Грамадства66

Рамонт Чырвонага касцёла ў Мінску зноў прыпыняўся

Жыхары Мінска заўважылі, што апошні месяц работы па рэканструкцыі Чырвонага касцёла, якія вядуцца ўжо амаль год і нібыта павінны быць завершаныя сёлета, амаль не праводзілі. Вернікі, якія назіраюць, наколькі гэта магчыма, за ходам работ, пацвердзілі: апошнім часам рамонт вялі неактыўна, піша выданне Katolik.life.

Рамонт Чырвонага касцёла ў Мінску быў прыпынены. Чаму — даведаліся вернікі
Фота ілюстрацыйнае

Нягледзячы на высокі плот, было заўважна, што будаўнікоў на пляцоўцы амаль не было, а з касцёла не даносіліся характэрныя гукі рамонту.

У парафіі святога Сымона і святой Алены вернікаў ніяк не інфармуюць пра ход работ, таму прыпыненне рамонту прывяло да з'яўлення пэўных здагадак і чутак.

Каб развеяць сумневы, адзін з вернікаў дазваніўся ў дзяржпрадпрыемства «Мінская спадчына», якое з'яўляецца ўласнікам будынка касцёла і заказчыкам работ.

Адказная асоба прадпрыемства пацвердзіла, што рамонт быў прыпынены на некаторы час, і патлумачыла прычыну тым, што з'явілася неабходнасць правядзення дадатковых работ.

Як адказалі верніку, «былі некаторыя пытанні, патрабаваўся час на праходжанне новай экспертызы».

Аднак у «Мінскай спадчыне» запэўнілі, што цяпер асноўныя работы ўжо аднаўляюцца, а тэрміны завяршэння рэканструкцыі зрушаныя не будуць.

Паводле планаў аб'ект павінны ўвесці ў эксплуатацыю ў студзені 2027 года. Але ці перададуць яго зноў у карыстанне парафіі і калі так, то на якіх умовах, — вернікам дагэтуль не паведамлялі.

Нядаўна вернікам не далі дазволу памаліцца ля Чырвонага касцёла ў памятную дату па просьбе былога пробашча парафіі ксяндза Уладзіслава Завальнюка. У канцы сакавіка святар казаў у сваім відэа, што будзе далей спрабаваць атрымаць дазвол, але з таго часу нічога болей не паведамляў на гэту тэму.

Дарэчы, упершыню за апошні час, у мінулую нядзелю, падчас святой імшы для супольнасці Чырвонага касцёла ў парафіяльных аб'явах прагучаў заклік да малітвы аб тым, каб вернікі як мага хутчэй маглі вярнуцца ў свой храм. Праўда, аб'явы чытаў не пробашч парафіі, а вікарый.

Каментары6

  • Такі вынік
    15.05.2026
    Пакуль жыве бес лукашенко, Чырвоны Касцёл будзе на "рамонце''((
  • (
    15.05.2026
    Бесы лукашысты падпалілі Будслау́скі Касцёл, потым спрабавалі зрабіць падпал Чырвонага Касцёла у́ Менску, здзекваюцца на Святарамі, зачынілі Царкву баптыстау́, зносяць могілкі, зносяць Крыжы у́ Курапатах, зносяць Крыжы у́ розных мейсцах Беларусі...гэта у́сё па загаду галоу́нага беса-маньяка лукашенко ( Валет)
  • Яна
    15.05.2026
    Гражданин РБ, ужо не адзіны Касцёл рпц-бпц мп адабралі у́ каталікоу́ у розныя гг

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Украінцы нанеслі моцны ўдар па расійскіх радарах і станцыях РЭБ4

Інстытуты сацыялогіі і філасофіі Акадэміі навук аб'яднаюць у адзін7

У Кемераўскай вобласці Расіі разбіўся вайскова-транспартны самалёт Ан-12 «Чорны цюльпан» ВІДЭА11

Зяленскі расказаў, чым украінцы падбілі Крымскі мост10

Да людзей, якія шукаюць праўды і дапамогі ў тыктоку, сталі прыходзіць сілавікі4

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м61

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?44

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць