Грамадства3131

Мікалай Чаргінец напісаў ліст Трампу і пахваліўся купленымі дыпломамі

На сайце праўладнага Саюза пісьменнікаў Беларусі з'явіўся адкрыты ліст былога кіраўніка гэтай арганізацыі, 88‑гадовага Мікалая Чаргінца да прэзідэнта ЗША Дональда Трампа. У ім рускамоўны літаратар, якому Лукашэнка ў 2022 годзе прысвоіў званне «народнага пісьменніка Беларусі», спрабуе ўразіць Трампа расійскім анекдотам пра «тупых амерыканцаў» і фэйкавымі дыпломамі, спецыяльна створанымі для задавальння амбіцый постсавецкіх славалюбцаў.

Мікалай Чаргінец. Фота: Міністэрства інфармацыі Беларусі

Нагодай для напісання Чаргінцом ліста да Трампа стала накіраванне апошнім магутнай армады караблёў да берагоў Ірана. 

У вялікім тэксце, чамусьці не разбітым на абзацы і пададзеным адной суцэльнай «цаглінай», а таму надзвычай складаным для чытання, адстаўны міліцэйскі генерал дзеліцца з прэзідэнтам ЗША «барадатай гісторыяй», якая «ўжо шмат гадоў ходзіць па розных СМІ». Каб надаць гэтаму апавяданню ў вачах Трампа вагі, Чаргінец піша, што некалі

«даў яго пачытаць дзяржаўнаму сакратару Саюзнай дзяржавы Паўлу Паўлавічу Барадзіну. Прачытаўшы, ён паказаў вялікі палец і сказаў: «Уручу Задорнаву, хай забаўляе публіку!»

Фрагмент тэксту Мікалая Чаргінца. Скрыншот з сайта СПБ 

Галоўны сюжэт гэтага анекдота, вытрыманага сапраўды ў стылі сумнавядомых задорнаўскіх маналогаў пра «тупых амерыканцаў» — у тым, што камандзір амерыканскага авіяносца «Аўраам Лінкальн» нібыта ў 1997 годзе перагаворваўся са службоўцамі размешчанага на беразе іспанскага маяка, патрабуючы, каб маяк саступіў яму дарогу, і не мог зразумець, чаму той не можа гэтага зрабіць. Іран Чаргінцом параўноўваецца з тым самым маяком, аб які амерыканская армада можа разбіцца, не разумеючы праз сваю недалёкасць, што гэта несакрушальная скала. 

Завяршае ж свой ліст Чаргінец экскурсам ва ўласную біяграфію:

«Я ў свой час на працягу 12 гадоў уваходзіў у склад дэлегацыі Рэспублікі Беларусь для ўдзелу ў працы Генасамблеі ААН. Памятаю, як амерыканская дэлегацыя ўнесла на разгляд Генасамблеі «Акт аб дэмакратыі ў Беларусі», запатрабаваўшы асудзіць нашу краіну. Накіраванне армады нагадала мне тую гісторыю ў ААН. Мне тады давялося выступіць з аргументаванай прамовай, у якой я паказаў абсурднасць гэтых абвінавачванняў. У выніку большасць дэлегатаў падтрымалі Беларусь і дэлегацыі ЗША давялося змяніць курс. […]

Прыемна, што маю рацыю ў Генасамблеі ўхваліла большасць дзяржаў і нават грамадскасць ЗША і Англіі, пра што сведчаць іх дыпломы».

Каб не быць галаслоўным, да тэксту Чаргінец далучае і сканы тых дыпломаў. Гэта кур'ёзныя «дакументы», масавай выдачай якіх зарабляюць сабе на хлеб стваральнікі шматлікіх «біяграфічных інстытутаў» з гучнымі назвамі. Пры жаданні любы прагны да славы, але зусім не крытычны ні да самога сябе, ні да рэчаіснасці чалавек можа атрымаць у такім «інстытуце» званне кшталту «чалавека года», проста заплаціўшы за гэта пэўную суму. За гэта яму выпісваюць дыплом, вартасць якога роўна такая, колькі каштуюць папера і друк. Ні амерыканская, ні брытанская, ні хоць бы якая-небудзь іншая грамадскасць да гэтага ніякага дачынення не маюць.

Каментары31

  • 3% у міня
    06.02.2026
    Беларускій пісацель не знаюшчый беларускава языка. Еслі найдзёцца кто-та, кто аб'ясніт эта Трампу, то дажэ у нево праснёцца юмор.))
  • гы-гы
    06.02.2026
    у меня тоже есть подобный диплом, только от какого то британского центра, что я "ученый 2XXX года" ;) Я по приколу порекомендовал сам себя от имени фейкового коллеги, и получил "диплом". За бесплатно просто в электронной форме, а если хочешь повесить на стенку, то надо платить
  • dead
    06.02.2026
    3% у міня, почему писатель должен знать язык, на котором не говорит в быту 99 % населения? Я думаю, многие ирландские писатели тоже не знают ирландского

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

У Мінску прадаюць «Жыгулі» з маторам на 300 сіл2

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць