Ежа88

Чатырохгадовая беларуска са спісу Forbes «30 да 30» зрабіла агляд беларускіх страў і ў чарговы раз скарыла інстаграм

Менш чым за суткі відэа, у якім юная лэдзі Ева Карпікаў каштуе стравы беларускай кухні і каментуе іх, набрала 1,2 мільёна праглядаў. Глядзіце асцярожна: узровень мілаты ў роліку блізкі да крытычнага.

Ева Карпікаў. Скрыншот відэа ў тыктоку

Еве Карпікаў не споўнілася яшчэ нават і пяці гадоў. Але гэта не перашкодзіла дзяўчынцы сёлета трапіць у спіс Forbes самых перспектыўных блогераў. На яе блог у інстаграме, які вядзе мама, падпісана ўжо 1,2 мільёна чалавек. У тыктоку падпісчыкаў яшчэ больш — 2,1 мільёна.

Мама Евы з расійскага Уралу, бацька — з беларускага Іўя. Але пазнаёміліся маладыя людзі ў Дубаі: бацька Астах жыў там з 17 гадоў, а мама Анастасія прыляцела туды працаваць у музычнай школе настаўніцай. Калі каханай трэба было вярнуцца на радзіму, Астах паляцеў за ёй — два гады маладая сям’я жыла ў Екацярынбургу. Але як толькі беларус атрымаў прапанову зноў працаваць у Дубаі, муж з жонкай з радасцю вярнуліся туды.

Пра тое, што дачку заўважыў Forbes, бацькі даведаліся са СМІ. Але ж праз гэта сям’я сутыкнулася і з хэйтам: шмат хто паспеў дадумаць прыбыткі ў мільёны даляраў. Анастасія ж кажа, што яны самая звычайная сям’я без пантоў і віл — і нават машына ў іх у крэдыт. А траплянне ў спіс Forbes сведчыць толькі пра тое, што яны ствараюць цікавы кантэнт.

Шчырасць і непасрэднасць Евы заваёўвае сэрцы. Не прайшло і сутак, а новае відэа, у якім юная лэдзі частуецца стравамі беларускай кухні і каментуе іх, набрала больш за 1,2 мільёна праглядаў.

Адразу ёй прапанавалі дранікі — іх маленькая блогерка ела з апетытам.

— Першая страва проста шыкоўная! Можа, тут бульба такая смачная? Гэта я на мульцік пакіну, са смятанкай.

А вось халаднік энтузіязму не выклікаў. Ева зморшчылася, але лыжачку з’есці пагадзілася. Адзнаку дала тактоўную: «Не маё гэта».

@karpikaufamily

Ева пробует белорусскую кухню

♬ оригинальный звук - KarpikauFamily

Бярозавы сок быў рэабілітаваны:

— Я ж раней піла і мне не спадабалася. Можа, іншая бяроза?

Клёцкі атрымалі шчыры камплімент: «Ажно за вушамі трашчыць». А вось з калдунамі дзяўчынка не змагла вызначыцца — падабаюцца яны ёй ці не, але настойліва сказала тату: «Вынось!».

Калі Ева піла Лідскі квас, у яе быў такі выраз твару, што стала адразу зразумела: наўрад ці яна сама калі папросіць у бацькоў набыць гэты напой.

Затое бабка сапраўды скарыла фудблогерку:

— Ммм, вось гэта смачненька. Яшчэ раз укушу! Нават слоў няма.

Паляндвіцу Ева таксама адобрыла, а пальцам піханая каўбаса выклікалі пытанні:

— Чым піханая? Якім пальцам? Тваім? Божа мой.

У выніку крытыкеса прызнала, што вельмі смачна.

Беларусы ў каментарыях пішуць дзяўчынцы словы захаплення і замілоўваюцца.

У сторыс мама паказала кадры, які не ўвайшлі ў фінальнае відэа. Там Ева дзякуе тату на беларускай. «Урокі бабулі па беларускай мове не прайшлі дарма», — напісала маці.

Каментары8

  • Нефанатка
    02.10.2025
    Вот ее я фанатка! Чудесное дитя)
  • Сонейка
    02.10.2025
    Якая цудоўная сям'я❤️
  • Антось
    03.10.2025
    Малайцы, дзяўчына цудоўна валодае мовай нашых нішчыцеляў і акупантаў!

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю33

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

Пад Барысавам упалявалі першую ў гэтым сезоне рысь2

Аналітыка Вольгу Харламаву асудзілі на 10 гадоў калоніі6

Беларусы масава бяруць ільготныя крэдыты пад 4%1

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

Заплацілі, каб змерзнуць на стадыёне. Фанаты «Сэлтыка» сабралі 90 тысяч еўра за адну ноч1

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю33

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць