Ежа22

Чым кормяць у рэстаране нетрадыцыйнай беларускай кухні?

У меню новага мінскага рэстарана ёсць медавік з жытнім марозівам і дранікі з тар-тарам з аленя і выразкай.

Фота тут і далей: koko.by

Нядаўна ў Мінску адкрыўся рэстаран нетрадыцыйнай беларускай кухні «Мары». Ён знаходзіцца ў модным дворыку ў Ракаўскім прадмесці і пакуль працуе ў тэставым рэжыме.

Што па цэнах? Закускі там каштуюць ад 10 да 25 рублёў, гарачыя стравы — па 60.

У рэстаране высокія столі і мінімалістычны інтэр'ер у шэрых адценнях, на сталах — букецікі з рамонкаў, каля канап ікебаны з пшанічных каласоў.

Блогер Какабай расказвае пра меню.

Меню рэстарана

Ён замовіў свежы жытні хлеб з хрумсткай скарыначкай і рознымі намазкамі з папрыкі і смальца за 10 рублёў, густы халаднік з бульбай за 20 рублёў.

«Порцыя абавязаная быць разы ў два большай, сэнс эканоміць на кефіры, выпускаючы госця галодным?» — піша блогер.

Салат «Цэзар» на курыным шніцалі ў соусе са шпрот каштуе 27 рублёў. Какабай адзначае, што рэцэпт нагадвае хіпстарскае бістро «Інсэйн».

Вегетарыянскі бешбармак — гэта нарэзанае цеста з белымі грыбамі і лісічкамі ў сметанковым соусе з сырным мусам. Падаюць за 35 рублёў.

«Смачна, цікава, сумленна па порцыі, па-нашаму — прыдатна!» — каментуе Какабай.

Курыны шніцаль са смажаным яйкам і агуркамі ў смятане з валошкамі каштуе 35 рублёў. Выразка з асмаленай бульбай і соусам — 60.

«У пражарку medium rare не трапілі, але выразка аказалася якаснай, рэжацца нажом для масла, што кажа аб добрым жыцці каровы», — ацэньвае блогер.

У меню таксама бульба з марозівам з травамі, качка канфі з морквай, стронга на вуглях, капыткі з белымі грыбамі.

На дэсерт тут ёсць шока-фандан па-Барадзінску з каляндрай і марозівам з белых грыбоў і медавік з жытнім марозівам. Апошні, як піша блогер, у найлепшых традыцыях далікатнага «Кавалачка шчасця» — вядомага мінчукам медавіка.

У меню таксама ёсць кальян.

Пакуль рэстаран працуе ў тэставым рэжыме, то на меню дзейнічае зніжка 20%.

«Калі сцерці з памяці нетрадыцыйную беларускую кухню, то гатаваць еўрапейскую класіку ўмеюць. Паглядзім, які шлях яны выберуць далей, а да тэсту ўсяляк рэкамендую», — напісаў водгук блогер.

Какабай падзяліўся таксама сваімі фаварытамі сярод рэстаранаў сучаснай беларускай кухні — «Бульбашы» і «Літвіны».

Каментары2

  • The Non
    21.07.2025
    Додумались, уже и кухня нетрадиционная. С этим левачеством уже дошли слишком далеко! Только традиционная кухня, только традиционные отношения!
  • Традыцыйны беларус
    22.07.2025
    Бешбармак - гэта, прабачце, з якой кухні? Ардынскай? Я такое нават вымавіць не магу.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць