Спорт

НАК вызначыў найлепшых беларускіх спартсменаў і трэнераў 2025 года

24 снежня Нацыянальны алімпійскі камітэт правёў урачыстую цырымонію ўручэння сваіх прэмій спартсменам і трэнерам, прызнаных найлепшымі ў пяці намінацыях. 

Прызнаная найлепшай спартсменкай Беларусі 2025 года Аліна Гарнасько

У намінацыі «Найлепшы спартсмен» перамог біятланіст Антон Смольскі. 

У гэтым годзе ён другі раз у кар'еры выйграў Кубак Садружнасці, а таксама заваяваў чатыры залатыя медалі на хатнім Кубку наймацнейшых спартсменаў. Акрамя таго, на рахунку Антона шматлікія медалі чэмпіянату Расіі і этапаў Кубка Расіі. Варта адзначыць, што ад удзелу ў прэстыжных міжнародных спаборніцтвах беларускія біятланісты з 2022 года адхіленыя, таму ўсе іх медалі здабываюцца фактычна толькі ў беларуска-расійскіх спаборніцтвах.

Канкурэнтамі Смольскага былі батутыст Іван Літвіновіч і вясляр Яўген Залаты. У 2025 годзе Літвіновіч выйграў агульны залік Кубка свету і стаў чэмпіёнам свету ў сінхронных скачках, а Залаты перамог на першынстве Еўропы і ўзяў бронзу чэмпіяната свету.

У намінацыі «Найлепшая спартсменка» перамагла лідарка нацыянальнай каманды па мастацкай гімнастыцы Аліна Гарнасько.

У 2025 годзе яна ўзяла золата на Універсіядзе ў Германіі, заваявала россып узнагарод на этапах Кубка свету і Кубка выкліку, стала найлепшай на прэстыжных міжнародных турнірах у Мінску, Маскве, Дубаі і Пекіне, а таксама перамагала на клубных чэмпіянатах Францыі і Іспаніі. 

Акрамя яе, на галоўны прыз у гэтай катэгорыі таксама прэтэндавалі тэнісістка Арына Сабаленка і сінхраністка Васіліна Хандошка. Сабаленка сёлета выйграла адкрыты чэмпіянат ЗША і завяршыла год першай ракеткай свету, а Хандошка заваявала срэбра і бронзу чэмпіянату свету.

У намінацыі «Найлепшы трэнер» ужо другі год запар перамагла галоўная тренерка зборнай Беларусі па скачках на батуце Вольга Уласава. 

Сёлета яе выхаванцы заваявалі тры медалі вышэйшай пробы на чэмпіянаце свету ў Іспаніі і шэсць залатых узнагарод на III гульнях краін СНД у Азербайджане. Таксама беларускія батутысты станавіліся прызёрамі этапаў Кубка свету, а Іван Літвіновіч выйграў агульны залік турніру.

У гэтай намінацыі таксама былі прадстаўленыя Нікалас Альварада, які прывёў зборную Беларусі па пляжным футболе да срэбра чэмпіянату свету, і галоўны трэнер зборнай Беларусі па акадэмічным веславанні Віталь Белы, чые падапечныя сталі прызёрамі сусветных і кантынентальных форумаў.

У намінацыі «Найлепшая каманда» найлепшай была прызнана зборная Беларусі на скачках на батуце пад кіраўніцтвам ужо згаданай Вольгі Уласавай. 

У топ-3 найлепшых камандаў года таксама ўвайшлі хакейнае «Дынама» і зборная Беларусі па пляжным футболе. Мінскія дынамаўцы ўпершыню ў гісторыі выйшлі ў другі раўнд плэй-оф Кубка Гагарына, а футбалісты пляжнікі ўзялі срэбра чэмпіянату свету.

Урэшце, «Прарывам года» прызнана выступленне мінскага «Дынама» ў Кантынентальнай хакейнай лізе. 

У сезоне-2024/25 КХЛ падапечныя Дзмітрыя Квартальнава занялі найвышэйшае для сябе чацвёртае месца ў Заходняй канферэнцыі па выніках рэгулярнага чэмпіянату і пабілі рэкорды клуба па балах і перамогах за чэмпіянат. Таксама «зубры» ўпершыню ў гісторыі выйшлі ў чвэрцьфінал розыгрышу Кубка Гагарына.

Канкурэнцыю хакеістам тут складалі плыўчыха Аліна Змушка і двойка Таццяны Клімовіч з Аленай Фурман (акадэмічнае веславанне). Беларускі заваявалі бронзавыя медалі сусветных форумаў у сваіх відах спорту.

Каментары

Цяпер чытаюць

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Усе навіны →
Усе навіны

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка10

Мінскія ўлады ўжо абмяркоўваюць ідэю Лукашэнкі запусціць трамваі ў метро14

Людзі спяшаюцца перабрацца з Расіі ў Эстонію1

Выйдзе працяг «Адзін дома» з Макалеем Калкіным

Мінчане купілі пустуючую хату за 2300 рублёў і вяртаюць яе да жыцця5

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

больш чытаных навін
больш лайканых навін

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Галоўнае
Усе навіны →

Заўвага:

 

 

 

 

Закрыць Паведаміць