Свет22

Трамп 1 гадзіну і 25 хвілін гаварыў з Пуціным

Змест размовы пакуль вядомы толькі ў пераказе памочніка Уладзіміра Пуціна па міжнародных пытаннях. Стужка Дональда Трампа ў TruthSocial пакуль запоўненая паведамленнямі, прысвечанымі 250‑годдзю незалежнасці ЗША.

Уладзімір Пуцін і Дональд Трамп у Анкорыджы на Алясцы 15 жніўня 2025 года. Фота: AP Photo / Julia Demaree Nikhinson

Уладзімір Пуцін правёў тэлефонную размову з амерыканскім лідарам Дональдам Трампам, у якой асабіста павіншаваў яго з Днём незалежнасці ЗША. Пра гэта паведаміў памочнік расійскага лідара Юрый Ушакоў, перадае ТАСС.

Перад гэтым Дональд Трамп пагаварыў з прэзідэнтам Украіны Уладзімірам Зяленскім.

Размова Трампа і Пуціна «працягвалася амаль паўтары гадзіны, дакладней — 1 гадзіну 25 хвілін», — удакладніў Ушакоў.

«Расійскі бок выступіў ініцыятарам папярэдняга тэлефоннага кантакту — 14 чэрвеня, у дзень 80‑годдзя Дональда Трампа. На гэты раз з прапановай правесці размову менавіта ў дзень святкавання 250‑годдзя незалежнасці ЗША выступілі амерыканскія партнёры», — сказаў Ушакоў.

«Сённяшняя тэлефонная размова двух кіраўнікоў дзяржаў пачалася з таго, што прэзідэнт Уладзімір Пуцін асабіста павіншаваў Дональда Трампа і ўвесь амерыканскі народ са знакавым святам», — сказаў Ушакоў.

Пуцін таксама пацвердзіў гатоўнасць Расіі садзейнічаць дээскалацыі вакол Ірана — там, нагадаем, устанавілася перамір'е, нафта, газ, гелій і азот ізноў надыходзяць з Персідскага заліва на сусветныя рынкі. 

«Пацверджаная наша гатоўнасць аказваць практычнае садзейнічанне намаганням па дээскалацыі і стабілізацыі сітуацыі ў рэгіёне», — адзначыў Ушакоў. «Дональд Трамп, у сваю чаргу, падзякаваў расійскаму боку за ўзважаную пазіцыю і канструктыўныя прапановы», — дадаў памочнік расійскага лідара. Расія ніяк не ўмяшалася, калі ЗША і Ізраіль наносілі ўдары па Іране, «стратэгічным саюзніку» Масквы.

«Кранаючы сітуацыю вакол Ірана, Уладзімір Пуцін выказаў надзею, што перагаворны працэс на аснове мемарандума аб узаемаразуменні паміж ЗША і Іранам дазволіць знайсці ўзаемапрымальныя доўгатэрміновыя развязкі па ключавых пытаннях урэгулявання», — адзначыў Ушакоў.

Галоўнай тэмай размовы Трампа і Пуціна стала, натуральна, вайна ва Украіне.

«Прэзідэнты, натуральна, закранулі тэму ўкраінскага ўрэгулявання. У тым ліку з улікам маючага адбыцца ўдзелу Дональда Трампа ў саміце НАТА ў Турцыі 7—8 ліпеня», — адзначыў памочнік Пуціна.

Тон інфармацыі Ушакова быў лагодны.

«Амерыканскі прэзідэнт зноў пацвердзіў гатоўнасць садзейнічаць хутчэйшаму спыненню баявых дзеянняў, пошуку мірных рашэнняў па пераадоленні крызісу», — падкрэсліў Ушакоў.

Спецпасланнікі амерыканскага прэзідэнта Дональда Трампа будуць гатовыя працягнуць пасрэдніцкія намаганні і зноў прыехаць у Маскву, заявіў Ушакоў.

Раней візіты Уіткафа і Кушнера не раз пераносіліся.

«Размова, гэта ўжо чацвёртая ў бягучым годзе, была, натуральна, не толькі пратакольнай, але і дзелавой і вельмі канструктыўнай. Гэтая размова дазволіла адкрыта абмеркаваць актуальныя сюжэты двухбаковага і міжнароднага парадку дня», — адзначыў Ушакоў.

Размова Трампа і Пуціна прайшла на фоне ўзмацнення ўдараў Украіны ў глыбіні Расіі, а таксама па акупаваных тэрыторыях. У выніку знішчэння вялікай часткі расійскіх нафтаперапрацоўчых заводаў у РФ узнік востры паліўны крызіс і пачало нарастаць незадавальненне насельніцтва вайною.

Каментары2

  • Спадар
    05.07.2026
    Зноў "танцы з бубнам".....
  • Отец Засандалий
    06.07.2026
    Удастся обмануть медведя или нет?

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку17

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

У Тураве збіраюцца за два мільёны рэканструяваць невялікі мост цераз канал

Ракетам «Пэтрыёт» нестае спецыяльнай віскозы: нечаканы дэфіцыт на сусветным рынку1

Зяленскі: Для ўдару па Крымскім мосце мы прымянялі толькі ўласную зброю6

Беларус паўнавартасна паабедаў у рэстаране ўсяго за 4 рублі. Дзе такое месца?3

Сі не дазволіў Пуціну стаць побач з сабой і Трампам на агульным фота саміта АЦЭС24

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку17

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць