Грамадства55

«Распілавалі балгаркай сейф, узломвалі скарбонкі». Парафіяне Чырвонага касцёла расказалі, як з храма вывозілі маёмасць

Днямі стала вядома, што скончаны вываз маёмасці з мінскага Чырвонага касцёла і названы меркаваны тэрмін яго «рэстаўрацыі». Але гэта навіна, радаснае агучванне якой пробашчам парафіі святога Сымона і святой Алены сустракалі апладысментамі, цяпер выклікае ў вернікаў смутак і трывогу. Некаторыя з іх падзяліліся сваімі думкамі з выданнем Katolik.life.

«Здарылася найгоршае». Парафіяне Чырвонага касцёла трывожацца, што не хутка вернуцца ў святыню

Асабліва балюча парафіянам стала, калі пробашч ксёндз Франц Рудзь назваў падчас імшы меркаваны тэрмін «рэстаўрацыі» храма — паўтара-два гады. Дакладныя планы ўладаў па работах у касцёле невядомыя, але калі яны маштабныя, то сапраўды на гэта патрэбен час — сродкі могуць закласці ў інвестыцыйную праграму Мінска на наступны год, і толькі тады будзе магчымы пачатак асноўных работ.

Маёмасць, вывезеную з касцёла, складзіравалі ў старым храме ў адной з вёсак у Мінскім раёне. Бібліятэку і частку рэчаў — у Хрысціянскім сацыяльным цэнтры.

Як праходзіў вываз маёмасці і чаму гэта падзея стала балючай і трывожнай для вернікаў — сведчанні ніжэй:

«Лавы і канфесіяналы, вырабленыя нямецкімі майстрамі, везліся ў свой час з Германіі, а зараз у разабраным стане, бо інакш не вынесеш, штосьці дзесьці паламалася. Арганы, інструменты, статуі, іконы, копія Турынскай плашчаніцы — гэта ж святыні, іх вываз — як кепскі знак… Вельмі балюча і трывожна. Невядома, што будзе з касцёлам, на колькі зацягнецца «рэстаўрацыя».

«Распілавалі балгаркай сейф, узломвалі скарбонкі, хоць яны былі пустыя».

«Асабліва баліць сэрца за ксяндза Уладзіслава [Завальнюка], які жыццё і ўсяго сябе прысвяціў гэтаму касцёлу, і за тых старэйшых, хто прыкладаў столькі сіл і намаганняў, змагаўся калісьці за гэты касцёл, адраджаў яго, жыў ім, а цяпер усведамляе напрыканцы жыцця, што ўжо больш туды не вернецца».

«Здзек і знявага нашай Святыні. Здарылася найгоршае».

«Апошняя надзея, што хаця б вернуць неўзабаве касцёл, рухнула. Вось так раптам, выносіць усё да апошняга, і так употайкі, ніякай дакладнай інфармацыі. Па іншых месцах распіхваць, нібы барахло якое».

Нагадаем, Чырвоны касцёл у Мінску закрыты па распараджэнні ўладаў ужо больш за 2,5 гады нібыта праз неабходнасць правядзення там рамонту. Парафіяне не раз заяўлялі, што храм не патрабуе вялікага рамонту і што яны гатовы выканаць яго сваімі сіламі.

Каментары5

  • Bij bolszewika
    28.03.2025
    Bij bolszewika w każdej go postaci,
    bo to jest twój największy dzisiaj wróg.
    To przecież on kościami twoich braci,
    brukował sieć swych niezliczonych dróg.

    To przecież on jak bóstwo czci Stalina
    kapłanom twym nie szczędząc srogich mąk.
    To przecież on z kościołów zrobił kina
    i depcze krzyż, czerwoną gwiazdę czcząc.

    To przecież on nie wierzyć w Boga zmusza
    tumaniąc nas potęgą krasnych szmat,
    by człowieczeństwo w sercu twoim zgasło,
    byś ty nie wiedział, co to znaczy brat.

    Zasłonę więc zrzuć z oczu miły bracie,
    Niech zagrzmi znów praojców złoty róg.
    Bij bolszewika w każdej go postaci
    bo to jest twój największy dzisiaj wróg.

    Поўную версію глядзіце на Ютубе
  • Атеист
    28.03.2025
    Это как ограбить грабителей
  • Наблюдающий
    28.03.2025
    Шкада што вернiki падзялiлicя... Хто цалкам падтрымлiвае новага пробашча, i тымi, хто лiчыць гэта непрымальным. Усё гэта робяць, сейф, скарбонкi паламаныя, тыя, хто цалкам за новага пробашча, i выконваюць яго загады. Няма згоды...

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю48

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

У Жлобінскім раёне машына наляцела на каня. Кіроўцу давялося з салона выразаць2

Пуцін заклікаў украінцаў пераходзіць «на правільны бок гісторыі»11

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

Пад Барысавам упалявалі першую ў гэтым сезоне рысь2

Аналітыка Вольгу Харламаву асудзілі на 10 гадоў калоніі6

Беларусы масава бяруць ільготныя крэдыты пад 4%1

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю48

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць