Свет22

На Чарнобыльскай АЭС папярэдзілі, што абарончы саркафаг можа не вытрымаць новага расійскага ўдару

Дырэктар Чарнобыльскай АЭС Сяргей Тараканаў заявіў, што новы ўдар з боку Расіі можа прывесці да абвалу ўнутранага радыяцыйнага сховішча на тэрыторыі станцыі. Пра гэта ён паведаміў у інтэрв’ю агенцтву AFP, піша France24.com.

Рабочыя ліквідуюць наступствы расійскага налёту. Скрыншот з відэа

Украінскія ўлады з пачатку поўнамаштабнага ўварвання ў 2022 годзе неаднаразова абвінавачвалі Расію ў абстрэлах Чарнобыльскай зоны. Раней у гэтым годзе ў выніку аднаго з удараў была пашкоджаная знешняя абалонка ахоўнага саркафага, пасля чаго МАГАТЭ заявіла, што канструкцыя страціла асноўныя функцыі бяспекі.

Паводле слоў Сяргея Тараканава, поўнае аднаўленне ахоўнага збудавання можа заняць тры—чатыры гады. Ён папярэдзіў, што нават удар ракеты або дрона побач са сховішчам можа выклікаць лакальнае сейсмічнае ўздзеянне, якое пагражае абвалам унутранай канструкцыі. Асаблівую небяспеку, па яго словах, уяўляюць балістычныя ракеты тыпу «Іскандэр», здольныя разбураць умацаваныя аб’екты.

Чарнобыльская АЭС накрытая дзвюма ахоўнымі канструкцыямі: унутраным саркафагам з бетону і сталі, узведзеным адразу пасля аварыі 1986 года, і сучаснай знешняй абалонкай — «Новым бяспечным канфайнментам». У лютым гэтага года расійскі дрон сур’ёзна пашкодзіў дах знешняй канструкцыі, што прывяло да пажару.

Тараканаў адзначыў, што знешні саркафаг часткова страціў свае ключавыя функцыі. Дзірку ад дрона часова закрылі ахоўным экранам, але застаецца яшчэ каля 300 невялікіх адтулін, зробленых падчас тушэння пажару, з якімі таксама нешта трэба рабіць.

МАГАТЭ пасля сваёй праверкі пацвердзіла, што асноўныя апорныя элементы і сістэмы маніторынгу не былі незваротна пашкоджаныя, аднак функцыя ізаляцыі радыяцыі аслабленая. Пры гэтым, па словах дырэктара станцыі, узровень радыяцыі ў Чарнобыльскай зоне застаецца стабільным і ў межах нормы.

У пачатку поўнамаштабнага ўварвання ў лютым 2022 года з тэрыторыі Беларусі расійскія войскі захапілі Чарнобыльскую АЭС, але праз некалькі тыдняў былі вымушаныя пакінуць яе.

Каментары2

  • 1986
    24.12.2025
    Проста нелюдзі і пачвары
  • Ёсік
    24.12.2025
    Лукашэнка, як лічыць Трамп ды яго атачэньне, ты маеш нейкі ўплыў на пуціна. Два старыя дурні, калі што, радыяцыя папрэ на Беларусь, магчыма й на маскву, спыніцеся.

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць