядзелі, але сацсеткі не правяралі. Адкрылі дадатак з тэлефоннай кнігай, нейкім апаратам зрабілі нешта кшталту скрыншота майго экрана тэлефона і ў іх высвеціліся штрых-коды. Пасля гэтага спыталі, у якіх сацсетках я зарэгістраваная. Я адказала, што ў інсце, тэлеграме, ютубе. Сама прапанавала паглядзець, калі цікава. Супрацоўнік, які са мной камунікаваў, глядзець не стаў, аддаў тэлефон. Камунікацыя заняла не больш за 3 хвіліны».

Мяркуючы па паведамленнях у чатах, пытанні могуць узнікнуць з-за сваякоў за мяжой або «падазроных» сяброў у сацыяльных сетках.

«У сяброўкі праверылі тэлефон, спыталіся пра сына (адразу па нумары вызначылі, што ў Амерыцы). Тон гутаркі быў задзірлівы».

«У ідэале выйсці з «падазроных» груп, выдаліць з сяброў людзей, якія «супраць» [улады]. У мяне ўзялі тэлефон і я бачыў, што глядзелі кантакты, фатаграфіі, вайбер, ватсап, УКантакце. У хлопца з аўтобуса знайшлі нейкую перапіску за 2020 год і далі «даведку», каб ён па прыездзе дадому кудысьці схадзіў. Цікавіліся, дзе жыву ў Польшчы, кім і дзе працую», — дзеліцца досведам адзін з удзельнікаў чатаў.

«Дудзя глядзеў? А Дудзь — шпіён»

Пры праверцы тэлефонаў сілавікоў, сярод іншага, цікавяць лайкі і падпіскі ў сацыяльных сетках. «Экстрэмісцкі» лайк — нагода выклікаць нарад міліцыі і адправіць вас у РАУС «разбірацца». Далей можа быць змяшчэнне ў ІЧУ, суд, суткі і штраф.

У спісе «экстрэмісцкіх» матэрыялаў тысячы пазіцый, таму нешта лайкнуць, не надаўшы гэтаму значэння, лёгка. Людзі раяць старанна рыхтавацца да праверак.

«Рыхтуйце свае тэлефоны на праверку. Усе вашыя лайкі ў сацсетках будуць прааналізаваныя».

«100 разоў усё перагледзьце — правяраюць сацсеткі, лайкі. Я чула, нават выдаленыя».

«За лайк можна ў ізалятар загрымець. Вы можаце быць і не ў курсе, што лайкнулі кагосьці тры гады таму, а ён цяпер экстрэміст. І ўсё, паедзеце на суткі. Гэта рэальныя выпадкі і не адзін. Дудзя глядзеў? А Дудзь — шпіён. У выніку якраз да вячэры з макаронай паспяваеце».

«Прыбярыце ўкраінскія сайты і нумары тэлефонаў»

Асаблівую ўвагу надаюць украінцам — пры ўездзе ў Беларусь іх дакладна выклічуць на размову, пра гэта таксама пішуць у чатах аб перасячэнні мяжы. «Чакаем украінцаў» — частае паведамленне там.

Людзі з украінскім пашпартамі расказваюць пра свой вопыт праходжання праверак:

«Прыбярыце ўсе ўкраінскія сайты і нумары тэлефонаў. Прыбярыце фота з сімволікай, каб нічога не было пра падзеі сённяшнія. Пытаюцца ўсё. Пра дзяцей могуць спытаць, дзе працуюць, служаць. Лепш казаць праўду — у іх усё ёсць. Калі вы едзеце ў Расію, у вас павінен быць квіток на самалёт да Шарамеццева, інакш вас не прапусцяць, калі няма расійскага пашпарта (другога)».

Карыстальнікі ў чатах, бывае, спрачаюцца пра праверкі — пра тое, што сілавікі могуць «падкінуць» вам падпіску.

«Пры праверцы тэлефона хутка і незаўважна падпісаць вас на які-небудзь гаўнаканал не складае цяжкасці. Але гэта будзе выглядаць подленька. Гэта малаверагодна, але калі чалавек мроіць пра чарговую зорачку на пагонах…»

«Усе іншаземцы праходзяць праверку з супрацоўнікам КДБ: тэлефон цалкам — сацсеткі, галерэя, лайкі, падпіскі, кантакты — дасканала. І няма такога паняцця «супакоіліся». Гэта (іх) праца».

Каментары16

  • Гайкі круцяцца паўсюль
    06.08.2025
    Справядлівасці кажучы, праверкі на мяжы гэта стала цяпер распаўсюдная з'ява ва ўсім свеце. Таму мануалы як абараніць сабе і сваю прыватнасць цяпер ўжо даволі часта сустракаюцца і ў замежным сегменце інтэрнэту. І не толькі ў ЗША пасля Трампа, А вось напрыклад чытаў як ў Ванкуверы (Канада) трымалі 6 гадзін па вяртанні з Шанхаю таму што адмаўляліся верыць ў тое што чалавек не карыстаецца смартфонам.
  • Парада
    06.08.2025
    Пасля як тэлефон пабываў ў іншых руках, важна абавязкова скінуць яго да Завадскіх налад. Ды завяршыць усе сеансы ў мэссенджэрах.
  • А я, вообще, авно русское не смотрю
    06.08.2025
    Дудь- "уюдь. Я русское авно, вообще, не смотрю! Может иногда Инстасамку. Но она красивенькая девочка, а красивенькие девочки не бывают шпионами. Шпион мужского рода. Чо, чушпан, срезал! У товарища челюсть вниз. Оппа, ему саечку. Мол, не зевай, солдат! Держи сигарету. Пади, хороших сигарет и не видишь, все авно русское дают... Ну, давай, не хварай. Держи хвост пистолетом, а голову в холоде..
    За телефон и был таков.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

У Мінску прадаюць «Жыгулі» з маторам на 300 сіл2

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва69

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць